| Library / Tipiṭaka / திபிடக • Tipiṭaka / மஜ்ஜி²மனிகாய (அட்ட²கதா²) • Majjhimanikāya (aṭṭhakathā) |
11. ஸச்சவிப⁴ங்க³ஸுத்தவண்ணனா
11. Saccavibhaṅgasuttavaṇṇanā
371. ஏவங் மே ஸுதந்தி ஸச்சவிப⁴ங்க³ஸுத்தங். தத்த² ஆசிக்க²னாதி இத³ங் து³க்க²ங் அரியஸச்சங் நாம…பே॰… அயங் து³க்க²னிரோத⁴கா³மினீ படிபதா³ அரியஸச்சங் நாமாதி. ஸேஸபதே³ஸுபி ஏஸேவ நயோ. அபிசெத்த² பஞ்ஞாபனா நாம து³க்க²ஸச்சாதீ³னங் ட²பனா. ஆஸனங் ட²பெந்தோ ஹி ஆஸனங் பஞ்ஞபேதீதி வுச்சதி. பட்ட²பனாதி பஞ்ஞாபனா. விவரணாதி விவடகரணா. விப⁴ஜனாதி விபா⁴க³கிரியா. உத்தானீகம்மந்தி பாகடபா⁴வகரணங்.
371.Evaṃme sutanti saccavibhaṅgasuttaṃ. Tattha ācikkhanāti idaṃ dukkhaṃ ariyasaccaṃ nāma…pe… ayaṃ dukkhanirodhagāminī paṭipadā ariyasaccaṃ nāmāti. Sesapadesupi eseva nayo. Apicettha paññāpanā nāma dukkhasaccādīnaṃ ṭhapanā. Āsanaṃ ṭhapento hi āsanaṃ paññapetīti vuccati. Paṭṭhapanāti paññāpanā. Vivaraṇāti vivaṭakaraṇā. Vibhajanāti vibhāgakiriyā. Uttānīkammanti pākaṭabhāvakaraṇaṃ.
அனுக்³கா³ஹகாதி ஆமிஸஸங்க³ஹேன த⁴ம்மஸங்க³ஹேனாதி த்³வீஹிபி ஸங்க³ஹேஹி அனுக்³கா³ஹகா. ஜனேதாதி ஜனிகா மாதா. ஆபாதே³தாதி போஸேதா. போஸிகமாதா விய மொக்³க³ல்லானோதி தீ³பேதி. ஜனிகமாதா ஹி நவ வா த³ஸ வா மாஸே லோணம்பி³லாதீ³னி பரிஹரமானா குச்சி²யா தா³ரகங் தா⁴ரெத்வா குச்சி²தோ நிக்க²ந்தங் போஸிகமாதரங் தா⁴திங் படிச்சா²பேதி. ஸா கீ²ரனவனீதாதீ³ஹி தா³ரகங் போஸெத்வா வட்³டே⁴தி, ஸோ வுத்³தி⁴மாக³ம்ம யதா²ஸுக²ங் விசரதி. ஏவமேவ ஸாரிபுத்தோ அத்தனோ வா பரேஸங் வா ஸந்திகே பப்³ப³ஜிதே த்³வீஹி ஸங்க³ஹேஹி ஸங்க³ண்ஹந்தோ கி³லானே படிஜக்³க³ந்தோ கம்மட்டா²னே யோஜெத்வா ஸோதாபன்னபா⁴வங் ஞத்வா அபாயப⁴யேஹி வுட்டி²தகாலதோ பட்டா²ய – ‘‘இதா³னி பச்சத்தபுரிஸகாரேன உபரிமக்³கே³ நிப்³ப³த்தெஸ்ஸந்தீ’’தி தேஸு அனபெக்கோ² ஹுத்வா அஞ்ஞே நவே நவே ஓவத³தி. மஹாமொக்³க³ல்லானோபி அத்தனோ வா பரேஸங் வா ஸந்திகே பப்³ப³ஜிதே ததே²வ ஸங்க³ண்ஹித்வா கம்மட்டா²னே யோஜெத்வா ஹெட்டா² தீணி ப²லானி பத்தேஸுபி அனபெக்க²தங் ந ஆபஜ்ஜதி. கஸ்மா? ஏவங் கிரஸ்ஸ ஹோதி – வுத்தங் ப⁴க³வதா – ‘‘ஸெய்யதா²பி, பி⁴க்க²வே, அப்பமத்தகோபி கூ³தோ² து³க்³க³ந்தோ⁴ ஹோதி…பே॰… அப்பமத்தகம்பி முத்தங்… கே²ளோ… புப்³போ³… லோஹிதங் து³க்³க³ந்த⁴ங் ஹோதி, ஏவமேவ கோ² அஹங், பி⁴க்க²வே, அப்பமத்தகம்பி ப⁴வங் ந வண்ணேமி அந்தமஸோ அச்ச²ராஸங்க⁴தமத்தம்பீ’’தி (அ॰ நி॰ 1.320-321). தஸ்மா யாவ அரஹத்தங் ந பாபுணந்தி, தாவ தேஸு அனபெக்க²தங் அனாபஜ்ஜித்வா அரஹத்தங் பத்தேஸுயேவ ஆபஜ்ஜதீதி. தேனாஹ ப⁴க³வா – ‘‘ஸெய்யதா²பி, பி⁴க்க²வே, ஜனேதா ஏவங் ஸாரிபுத்தோ. ஸெய்யதா²பி ஜாதஸ்ஸ ஆபாதே³தா, ஏவங் மொக்³க³ல்லானோ. ஸாரிபுத்தோ, பி⁴க்க²வே, ஸோதாபத்திப²லே வினேதி, மொக்³க³ல்லானோ உத்தமத்தே²’’தி. பஹோதீதி ஸக்கோதி.
Anuggāhakāti āmisasaṅgahena dhammasaṅgahenāti dvīhipi saṅgahehi anuggāhakā. Janetāti janikā mātā. Āpādetāti posetā. Posikamātā viya moggallānoti dīpeti. Janikamātā hi nava vā dasa vā māse loṇambilādīni pariharamānā kucchiyā dārakaṃ dhāretvā kucchito nikkhantaṃ posikamātaraṃ dhātiṃ paṭicchāpeti. Sā khīranavanītādīhi dārakaṃ posetvā vaḍḍheti, so vuddhimāgamma yathāsukhaṃ vicarati. Evameva sāriputto attano vā paresaṃ vā santike pabbajite dvīhi saṅgahehi saṅgaṇhanto gilāne paṭijagganto kammaṭṭhāne yojetvā sotāpannabhāvaṃ ñatvā apāyabhayehi vuṭṭhitakālato paṭṭhāya – ‘‘idāni paccattapurisakārena uparimagge nibbattessantī’’ti tesu anapekkho hutvā aññe nave nave ovadati. Mahāmoggallānopi attano vā paresaṃ vā santike pabbajite tatheva saṅgaṇhitvā kammaṭṭhāne yojetvā heṭṭhā tīṇi phalāni pattesupi anapekkhataṃ na āpajjati. Kasmā? Evaṃ kirassa hoti – vuttaṃ bhagavatā – ‘‘seyyathāpi, bhikkhave, appamattakopi gūtho duggandho hoti…pe… appamattakampi muttaṃ… kheḷo… pubbo… lohitaṃ duggandhaṃ hoti, evameva kho ahaṃ, bhikkhave, appamattakampi bhavaṃ na vaṇṇemi antamaso accharāsaṅghatamattampī’’ti (a. ni. 1.320-321). Tasmā yāva arahattaṃ na pāpuṇanti, tāva tesu anapekkhataṃ anāpajjitvā arahattaṃ pattesuyeva āpajjatīti. Tenāha bhagavā – ‘‘seyyathāpi, bhikkhave, janetā evaṃ sāriputto. Seyyathāpi jātassa āpādetā, evaṃ moggallāno. Sāriputto, bhikkhave, sotāpattiphale vineti, moggallāno uttamatthe’’ti. Pahotīti sakkoti.
து³க்கே² ஞாணந்தி ஸவனஸம்மஸனபடிவேத⁴ஞாணங், ததா² து³க்க²ஸமுத³யே. து³க்க²னிரோதே⁴ ஸவனபடிவேத⁴ஞாணந்தி வட்டதி, ததா² து³க்க²னிரோத⁴கா³மினியா படிபதா³ய. நெக்க²ம்மஸங்கப்பாதீ³ஸு காமபச்சனீகட்டே²ன, காமதோ நிஸ்ஸடபா⁴வேன வா, காமங் ஸம்மஸந்தஸ்ஸ உப்பன்னோதி வா, காமபத³கா⁴தங் காமவூபஸமங் கரொந்தோ உப்பன்னோதி வா, காமவிவித்தந்தே உப்பன்னோதி வா நெக்க²ம்மஸங்கப்போ. ஸேஸபத³த்³வயேபி ஏஸேவ நயோ. ஸப்³பே³பி சேதே புப்³ப³பா⁴கே³ நானாசித்தேஸு, மக்³க³க்க²ணே ஏகசித்தே லப்³ப⁴ந்தி. தத்ர ஹி மிச்சா²ஸங்கப்பசேதனாய ஸமுக்³கா⁴தகோ ஏகோவ ஸங்கப்போ லப்³ப⁴தி, ந நானா லப்³ப⁴தி . ஸம்மாவாசாத³யோபி புப்³ப³பா⁴கே³ நானாசித்தேஸு, வுத்தனயேனேவ மக்³க³க்க²ணே ஏகசித்தே லப்³ப⁴ந்தி. அயமெத்த² ஸங்கே²போ, வித்தா²ரேன பன ஸச்சகதா² விஸுத்³தி⁴மக்³கே³ ச ஸம்மாதி³ட்டி²ஸுத்தே (ம॰ நி॰ 1.89 ஆத³யோ) ச வுத்தாயேவாதி.
Dukkheñāṇanti savanasammasanapaṭivedhañāṇaṃ, tathā dukkhasamudaye. Dukkhanirodhe savanapaṭivedhañāṇanti vaṭṭati, tathā dukkhanirodhagāminiyā paṭipadāya. Nekkhammasaṅkappādīsu kāmapaccanīkaṭṭhena, kāmato nissaṭabhāvena vā, kāmaṃ sammasantassa uppannoti vā, kāmapadaghātaṃ kāmavūpasamaṃ karonto uppannoti vā, kāmavivittante uppannoti vā nekkhammasaṅkappo. Sesapadadvayepi eseva nayo. Sabbepi cete pubbabhāge nānācittesu, maggakkhaṇe ekacitte labbhanti. Tatra hi micchāsaṅkappacetanāya samugghātako ekova saṅkappo labbhati, na nānā labbhati . Sammāvācādayopi pubbabhāge nānācittesu, vuttanayeneva maggakkhaṇe ekacitte labbhanti. Ayamettha saṅkhepo, vitthārena pana saccakathā visuddhimagge ca sammādiṭṭhisutte (ma. ni. 1.89 ādayo) ca vuttāyevāti.
பபஞ்சஸூத³னியா மஜ்ஜி²மனிகாயட்ட²கதா²ய
Papañcasūdaniyā majjhimanikāyaṭṭhakathāya
ஸச்சவிப⁴ங்க³ஸுத்தவண்ணனா நிட்டி²தா.
Saccavibhaṅgasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / மஜ்ஜி²மனிகாய • Majjhimanikāya / 11. ஸச்சவிப⁴ங்க³ஸுத்தங் • 11. Saccavibhaṅgasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / மஜ்ஜி²மனிகாய (டீகா) • Majjhimanikāya (ṭīkā) / 11. ஸச்சவிப⁴ங்க³ஸுத்தவண்ணனா • 11. Saccavibhaṅgasuttavaṇṇanā
