| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၁. သက္ကာယဒိဋ္ဌိပဟာနသုတ္တံ
11. Sakkāyadiṭṭhipahānasuttaṃ
၁၆၆. အထ ခော အညတရော ဘိက္ခု။ပေ.။ ဧတဒဝောစ – ‘‘ကထံ နု ခော, ဘန္တေ, ဇာနတော ကထံ ပသ္သတော သက္ကာယဒိဋ္ဌိ ပဟီယတီ’’တိ? ‘‘စက္ခုံ ခော, ဘိက္ခု, ဒုက္ခတော ဇာနတော ပသ္သတော သက္ကာယဒိဋ္ဌိ ပဟီယတိ။ ရူပေ ဒုက္ခတော ဇာနတော ပသ္သတော သက္ကာယဒိဋ္ဌိ ပဟီယတိ။ စက္ခုဝိညာဏံ ဒုက္ခတော ဇာနတော ပသ္သတော သက္ကာယဒိဋ္ဌိ ပဟီယတိ။ စက္ခုသမ္ဖသ္သံ ဒုက္ခတော ဇာနတော ပသ္သတော သက္ကာယဒိဋ္ဌိ ပဟီယတိ။ပေ.။ ယမ္ပိဒံ မနောသမ္ဖသ္သပစ္စယာ ဥပ္ပဇ္ဇတိ ဝေဒယိတံ သုခံ ဝာ ဒုက္ခံ ဝာ အဒုက္ခမသုခံ ဝာ တမ္ပိ ဒုက္ခတော ဇာနတော ပသ္သတော သက္ကာယဒိဋ္ဌိ ပဟီယတိ။ ဧဝံ ခော, ဘိက္ခု, ဇာနတော ဧဝံ ပသ္သတော သက္ကာယဒိဋ္ဌိ ပဟီယတီ’’တိ။ ဧကာဒသမံ။
166. Atha kho aññataro bhikkhu…pe… etadavoca – ‘‘kathaṃ nu kho, bhante, jānato kathaṃ passato sakkāyadiṭṭhi pahīyatī’’ti? ‘‘Cakkhuṃ kho, bhikkhu, dukkhato jānato passato sakkāyadiṭṭhi pahīyati. Rūpe dukkhato jānato passato sakkāyadiṭṭhi pahīyati. Cakkhuviññāṇaṃ dukkhato jānato passato sakkāyadiṭṭhi pahīyati. Cakkhusamphassaṃ dukkhato jānato passato sakkāyadiṭṭhi pahīyati…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhato jānato passato sakkāyadiṭṭhi pahīyati. Evaṃ kho, bhikkhu, jānato evaṃ passato sakkāyadiṭṭhi pahīyatī’’ti. Ekādasamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၀-၁၂. မိစ္ဆာဒိဋ္ဌိပဟာနသုတ္တာဒိဝဏ္ဏနာ • 10-12. Micchādiṭṭhipahānasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၀-၁၂. မိစ္ဆာဒိဋ္ဌိပဟာနသုတ္တာဒိဝဏ္ဏနာ • 10-12. Micchādiṭṭhipahānasuttādivaṇṇanā
