| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. бод̇алияасуд̇д̇ам̣
10. Potaliyasuttaṃ
100. ат̇а ко бод̇алияо бариб̣б̣ааж̇аго язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисиннам̣ ко бод̇алияам̣ бариб̣б̣ааж̇агам̣ бхаг̇аваа зд̇ад̣̇авожа –
100. Atha kho potaliyo paribbājako yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinnaṃ kho potaliyaṃ paribbājakaṃ bhagavā etadavoca –
‘‘жад̇д̇ааромз, бод̇алияа, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇ха, бод̇алияа, згажжо буг̇г̇ало 1 аван̣н̣аарахасса аван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна, но жа ко ван̣н̣аарахасса ван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна. ид̇ха бана, бод̇алияа, згажжо буг̇г̇ало ван̣н̣аарахасса ван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна, но жа ко аван̣н̣аарахасса аван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна. ид̇ха бана, бод̇алияа, згажжо буг̇г̇ало нзва аван̣н̣аарахасса аван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна, но жа ван̣н̣аарахасса ван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна. ид̇ха бана, бод̇алияа, згажжо буг̇г̇ало аван̣н̣аарахасса жа аван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна, ван̣н̣аарахасса жа ван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна. имз ко, бод̇алияа, жад̇д̇ааро буг̇г̇алаа санд̇о сам̣виж̇ж̇амаанаа логасмим̣. имзсам̣ ко, бод̇алияа, жад̇уннам̣ буг̇г̇алаанам̣ гад̇амо д̇з буг̇г̇ало камад̇и абхигганд̇ад̇аро жа бан̣ийд̇ад̇аро жаа’’д̇и?
‘‘Cattārome, potaliya, puggalā santo saṃvijjamānā lokasmiṃ. Katame cattāro? Idha, potaliya, ekacco puggalo 2 avaṇṇārahassa avaṇṇaṃ bhāsitā hoti bhūtaṃ tacchaṃ kālena, no ca kho vaṇṇārahassa vaṇṇaṃ bhāsitā hoti bhūtaṃ tacchaṃ kālena. Idha pana, potaliya, ekacco puggalo vaṇṇārahassa vaṇṇaṃ bhāsitā hoti bhūtaṃ tacchaṃ kālena, no ca kho avaṇṇārahassa avaṇṇaṃ bhāsitā hoti bhūtaṃ tacchaṃ kālena. Idha pana, potaliya, ekacco puggalo neva avaṇṇārahassa avaṇṇaṃ bhāsitā hoti bhūtaṃ tacchaṃ kālena, no ca vaṇṇārahassa vaṇṇaṃ bhāsitā hoti bhūtaṃ tacchaṃ kālena. Idha pana, potaliya, ekacco puggalo avaṇṇārahassa ca avaṇṇaṃ bhāsitā hoti bhūtaṃ tacchaṃ kālena, vaṇṇārahassa ca vaṇṇaṃ bhāsitā hoti bhūtaṃ tacchaṃ kālena. Ime kho, potaliya, cattāro puggalā santo saṃvijjamānā lokasmiṃ. Imesaṃ kho, potaliya, catunnaṃ puggalānaṃ katamo te puggalo khamati abhikkantataro ca paṇītataro cā’’ti?
‘‘жад̇д̇ааромз, бхо г̇од̇ама, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇ха, бхо г̇од̇ама, згажжо буг̇г̇ало аван̣н̣аарахасса аван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна, но жа ко ван̣н̣аарахасса ван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна. ид̇ха бана, бхо г̇од̇ама, згажжо буг̇г̇ало ван̣н̣аарахасса ван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна, но жа ко аван̣н̣аарахасса аван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна. ид̇ха бана, бхо г̇од̇ама, згажжо буг̇г̇ало нзва аван̣н̣аарахасса аван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна, но жа ван̣н̣аарахасса ван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна. ид̇ха бана, бхо г̇од̇ама, згажжо буг̇г̇ало аван̣н̣аарахасса жа аван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна, ван̣н̣аарахасса жа ван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна. имз ко, бхо г̇од̇ама, жад̇д̇ааро буг̇г̇алаа санд̇о сам̣виж̇ж̇амаанаа логасмим̣. имзсам̣, бхо г̇од̇ама, жад̇уннам̣ буг̇г̇алаанам̣ явааяам̣ буг̇г̇ало нзва аван̣н̣аарахасса аван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна, но жа ван̣н̣аарахасса ван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна; аяам̣ мз буг̇г̇ало камад̇и имзсам̣ жад̇уннам̣ буг̇г̇алаанам̣ абхигганд̇ад̇аро жа бан̣ийд̇ад̇аро жа. д̇ам̣ гисса хзд̇у? абхигганд̇аа 3 хзсаа, бхо г̇од̇ама, яад̣̇ид̣̇ам̣ убзгкаа’’д̇и.
‘‘Cattārome, bho gotama, puggalā santo saṃvijjamānā lokasmiṃ. Katame cattāro? Idha, bho gotama, ekacco puggalo avaṇṇārahassa avaṇṇaṃ bhāsitā hoti bhūtaṃ tacchaṃ kālena, no ca kho vaṇṇārahassa vaṇṇaṃ bhāsitā hoti bhūtaṃ tacchaṃ kālena. Idha pana, bho gotama, ekacco puggalo vaṇṇārahassa vaṇṇaṃ bhāsitā hoti bhūtaṃ tacchaṃ kālena, no ca kho avaṇṇārahassa avaṇṇaṃ bhāsitā hoti bhūtaṃ tacchaṃ kālena. Idha pana, bho gotama, ekacco puggalo neva avaṇṇārahassa avaṇṇaṃ bhāsitā hoti bhūtaṃ tacchaṃ kālena, no ca vaṇṇārahassa vaṇṇaṃ bhāsitā hoti bhūtaṃ tacchaṃ kālena. Idha pana, bho gotama, ekacco puggalo avaṇṇārahassa ca avaṇṇaṃ bhāsitā hoti bhūtaṃ tacchaṃ kālena, vaṇṇārahassa ca vaṇṇaṃ bhāsitā hoti bhūtaṃ tacchaṃ kālena. Ime kho, bho gotama, cattāro puggalā santo saṃvijjamānā lokasmiṃ. Imesaṃ, bho gotama, catunnaṃ puggalānaṃ yvāyaṃ puggalo neva avaṇṇārahassa avaṇṇaṃ bhāsitā hoti bhūtaṃ tacchaṃ kālena, no ca vaṇṇārahassa vaṇṇaṃ bhāsitā hoti bhūtaṃ tacchaṃ kālena; ayaṃ me puggalo khamati imesaṃ catunnaṃ puggalānaṃ abhikkantataro ca paṇītataro ca. Taṃ kissa hetu? Abhikkantā 4 hesā, bho gotama, yadidaṃ upekkhā’’ti.
‘‘жад̇д̇ааромз, бод̇алияа, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро…бз… имз ко, бод̇алияа, жад̇д̇ааро буг̇г̇алаа санд̇о сам̣виж̇ж̇амаанаа логасмим̣. имзсам̣ ко, бод̇алияа, жад̇уннам̣ буг̇г̇алаанам̣ явааяам̣ буг̇г̇ало аван̣н̣аарахасса жа аван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна, ван̣н̣аарахасса жа ван̣н̣ам̣ бхаасид̇аа ход̇и бхууд̇ам̣ д̇ажчам̣ гаалзна; аяам̣ имзсам̣ жад̇уннам̣ буг̇г̇алаанам̣ абхигганд̇ад̇аро жа бан̣ийд̇ад̇аро жа. д̇ам̣ гисса хзд̇у? абхигганд̇аа хзсаа, бод̇алияа, яад̣̇ид̣̇ам̣ д̇ад̇т̇а д̇ад̇т̇а гаалан̃н̃уд̇аа’’д̇и.
‘‘Cattārome, potaliya, puggalā santo saṃvijjamānā lokasmiṃ. Katame cattāro…pe… ime kho, potaliya, cattāro puggalā santo saṃvijjamānā lokasmiṃ. Imesaṃ kho, potaliya, catunnaṃ puggalānaṃ yvāyaṃ puggalo avaṇṇārahassa ca avaṇṇaṃ bhāsitā hoti bhūtaṃ tacchaṃ kālena, vaṇṇārahassa ca vaṇṇaṃ bhāsitā hoti bhūtaṃ tacchaṃ kālena; ayaṃ imesaṃ catunnaṃ puggalānaṃ abhikkantataro ca paṇītataro ca. Taṃ kissa hetu? Abhikkantā hesā, potaliya, yadidaṃ tattha tattha kālaññutā’’ti.
‘‘жад̇д̇ааромз, бхо г̇од̇ама, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро…бз… имз ко, бхо г̇од̇ама, жад̇д̇ааро буг̇г̇алаа санд̇о сам̣виж̇ж̇амаанаа логасмим̣. имзсам̣, бхо г̇од̇ама, жад̇уннам̣ буг̇г̇алаанам̣ явааяам̣ буг̇г̇ало аван̣н̣аарахасса жа аван̣н̣ам̣ бхаасид̇аа бхууд̇ам̣ д̇ажчам̣ гаалзна, ван̣н̣аарахасса жа ван̣н̣ам̣ бхаасид̇аа бхууд̇ам̣ д̇ажчам̣ гаалзна; аяам̣ мз буг̇г̇ало камад̇и имзсам̣ жад̇уннам̣ буг̇г̇алаанам̣ абхигганд̇ад̇аро жа бан̣ийд̇ад̇аро жа. д̇ам̣ гисса хзд̇у? абхигганд̇аа хзсаа, бхо г̇од̇ама, яад̣̇ид̣̇ам̣ д̇ад̇т̇а д̇ад̇т̇а гаалан̃н̃уд̇аа.
‘‘Cattārome, bho gotama, puggalā santo saṃvijjamānā lokasmiṃ. Katame cattāro…pe… ime kho, bho gotama, cattāro puggalā santo saṃvijjamānā lokasmiṃ. Imesaṃ, bho gotama, catunnaṃ puggalānaṃ yvāyaṃ puggalo avaṇṇārahassa ca avaṇṇaṃ bhāsitā bhūtaṃ tacchaṃ kālena, vaṇṇārahassa ca vaṇṇaṃ bhāsitā bhūtaṃ tacchaṃ kālena; ayaṃ me puggalo khamati imesaṃ catunnaṃ puggalānaṃ abhikkantataro ca paṇītataro ca. Taṃ kissa hetu? Abhikkantā hesā, bho gotama, yadidaṃ tattha tattha kālaññutā.
‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и, звамзвам̣ бход̇аа г̇од̇амзна анзгабарияааязна д̇хаммо багаасид̇о . зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. д̣̇асамам̣.
‘‘Abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti, evamevaṃ bhotā gotamena anekapariyāyena dhammo pakāsito . Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Dasamaṃ.
асураваг̇г̇о бан̃жамо.
Asuravaggo pañcamo.
д̇ассуд̣̇д̣̇аанам̣ –
Tassuddānaṃ –
асуро д̇аяо самаад̇хий, чаваалаад̇зна бан̃жамам̣;
Asuro tayo samādhī, chavālātena pañcamaṃ;
рааг̇о нисанд̇и ад̇д̇ахид̇ам̣, сигкаа бод̇алиязна жаад̇и.
Rāgo nisanti attahitaṃ, sikkhā potaliyena cāti.
д̣̇уд̇ияабан̣н̣аасагам̣ самад̇д̇ам̣.
Dutiyapaṇṇāsakaṃ samattaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. бод̇алияасуд̇д̇аван̣н̣анаа • 10. Potaliyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-10. киббанисанд̇исуд̇д̇аад̣̇иван̣н̣анаа • 7-10. Khippanisantisuttādivaṇṇanā
