| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၉. ပုဗ္ဗင္ဂမသုတ္တံ
9. Pubbaṅgamasuttaṃ
၁၂၁. ‘‘သူရိယသ္သ, ဘိက္ခဝေ, ဥဒယတော ဧတံ ပုဗ္ဗင္ဂမံ ဧတံ ပုဗ္ဗနိမိတ္တံ, ယဒိဒံ – အရုဏုဂ္ဂံ။ ဧဝမေဝံ ခော, ဘိက္ခဝေ, ကုသလာနံ ဓမ္မာနံ ဧတံ ပုဗ္ဗင္ဂမံ ဧတံ ပုဗ္ဗနိမိတ္တံ, ယဒိဒံ – သမ္မာဒိဋ္ဌိ။ သမ္မာဒိဋ္ဌိကသ္သ, ဘိက္ခဝေ, သမ္မာသင္ကပ္ပော ပဟောတိ, သမ္မာသင္ကပ္ပသ္သ သမ္မာဝာစာ ပဟောတိ, သမ္မာကမ္မန္တော ပဟောတိ, သမ္မာကမ္မန္တသ္သ သမ္မာအာဇီဝော ပဟောတိ, သမ္မာအာဇီဝသ္သ သမ္မာဝာယာမော ပဟောတိ, သမ္မာဝာယာမသ္သ သမ္မာသတိ ပဟောတိ, သမ္မာသတိသ္သ သမ္မာသမာဓိ ပဟောတိ , သမ္မာသမာဓိသ္သ သမ္မာဉာဏံ ပဟောတိ, သမ္မာဉာဏိသ္သ သမ္မာဝိမုတ္တိ ပဟောတီ’’တိ။ နဝမံ။
121. ‘‘Sūriyassa, bhikkhave, udayato etaṃ pubbaṅgamaṃ etaṃ pubbanimittaṃ, yadidaṃ – aruṇuggaṃ. Evamevaṃ kho, bhikkhave, kusalānaṃ dhammānaṃ etaṃ pubbaṅgamaṃ etaṃ pubbanimittaṃ, yadidaṃ – sammādiṭṭhi. Sammādiṭṭhikassa, bhikkhave, sammāsaṅkappo pahoti, sammāsaṅkappassa sammāvācā pahoti, sammākammanto pahoti, sammākammantassa sammāājīvo pahoti, sammāājīvassa sammāvāyāmo pahoti, sammāvāyāmassa sammāsati pahoti, sammāsatissa sammāsamādhi pahoti , sammāsamādhissa sammāñāṇaṃ pahoti, sammāñāṇissa sammāvimutti pahotī’’ti. Navamaṃ.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၅-၄၂. သင္ဂာရဝသုတ္တာဒိဝဏ္ဏနာ • 5-42. Saṅgāravasuttādivaṇṇanā
