| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. ஸெக்க²ஸுத்தவண்ணனா
5. Sekkhasuttavaṇṇanā
86. பஞ்சமே உஜுமக்³கா³னுஸாரினோதி உஜுமக்³கோ³ வுச்சதி அரியமக்³கோ³, தங் அனுஸ்ஸரந்தஸ்ஸ படிபன்னகஸ்ஸாதி அத்தோ². க²யஸ்மிங் பட²மங் ஞாணந்தி பட²மமேவ மக்³க³ஞாணங் உப்பஜ்ஜதி. மக்³கோ³ ஹி கிலேஸானங் கே²பனதோ க²யோ நாம, தங்ஸம்பயுத்தங் ஞாணங் க²யஸ்மிங் ஞாணங் நாம. ததோ அஞ்ஞா அனந்தராதி ததோ சதுத்த²மக்³க³ஞாணதோ அனந்தரா அஞ்ஞா உப்பஜ்ஜதி, அரஹத்தப²லங் உப்பஜ்ஜதீதி அத்தோ². அஞ்ஞாவிமுத்தஸ்ஸாதி அரஹத்தப²லவிமுத்தியா விமுத்தஸ்ஸ. ஞாணங் வே ஹோதீதி பச்சவெக்க²ணஞாணங் ஹோதி. இதி ஸுத்தேபி கா³தா²ஸுபி ஸத்த ஸேகா² கதி²தா. அவஸானே பன கீ²ணாஸவோ த³ஸ்ஸிதோதி.
86. Pañcame ujumaggānusārinoti ujumaggo vuccati ariyamaggo, taṃ anussarantassa paṭipannakassāti attho. Khayasmiṃ paṭhamaṃ ñāṇanti paṭhamameva maggañāṇaṃ uppajjati. Maggo hi kilesānaṃ khepanato khayo nāma, taṃsampayuttaṃ ñāṇaṃ khayasmiṃ ñāṇaṃ nāma. Tatoaññā anantarāti tato catutthamaggañāṇato anantarā aññā uppajjati, arahattaphalaṃ uppajjatīti attho. Aññāvimuttassāti arahattaphalavimuttiyā vimuttassa. Ñāṇaṃ ve hotīti paccavekkhaṇañāṇaṃ hoti. Iti suttepi gāthāsupi satta sekhā kathitā. Avasāne pana khīṇāsavo dassitoti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. ஸெக்க²ஸுத்தங் • 5. Sekkhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-5. ஸமணஸுத்தாதி³வண்ணனா • 1-5. Samaṇasuttādivaṇṇanā
