| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
8. සද්‌දසඤ්‌ඤකත්‌ථෙරඅපදානවණ්‌ණනා
8. Saddasaññakattheraapadānavaṇṇanā
පබ්‌බතෙ හිමවන්‌තම්‌හීතිආදිකං ආයස්‌මතො සද්‌දසඤ්‌ඤකත්‌ථෙරස්‌ස අපදානං. අයම්‌පි පුරිමබුද්‌ධෙසු කතාධිකාරො තත්‌ථ තත්‌ථ භවෙ විවට්‌ටූපනිස්‌සයානි පුඤ්‌ඤානි උපචිනන්‌තො ඵුස්‌සස්‌ස භගවතො කාලෙ එකස්‌මිං කුලගෙහෙ නිබ්‌බත්‌තො වුද්‌ධිප්‌පත්‌තො සද්‌ධාජාතො තාපසපබ්‌බජ්‌ජං පබ්‌බජිත්‌වා හිමවන්‌තම්‌හි අරඤ්‌ඤාවාසෙ වසන්‌තො අත්‌තනො අනුකම්‌පාය උපගතස්‌ස භගවතො ධම්‌මං සුත්‌වා ධම්‌මෙසු චිත්‌තං පසාදෙත්‌වා යාවතායුකං ඨත්‌වා අපරභාගෙ කාලං කත්‌වා තුසිතාදීසු ඡසු කාමාවචරසම්‌පත්‌තියො ච මනුස්‌සෙසු මනුස්‌සසම්‌පත්‌තියො ච අනුභවිත්‌වා ඉමස්‌මිං බුද්‌ධුප්‌පාදෙ එකස්‌මිං කුලගෙහෙ නිබ්‌බත්‌තො වුද්‌ධිමන්‌වාය සද්‌ධාජාතො පබ්‌බජිත්‌වා විපස්‌සනං වඩ්‌ඪෙත්‌වා අරහත්‌තං පාපුණි.
Pabbate himavantamhītiādikaṃ āyasmato saddasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle ekasmiṃ kulagehe nibbatto vuddhippatto saddhājāto tāpasapabbajjaṃ pabbajitvā himavantamhi araññāvāse vasanto attano anukampāya upagatassa bhagavato dhammaṃ sutvā dhammesu cittaṃ pasādetvā yāvatāyukaṃ ṭhatvā aparabhāge kālaṃ katvā tusitādīsu chasu kāmāvacarasampattiyo ca manussesu manussasampattiyo ca anubhavitvā imasmiṃ buddhuppāde ekasmiṃ kulagehe nibbatto vuddhimanvāya saddhājāto pabbajitvā vipassanaṃ vaḍḍhetvā arahattaṃ pāpuṇi.
43. සො අපරභාගෙ අත්‌තනො පුබ්‌බකම්‌මං සරිත්‌වා සොමනස්‌සජාතො පුබ්‌බචරිතාපදානං පකාසෙන්‌තො පබ්‌බතෙ හිමවන්‌තම්‌හීතිආදිමාහ. තං සබ්‌බං උත්‌තානත්‌ථමෙවාති.
43. So aparabhāge attano pubbakammaṃ saritvā somanassajāto pubbacaritāpadānaṃ pakāsento pabbate himavantamhītiādimāha. Taṃ sabbaṃ uttānatthamevāti.
සද්‌දසඤ්‌ඤකත්‌ථෙරඅපදානවණ්‌ණනා සමත්‌තා.
Saddasaññakattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 8. සද්‌දසඤ්‌ඤකත්‌ථෙරඅපදානං • 8. Saddasaññakattheraapadānaṃ
