| Library / Tipiṭaka / තිපිටක • Tipiṭaka / පටිසම්‌භිදාමග්‌ගපාළි • Paṭisambhidāmaggapāḷi |
7. සච්‌චවාරො
7. Saccavāro
36. ‘‘‘යාවතා දුක්‌ඛස්‌ස දුක්‌ඛට්‌ඨො, ඤාතො දිට්‌ඨො විදිතො සච්‌ඡිකතො ඵස්‌සිතො පඤ්‌ඤාය. අඵස්‌සිතො පඤ්‌ඤාය දුක්‌ඛට්‌ඨො නත්‌ථී’ති – චක්‌ඛුං උදපාදි, ඤාණං උදපාදි, පඤ්‌ඤා උදපාදි, විජ්‌ජා උදපාදි, ආලොකො උදපාදි’’. දුක්‌ඛස්‌ස දුක්‌ඛට්‌ඨෙ පඤ්‌චවීසති ධම්‌මා, පඤ්‌චවීසති අත්‌ථා, පඤ්‌ඤාස නිරුත්‌තියො, සතං ඤාණානි.
36. ‘‘‘Yāvatā dukkhassa dukkhaṭṭho, ñāto diṭṭho vidito sacchikato phassito paññāya. Aphassito paññāya dukkhaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Dukkhassa dukkhaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘යාවතා සමුදයස්‌ස සමුදයට්‌ඨො…පෙ.… යාවතා නිරොධස්‌ස නිරොධට්‌ඨො…පෙ.… යාවතා මග්‌ගස්‌ස මග්‌ගට්‌ඨො ඤාතො දිට්‌ඨො විදිතො සච්‌ඡිකතො ඵස්‌සිතො පඤ්‌ඤාය. අඵස්‌සිතො පඤ්‌ඤාය මග්‌ගට්‌ඨො නත්‌ථී’ති – චක්‌ඛුං උදපාදි…පෙ.… ආලොකො උදපාදි’’. මග්‌ගස්‌ස මග්‌ගට්‌ඨෙ පඤ්‌චවීසති ධම්‌මා, පඤ්‌චවීසති අත්‌ථා, පඤ්‌ඤාස නිරුත්‌තියො, සතං ඤාණානි.
‘‘‘Yāvatā samudayassa samudayaṭṭho…pe… yāvatā nirodhassa nirodhaṭṭho…pe… yāvatā maggassa maggaṭṭho ñāto diṭṭho vidito sacchikato phassito paññāya. Aphassito paññāya maggaṭṭho natthī’ti – cakkhuṃ udapādi…pe… āloko udapādi’’. Maggassa maggaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
චතූසු අරියසච්‌චෙසු සතං ධම්‌මා, සතං අත්‌ථා, ද්‌වෙ නිරුත්‌තිසතානි, චත්‌තාරි ඤාණසතානි.
Catūsu ariyasaccesu sataṃ dhammā, sataṃ atthā, dve niruttisatāni, cattāri ñāṇasatāni.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / පටිසම්‌භිදාමග්‌ග-අට්‌ඨකථා • Paṭisambhidāmagga-aṭṭhakathā / 4-8. සත්‌තබොධිසත්‌තවාරාදිවණ්‌ණනා • 4-8. Sattabodhisattavārādivaṇṇanā
