| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၉. ရဇ္ဇုသုတ္တံ
9. Rajjusuttaṃ
၁၇၈. သာဝတ္ထိယံ ဝိဟရတိ။ပေ.။ ‘‘ဒာရုဏော, ဘိက္ခဝေ, လာဘသက္ကာရသိလောကော။ လာဘသက္ကာရသိလောကော, ဘိက္ခဝေ, ဆဝိံ ဆိန္ဒတိ, ဆဝိံ ဆေတ္ဝာ စမ္မံ ဆိန္ဒတိ, စမ္မံ ဆေတ္ဝာ မံသံ ဆိန္ဒတိ, မံသံ ဆေတ္ဝာ န္ဟာရုံ ဆိန္ဒတိ, န္ဟာရုံ ဆေတ္ဝာ အဋ္ဌိံ ဆိန္ဒတိ, အဋ္ဌိံ ဆေတ္ဝာ အဋ္ဌိမိဉ္ဇံ အာဟစ္စ တိဋ္ဌတိ’’။
178. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko. Lābhasakkārasiloko, bhikkhave, chaviṃ chindati, chaviṃ chetvā cammaṃ chindati, cammaṃ chetvā maṃsaṃ chindati, maṃsaṃ chetvā nhāruṃ chindati, nhāruṃ chetvā aṭṭhiṃ chindati, aṭṭhiṃ chetvā aṭṭhimiñjaṃ āhacca tiṭṭhati’’.
‘‘သေယ္ယထာပိ , ဘိက္ခဝေ, ဗလဝာ ပုရိသော ဒဠ္ဟာယ ဝာဠရဇ္ဇုယာ ဇင္ဃံ ဝေဌေတ္ဝာ ဃံသေယ္ယ။ သာ ဆဝိံ ဆိန္ဒေယ္ယ, ဆဝိံ ဆေတ္ဝာ စမ္မံ ဆိန္ဒေယ္ယ, စမ္မံ ဆေတ္ဝာ မံသံ ဆိန္ဒေယ္ယ, မံသံ ဆေတ္ဝာ န္ဟာရုံ ဆိန္ဒေယ္ယ, န္ဟာရုံ ဆေတ္ဝာ အဋ္ဌိံ ဆိန္ဒေယ္ယ, အဋ္ဌိံ ဆေတ္ဝာ အဋ္ဌိမိဉ္ဇံ အာဟစ္စ တိဋ္ဌေယ္ယ။ ဧဝမေဝ ခော, ဘိက္ခဝေ, လာဘသက္ကာရသိလောကော ဆဝိံ ဆိန္ဒတိ, ဆဝိံ ဆေတ္ဝာ စမ္မံ ဆိန္ဒတိ, စမ္မံ ဆေတ္ဝာ မံသံ ဆိန္ဒတိ, မံသံ ဆေတ္ဝာ န္ဟာရုံ ဆိန္ဒတိ, န္ဟာရုံ ဆေတ္ဝာ အဋ္ဌိံ ဆိန္ဒတိ, အဋ္ဌိံ ဆေတ္ဝာ အဋ္ဌိံမိဉ္ဇံ အာဟစ္စ တိဋ္ဌတိ။ ဧဝံ ဒာရုဏော ခော, ဘိက္ခဝေ, လာဘသက္ကာရသိလောကော။ပေ.။ ဧဝဉ္ဟိ ဝော, ဘိက္ခဝေ, သိက္ခိတဗ္ဗ’’န္တိ။ နဝမံ။
‘‘Seyyathāpi , bhikkhave, balavā puriso daḷhāya vāḷarajjuyā jaṅghaṃ veṭhetvā ghaṃseyya. Sā chaviṃ chindeyya, chaviṃ chetvā cammaṃ chindeyya, cammaṃ chetvā maṃsaṃ chindeyya, maṃsaṃ chetvā nhāruṃ chindeyya, nhāruṃ chetvā aṭṭhiṃ chindeyya, aṭṭhiṃ chetvā aṭṭhimiñjaṃ āhacca tiṭṭheyya. Evameva kho, bhikkhave, lābhasakkārasiloko chaviṃ chindati, chaviṃ chetvā cammaṃ chindati, cammaṃ chetvā maṃsaṃ chindati, maṃsaṃ chetvā nhāruṃ chindati, nhāruṃ chetvā aṭṭhiṃ chindati, aṭṭhiṃ chetvā aṭṭhiṃmiñjaṃ āhacca tiṭṭhati. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Navamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၉. ရဇ္ဇုသုတ္တဝဏ္ဏနာ • 9. Rajjusuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၉. ရဇ္ဇုသုတ္တဝဏ္ဏနာ • 9. Rajjusuttavaṇṇanā
