| Library / Tipiṭaka / තිපිටක • Tipiṭaka / ධම්‌මසඞ්‌ගණි-අට්‌ඨකථා • Dhammasaṅgaṇi-aṭṭhakathā |
රූපාවචරාරූපාවචරවිපාකකථා
Rūpāvacarārūpāvacaravipākakathā
499. ඉදානි රූපාවචරාදිවිපාකං දස්‌සෙතුං පුන කතමෙ ධම්‌මා අබ්‍යාකතාතිආදි ආරද්‌ධං. තත්‌ථ යස්‌මා කාමාවචරවිපාකං අත්‌තනො කුසලෙන සදිසම්‌පි හොති, අසදිසම්‌පි, තස්‌මා න තං කුසලානුගතිකං කත්‌වා භාජිතං. රූපාවචරාරූපාවචරවිපාකං පන යථා හත්‌ථිඅස්‌සපබ්‌බතාදීනං ඡායා හත්‌ථිආදිසදිසාව හොන්‌ති, තථා අත්‌තනො කුසලසදිසමෙව හොතීති කුසලානුගතිකං කත්‌වා භාජිතං. කාමාවචරකම්‌මඤ්‌ච යදා කදාචි විපාකං දෙති, රූපාවචරාරූපාවචරං පන අනන්‌තරායෙන, දුතියස්‌මිංයෙව අත්‌තභාවෙ, විපාකං දෙතීතිපි කුසලානුගතිකමෙව කත්‌වා භාජිතං. සෙසං කුසලෙ වුත්‌තනයෙනෙව වෙදිතබ්‌බං. අයං පන විසෙසො – පටිපදාදිභෙදො ච හීනපණීතමජ්‌ඣිමභාවො ච එතෙසු ඣානාගමනතො වෙදිතබ්‌බො. ඡන්‌දාදීනං පන අඤ්‌ඤතරං ධුරං කත්‌වා අනුප්‌පාදනීයත්‌තා නිරධිපතිකානෙව එතානීති.
499. Idāni rūpāvacarādivipākaṃ dassetuṃ puna katame dhammā abyākatātiādi āraddhaṃ. Tattha yasmā kāmāvacaravipākaṃ attano kusalena sadisampi hoti, asadisampi, tasmā na taṃ kusalānugatikaṃ katvā bhājitaṃ. Rūpāvacarārūpāvacaravipākaṃ pana yathā hatthiassapabbatādīnaṃ chāyā hatthiādisadisāva honti, tathā attano kusalasadisameva hotīti kusalānugatikaṃ katvā bhājitaṃ. Kāmāvacarakammañca yadā kadāci vipākaṃ deti, rūpāvacarārūpāvacaraṃ pana anantarāyena, dutiyasmiṃyeva attabhāve, vipākaṃ detītipi kusalānugatikameva katvā bhājitaṃ. Sesaṃ kusale vuttanayeneva veditabbaṃ. Ayaṃ pana viseso – paṭipadādibhedo ca hīnapaṇītamajjhimabhāvo ca etesu jhānāgamanato veditabbo. Chandādīnaṃ pana aññataraṃ dhuraṃ katvā anuppādanīyattā niradhipatikāneva etānīti.
රූපාවචරාරූපාවචරවිපාකකථා නිට්‌ඨිතා.
Rūpāvacarārūpāvacaravipākakathā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / ධම්‌මසඞ්‌ගණීපාළි • Dhammasaṅgaṇīpāḷi / අබ්‍යාකතවිපාකො • Abyākatavipāko
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-මූලටීකා • Dhammasaṅgaṇī-mūlaṭīkā / රූපාවචරාරූපාවචරවිපාකකථාවණ්‌ණනා • Rūpāvacarārūpāvacaravipākakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-අනුටීකා • Dhammasaṅgaṇī-anuṭīkā / රූපාවචරාරූපාවචරවිපාකකථාවණ්‌ණනා • Rūpāvacarārūpāvacaravipākakathāvaṇṇanā
