| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
9. සත්‌ථාරවන්‌දනාසුත්‌තවණ්‌ණනා
9. Satthāravandanāsuttavaṇṇanā
265. නවමෙ භගවන්‌තං නමස්‌සතීති එකංසං උත්‌තරියං දුකුලං කත්‌වා, බ්‍රහ්‌මජාණුකො හුත්‌වා සිරසි අඤ්‌ජලිං ඨපෙත්‌වා නමස්‌සති. සො යක්‌ඛොති සො සක්‌කො. අනොමනාමන්‌ති සබ්‌බගුණෙහි ඔමකභාවස්‌ස නත්‌ථිතාය සබ්‌බගුණනෙමිත්‌තකෙහි නාමෙහි අනොමනාමං. අවිජ්‌ජාසමතික්‌කමාති චතුසච්‌චපටිච්‌ඡාදිකාය වට්‌ටමූලකඅවිජ්‌ජාය සමතික්‌කමෙන. සෙක්‌ඛාති සත්‌ත සෙක්‌ඛා. අපචයාරාමාති වට්‌ටවිද්‌ධංසනෙ රතා. සික්‌ඛරෙති සික්‌ඛන්‌ති. නවමං.
265. Navame bhagavantaṃ namassatīti ekaṃsaṃ uttariyaṃ dukulaṃ katvā, brahmajāṇuko hutvā sirasi añjaliṃ ṭhapetvā namassati. So yakkhoti so sakko. Anomanāmanti sabbaguṇehi omakabhāvassa natthitāya sabbaguṇanemittakehi nāmehi anomanāmaṃ. Avijjāsamatikkamāti catusaccapaṭicchādikāya vaṭṭamūlakaavijjāya samatikkamena. Sekkhāti satta sekkhā. Apacayārāmāti vaṭṭaviddhaṃsane ratā. Sikkhareti sikkhanti. Navamaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 9. සත්‌ථාරවන්‌දනාසුත්‌තං • 9. Satthāravandanāsuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 9. සත්‌ථාරවන්‌දනාසුත්‌තවණ්‌ණනා • 9. Satthāravandanāsuttavaṇṇanā
