| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၅. သာကစ္ဆသုတ္တံ
5. Sākacchasuttaṃ
၆၅. 1 ‘‘ပဉ္စဟိ , ဘိက္ခဝေ, ဓမ္မေဟိ သမန္နာဂတော ဘိက္ခု အလံသာကစ္ဆော သဗ္ရဟ္မစာရီနံ။ ကတမေဟိ ပဉ္စဟိ? ဣဓ, ဘိက္ခဝေ, ဘိက္ခု အတ္တနာ စ သီလသမ္ပန္နော ဟောတိ, သီလသမ္ပဒာယ ကထာယ စ အာဂတံ ပဉ္ဟံ ဗ္ယာကတ္တာ ဟောတိ; အတ္တနာ စ သမာဓိသမ္ပန္နော ဟောတိ, သမာဓိသမ္ပဒာယ ကထာယ စ အာဂတံ ပဉ္ဟံ ဗ္ယာကတ္တာ ဟောတိ; အတ္တနာ စ ပညာသမ္ပန္နော ဟောတိ, ပညာသမ္ပဒာယ ကထာယ စ အာဂတံ ပဉ္ဟံ ဗ္ယာကတ္တာ ဟောတိ; အတ္တနာ စ ဝိမုတ္တိသမ္ပန္နော ဟောတိ, ဝိမုတ္တိသမ္ပဒာယ ကထာယ စ အာဂတံ ပဉ္ဟံ ဗ္ယာကတ္တာ ဟောတိ; အတ္တနာ စ ဝိမုတ္တိဉာဏဒသ္သနသမ္ပန္နော ဟောတိ, ဝိမုတ္တိဉာဏဒသ္သနသမ္ပဒာယ ကထာယ စ အာဂတံ ပဉ္ဟံ ဗ္ယာကတ္တာ ဟောတိ။ ဣမေဟိ ခော, ဘိက္ခဝေ, ပဉ္စဟိ ဓမ္မေဟိ သမန္နာဂတော ဘိက္ခု အလံသာကစ္ဆော သဗ္ရဟ္မစာရီန’’န္တိ။ ပဉ္စမံ။
65.2 ‘‘Pañcahi , bhikkhave, dhammehi samannāgato bhikkhu alaṃsākaccho sabrahmacārīnaṃ. Katamehi pañcahi? Idha, bhikkhave, bhikkhu attanā ca sīlasampanno hoti, sīlasampadāya kathāya ca āgataṃ pañhaṃ byākattā hoti; attanā ca samādhisampanno hoti, samādhisampadāya kathāya ca āgataṃ pañhaṃ byākattā hoti; attanā ca paññāsampanno hoti, paññāsampadāya kathāya ca āgataṃ pañhaṃ byākattā hoti; attanā ca vimuttisampanno hoti, vimuttisampadāya kathāya ca āgataṃ pañhaṃ byākattā hoti; attanā ca vimuttiñāṇadassanasampanno hoti, vimuttiñāṇadassanasampadāya kathāya ca āgataṃ pañhaṃ byākattā hoti. Imehi kho, bhikkhave, pañcahi dhammehi samannāgato bhikkhu alaṃsākaccho sabrahmacārīna’’nti. Pañcamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၅. သာကစ္ဆသုတ္တဝဏ္ဏနာ • 5. Sākacchasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၅. သညာသုတ္တာဒိဝဏ္ဏနာ • 1-5. Saññāsuttādivaṇṇanā
