| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၆. သမ္ဗဟုလဘိက္ခုသုတ္တံ
6. Sambahulabhikkhusuttaṃ
၂၇၄. အထ ခော သမ္ဗဟုလာ ဘိက္ခူ ယေန ဘဂဝာ တေနုပသင္ကမိံသု; ဥပသင္ကမိတ္ဝာ။ပေ.။ ဧကမန္တံ နိသိန္နာ ခော တေ ဘိက္ခူ ဘဂဝန္တံ ဧတဒဝောစုံ – ‘‘ကတမာ နု ခော, ဘန္တေ, ဝေဒနာ, ကတမော ဝေဒနာသမုဒယော, ကတမာ ဝေဒနာသမုဒယဂာမိနီ ပဋိပဒာ? ကတမော ဝေဒနာနိရောဓော, ကတမာ ဝေဒနာနိရောဓဂာမိနီ ပဋိပဒာ? ကော ဝေဒနာယ အသ္သာဒော, ကော အာဒီနဝော, ကိံ နိသ္သရဏ’’န္တိ? ‘‘တိသ္သော ဣမာ, ဘိက္ခဝေ, ဝေဒနာ – သုခာ ဝေဒနာ, ဒုက္ခာ ဝေဒနာ, အဒုက္ခမသုခာ ဝေဒနာ။ ဣမာ ဝုစ္စန္တိ, ဘိက္ခဝေ, ဝေဒနာ။ ဖသ္သသမုဒယာ ဝေဒနာသမုဒယော။ တဏ္ဟာ ဝေဒနာသမုဒယဂာမိနီ ပဋိပဒာ။ ဖသ္သနိရောဓာ။ပေ.။ ယော ဝေဒနာယ ဆန္ဒရာဂဝိနယော ဆန္ဒရာဂပ္ပဟာနံ။ ဣဒံ ဝေဒနာယ နိသ္သရဏ’’န္တိ။ ဆဋ္ဌံ။
274. Atha kho sambahulā bhikkhū yena bhagavā tenupasaṅkamiṃsu; upasaṅkamitvā…pe… ekamantaṃ nisinnā kho te bhikkhū bhagavantaṃ etadavocuṃ – ‘‘katamā nu kho, bhante, vedanā, katamo vedanāsamudayo, katamā vedanāsamudayagāminī paṭipadā? Katamo vedanānirodho, katamā vedanānirodhagāminī paṭipadā? Ko vedanāya assādo, ko ādīnavo, kiṃ nissaraṇa’’nti? ‘‘Tisso imā, bhikkhave, vedanā – sukhā vedanā, dukkhā vedanā, adukkhamasukhā vedanā. Imā vuccanti, bhikkhave, vedanā. Phassasamudayā vedanāsamudayo. Taṇhā vedanāsamudayagāminī paṭipadā. Phassanirodhā…pe… yo vedanāya chandarāgavinayo chandarāgappahānaṃ. Idaṃ vedanāya nissaraṇa’’nti. Chaṭṭhaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂-၁၀. အဋ္ဌသတသုတ္တာဒိဝဏ္ဏနာ • 2-10. Aṭṭhasatasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂-၁၀. အဋ္ဌသတသုတ္တာဒိဝဏ္ဏနာ • 2-10. Aṭṭhasatasuttādivaṇṇanā
