| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
7. සරසුත්‌තවණ්‌ණනා
7. Sarasuttavaṇṇanā
27. සරණතො අවිච්‌ඡෙදවසෙන පවත්‌තනතො ඛන්‌ධාදීනං පටිපාටි සරා. තෙනාහ ‘‘ඉමෙ සංසාරසරා’’ති. කුතොති කෙන කාරණෙන, කිම්‌හි වා? තෙනාහ ‘‘කිං ආගම්‌මා’’ති? න පතිට්‌ඨාති පච්‌චයාභාවතො. ආපොතිආදිනා පාළියං චතුන්‌නං මහාභූතානං අප්‌පතිට්‌ඨානාපදෙසෙන තත්‌ථ කාමරූපභවානං අභාවො දස්‌සිතො. තදුභයාභාවදස්‌සනෙන හෙට්‌ඨා වුත්‌තනයෙනෙව අරූපභවස්‌සපි අභාවො දස්‌සිතොව හොති, යථාරුතවසෙන වා එත්‌ථ අත්‌ථො වෙදිතබ්‌බො. යස්‌මා පුරිමා ද්‌වෙ ගහිතා, ගහිතඤ්‌ච අත්‌ථං පරිග්‌ගහෙත්‌වාව පච්‌ඡිමත්‌ථො පවත්‌තොති.
27. Saraṇato avicchedavasena pavattanato khandhādīnaṃ paṭipāṭi sarā. Tenāha ‘‘ime saṃsārasarā’’ti. Kutoti kena kāraṇena, kimhi vā? Tenāha ‘‘kiṃ āgammā’’ti? Na patiṭṭhāti paccayābhāvato. Āpotiādinā pāḷiyaṃ catunnaṃ mahābhūtānaṃ appatiṭṭhānāpadesena tattha kāmarūpabhavānaṃ abhāvo dassito. Tadubhayābhāvadassanena heṭṭhā vuttanayeneva arūpabhavassapi abhāvo dassitova hoti, yathārutavasena vā ettha attho veditabbo. Yasmā purimā dve gahitā, gahitañca atthaṃ pariggahetvāva pacchimattho pavattoti.
සරසුත්‌තවණ්‌ණනා නිට්‌ඨිතා.
Sarasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 7. සරසුත්‌තං • 7. Sarasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 7. සරසුත්‌තවණ්‌ණනා • 7. Sarasuttavaṇṇanā
