| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
6. පියඞ්‌කරසුත්‌තවණ්‌ණනා
6. Piyaṅkarasuttavaṇṇanā
240. පච්‌චන්‌තෙති පරියන්‌තෙ. පාටියෙක්‌කන්‌ති සඞ්‌ගීතිකාලෙ විසුං. යමකවග්‌ගාදිකා බ්‍රාහ්‌මණවග්‌ගපරියොසානා ඡබ්‌බීසති වග්‌ගා එතිස්‌සාති ඡබ්‌බීසතිවග්‌ගා, තන්‌තීති පාළි. උච්‌චාරපස්‌සාවාදි එවරූපං දුබ්‌භොජනං, ‘‘අසුචිජෙගුච්‌ඡභාවෙන දුට්‌ඨු භොජන’’න්‌ති කත්‌වා, දුබ්‌භොජනග්‌ගහණෙන වා වන්‌තගබ්‌භමලාදීනි අතිදිසති. ඡවිආදීනි ඡෙත්‌වාති ඡවිආදීනි අතිවිජ්‌ඣ අතිවිය පවිසිත්‌වා. අට්‌ඨිමිඤ්‌ජං ආහච්‌ච අට්‌ඨාසි පීතිසමුට්‌ඨානඋළාරොළාරරූපප්‌පවත්‌තියා. තෙනාහ ‘‘හදයඞ්‌ගමනීයො හුත්‌වා’’ති.
240.Paccanteti pariyante. Pāṭiyekkanti saṅgītikāle visuṃ. Yamakavaggādikā brāhmaṇavaggapariyosānā chabbīsati vaggā etissāti chabbīsativaggā, tantīti pāḷi. Uccārapassāvādi evarūpaṃ dubbhojanaṃ, ‘‘asucijegucchabhāvena duṭṭhu bhojana’’nti katvā, dubbhojanaggahaṇena vā vantagabbhamalādīni atidisati. Chaviādīni chetvāti chaviādīni ativijjha ativiya pavisitvā. Aṭṭhimiñjaṃ āhacca aṭṭhāsi pītisamuṭṭhānauḷāroḷārarūpappavattiyā. Tenāha ‘‘hadayaṅgamanīyo hutvā’’ti.
ධම්‌මතාය සමාදිණ්‌ණන්‌ති කස්‌සචි සන්‌තිකෙ අග්‌ගහෙත්‌වා සයමෙව තස්‌මිං ඛණෙ සංයතා හොමාති යථාසංයතා. තතියපදෙනාති ‘‘සික්‌ඛෙම සුසීල්‍ය’’න්‌ති ඉමිනා පදෙන. සෙසාති වුත්‌තාවසෙසා. තිස්‌සො අදින්‌නාදානමිච්‌ඡාචාරසුරාපානවිරතියො. ගහිතා ගොබලීබද්‌දඤායෙන. ඡාතකං දුබ්‌භික්‌ඛඤ්‌ච එත්‌ථාති ඡාතකදුබ්‌භික්‌ඛා, ජිඝච්‌ඡාදුබ්‌භික්‌ඛාබහුලායාති අත්‌ථො. පිසාචයක්‌ඛයොනියාති පෙත්‌තිවිසයසදිසයක්‌ඛයොනියා අපි නාම මුච්‌චෙමාති යොජනා.
Dhammatāyasamādiṇṇanti kassaci santike aggahetvā sayameva tasmiṃ khaṇe saṃyatā homāti yathāsaṃyatā. Tatiyapadenāti ‘‘sikkhema susīlya’’nti iminā padena. Sesāti vuttāvasesā. Tisso adinnādānamicchācārasurāpānaviratiyo. Gahitā gobalībaddañāyena. Chātakaṃ dubbhikkhañca etthāti chātakadubbhikkhā, jighacchādubbhikkhābahulāyāti attho. Pisācayakkhayoniyāti pettivisayasadisayakkhayoniyā api nāma muccemāti yojanā.
පියඞ්‌කරසුත්‌තවණ්‌ණනා නිට්‌ඨිතා.
Piyaṅkarasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6. පියඞ්‌කරසුත්‌තං • 6. Piyaṅkarasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. පියඞ්‌කරසුත්‌තවණ්‌ණනා • 6. Piyaṅkarasuttavaṇṇanā
