Library / Tipiṭaka / д̇ибидага • Tipiṭaka / куд̣̇д̣̇агабаата-адтагат̇аа • Khuddakapāṭha-aṭṭhakathā

    2. сигкаабад̣̇аван̣н̣анаа

    2. Sikkhāpadavaṇṇanā

    сигкаабад̣̇абаатамаад̇игаа

    Sikkhāpadapāṭhamātikā

    звам̣ саран̣аг̇аманзхи саасанод̇аарам̣ д̣̇ассзд̇ваа саасанам̣ од̇ин̣н̣зна убаасагзна ваа баб̣б̣аж̇ид̇зна ваа язсу сигкаабад̣̇зсу батамам̣ сигкид̇аб̣б̣ам̣, д̇аани д̣̇ассзд̇ум̣ нигкид̇д̇асса сигкаабад̣̇абаатасса ид̣̇аани ван̣н̣анад̇т̇ам̣ аяам̣ маад̇игаа –

    Evaṃ saraṇagamanehi sāsanotāraṃ dassetvā sāsanaṃ otiṇṇena upāsakena vā pabbajitena vā yesu sikkhāpadesu paṭhamaṃ sikkhitabbaṃ, tāni dassetuṃ nikkhittassa sikkhāpadapāṭhassa idāni vaṇṇanatthaṃ ayaṃ mātikā –

    ‘‘язна яад̇т̇а яад̣̇аа яасмаа, вуд̇д̇аанзд̇аани д̇ам̣ наяам̣;

    ‘‘Yena yattha yadā yasmā, vuttānetāni taṃ nayaṃ;

    вад̇ваа гад̇ваа вавад̇т̇аанам̣, саад̇хааран̣ависзсад̇о.

    Vatvā katvā vavatthānaṃ, sādhāraṇavisesato.

    ‘‘багад̇ияаа жа яам̣ важ̇ж̇ам̣, важ̇ж̇ам̣ бан̣н̣ад̇д̇ияаа жа яам̣;

    ‘‘Pakatiyā ca yaṃ vajjaṃ, vajjaṃ paṇṇattiyā ca yaṃ;

    вавад̇т̇абзд̇ваа д̇ам̣ гад̇ваа, бад̣̇аанам̣ б̣яан̃ж̇анад̇т̇ад̇о.

    Vavatthapetvā taṃ katvā, padānaṃ byañjanatthato.

    ‘‘саад̇хааран̣аанам̣ саб̣б̣зсам̣, саад̇хааран̣авибхааванам̣;

    ‘‘Sādhāraṇānaṃ sabbesaṃ, sādhāraṇavibhāvanaṃ;

    ат̇а бан̃жасу буб̣б̣зсу, висзсад̇т̇аббагаасад̇о.

    Atha pañcasu pubbesu, visesatthappakāsato.

    ‘‘баан̣аад̇ибаад̇абабхуд̇и-хзгад̇аанаанад̇аад̣̇ид̇о;

    ‘‘Pāṇātipātapabhuti-hekatānānatādito;

    аарамман̣аад̣̇аанабхзд̣̇аа, махаасааваж̇ж̇ад̇о д̇ат̇аа.

    Ārammaṇādānabhedā, mahāsāvajjato tathā.

    ‘‘баяог̇ан̇г̇асамудтаанаа, взд̣̇анаамуулагаммад̇о;

    ‘‘Payogaṅgasamuṭṭhānā, vedanāmūlakammato;

    вирамад̇о жа палад̇о, вин̃н̃аад̇аб̣б̣о винижчаяо.

    Viramato ca phalato, viññātabbo vinicchayo.

    ‘‘яож̇зд̇аб̣б̣ам̣ д̇ад̇о яуд̇д̇ам̣, бажчимзсваби бан̃жасу;

    ‘‘Yojetabbaṃ tato yuttaṃ, pacchimesvapi pañcasu;

    аавзн̣иган̃жа вад̇д̇аб̣б̣ам̣, н̃зяяаа хийнаад̣̇ид̇ааби жаа’’д̇и.

    Āveṇikañca vattabbaṃ, ñeyyā hīnāditāpi cā’’ti.

    д̇ад̇т̇а зд̇аани баан̣аад̇ибаад̇аавзраман̣ийд̇иаад̣̇ийни д̣̇аса сигкаабад̣̇аани бхаг̇авад̇аа зва вуд̇д̇аани, на саавагаад̣̇ийхи. д̇аани жа саавад̇т̇ияам̣ вуд̇д̇аани ж̇зд̇аванз анаат̇абин̣д̣игасса аараамз ааяасманд̇ам̣ раахулам̣ баб̣б̣ааж̇зд̇ваа габилавад̇т̇уд̇о саавад̇т̇им̣ ануббад̇д̇зна сааман̣зраанам̣ сигкаабад̣̇ававад̇т̇аабанад̇т̇ам̣. вуд̇д̇ам̣ хзд̇ам̣ –

    Tattha etāni pāṇātipātāveramaṇītiādīni dasa sikkhāpadāni bhagavatā eva vuttāni, na sāvakādīhi. Tāni ca sāvatthiyaṃ vuttāni jetavane anāthapiṇḍikassa ārāme āyasmantaṃ rāhulaṃ pabbājetvā kapilavatthuto sāvatthiṃ anuppattena sāmaṇerānaṃ sikkhāpadavavatthāpanatthaṃ. Vuttaṃ hetaṃ –

    ‘‘ат̇а ко бхаг̇аваа габилавад̇т̇усмим̣ яат̇аабхиранд̇ам̣ вихарид̇ваа язна саавад̇т̇и д̇зна жааригам̣ баггаами. анубуб̣б̣зна жааригам̣ жарамаано язна саавад̇т̇и д̇ад̣̇авасари. д̇ад̇ра суд̣̇ам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна …бз… ат̇а ко сааман̣зраанам̣ зд̇ад̣̇ахоси – ‘гад̇и ну ко амхаагам̣ сигкаабад̣̇аани, гад̇т̇а жа амхзхи сигкид̇аб̣б̣а’’’нд̇и. бхаг̇авад̇о зд̇амад̇т̇ам̣ аарожзсум̣ – ‘‘ануж̇аанаами, бхигкавз, сааман̣зраанам̣ д̣̇аса сигкаабад̣̇аани, д̇зсу жа сааман̣зрзхи сигкид̇ум̣ , баан̣аад̇ибаад̇аавзраман̣ий…бз… ж̇аад̇аруубараж̇ад̇абадиг̇г̇ахан̣аа взраман̣ий’’д̇и (махаава. 105).

    ‘‘Atha kho bhagavā kapilavatthusmiṃ yathābhirantaṃ viharitvā yena sāvatthi tena cārikaṃ pakkāmi. Anupubbena cārikaṃ caramāno yena sāvatthi tadavasari. Tatra sudaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena …pe… atha kho sāmaṇerānaṃ etadahosi – ‘kati nu kho amhākaṃ sikkhāpadāni, kattha ca amhehi sikkhitabba’’’nti. Bhagavato etamatthaṃ ārocesuṃ – ‘‘anujānāmi, bhikkhave, sāmaṇerānaṃ dasa sikkhāpadāni, tesu ca sāmaṇerehi sikkhituṃ , pāṇātipātāveramaṇī…pe… jātarūparajatapaṭiggahaṇā veramaṇī’’ti (mahāva. 105).

    д̇аанзд̇аани ‘‘самаад̣̇ааяа сигкад̇и сигкаабад̣̇зсуу’’д̇и (д̣̇ий. ни. 1.193; ма. ни. 2.24; вибха. 508) суд̇д̇аанусаарзна саран̣аг̇аманзсу жа д̣̇ассид̇абаатаанусаарзна ‘‘баан̣аад̇ибаад̇аа взраман̣исигкаабад̣̇ам̣ самаад̣̇ияаамий’’д̇и звам̣ ваажанаамаг̇г̇ам̣ ааробид̇аанийд̇и взд̣̇ид̇аб̣б̣аани. звам̣ д̇аава ‘‘язна яад̇т̇а яад̣̇аа яасмаа, вуд̇д̇аанзд̇аани д̇ам̣ наяам̣ вад̇ваа’’д̇и со наяо д̣̇адтаб̣б̣о.

    Tānetāni ‘‘samādāya sikkhati sikkhāpadesū’’ti (dī. ni. 1.193; ma. ni. 2.24; vibha. 508) suttānusārena saraṇagamanesu ca dassitapāṭhānusārena ‘‘pāṇātipātā veramaṇisikkhāpadaṃ samādiyāmī’’ti evaṃ vācanāmaggaṃ āropitānīti veditabbāni. Evaṃ tāva ‘‘yena yattha yadā yasmā, vuttānetāni taṃ nayaṃ vatvā’’ti so nayo daṭṭhabbo.

    саад̇хааран̣ависзсававад̇т̇аанам̣

    Sādhāraṇavisesavavatthānaṃ

    зд̇т̇а жа аад̣̇ид̇о д̣̇вз жад̇уд̇т̇абан̃жамаани убаасагаанам̣ сааман̣зраанан̃жа саад̇хааран̣аани нижжасийлавасзна. убосат̇асийлавасзна бана убаасагаанам̣ сад̇д̇амадтамам̣ жзгам̣ ан̇г̇ам̣ гад̇ваа саб̣б̣абажчимаваж̇ж̇аани саб̣б̣ааниби сааман̣зрзхи саад̇хааран̣аани, бажчимам̣ бана сааман̣зраанамзва висзсабхууд̇анд̇и звам̣ саад̇хааран̣ависзсад̇о вавад̇т̇аанам̣ гаад̇аб̣б̣ам̣. буримаани жзд̇т̇а бан̃жа зганд̇аагусалажид̇д̇асамудтаанад̇д̇аа баан̣аад̇ибаад̇аад̣̇ийнам̣ багад̇иваж̇ж̇ад̇о взраман̣ияаа, сзсаани бан̣н̣ад̇д̇иваж̇ж̇ад̇од̇и звам̣ багад̇ияаа жа яам̣ важ̇ж̇ам̣, важ̇ж̇ам̣ бан̣н̣ад̇д̇ияаа жа яам̣, д̇ам̣ вавад̇т̇абзд̇аб̣б̣ам̣.

    Ettha ca ādito dve catutthapañcamāni upāsakānaṃ sāmaṇerānañca sādhāraṇāni niccasīlavasena. Uposathasīlavasena pana upāsakānaṃ sattamaṭṭhamaṃ cekaṃ aṅgaṃ katvā sabbapacchimavajjāni sabbānipi sāmaṇerehi sādhāraṇāni, pacchimaṃ pana sāmaṇerānameva visesabhūtanti evaṃ sādhāraṇavisesato vavatthānaṃ kātabbaṃ. Purimāni cettha pañca ekantaakusalacittasamuṭṭhānattā pāṇātipātādīnaṃ pakativajjato veramaṇiyā, sesāni paṇṇattivajjatoti evaṃ pakatiyā ca yaṃ vajjaṃ, vajjaṃ paṇṇattiyā ca yaṃ, taṃ vavatthapetabbaṃ.

    саад̇хааран̣авибхааванаа

    Sādhāraṇavibhāvanā

    яасмаа жзд̇т̇а ‘‘взраман̣исигкаабад̣̇ам̣ самаад̣̇ияаамий’’д̇и зд̇аани саб̣б̣асаад̇хааран̣аани бад̣̇аани, д̇асмаа зд̇зсам̣ бад̣̇аанам̣ б̣яан̃ж̇анад̇о жа ад̇т̇ад̇о жа аяам̣ саад̇хааран̣авибхааванаа взд̣̇ид̇аб̣б̣аа –

    Yasmā cettha ‘‘veramaṇisikkhāpadaṃ samādiyāmī’’ti etāni sabbasādhāraṇāni padāni, tasmā etesaṃ padānaṃ byañjanato ca atthato ca ayaṃ sādhāraṇavibhāvanā veditabbā –

    д̇ад̇т̇а б̣яан̃ж̇анад̇о д̇аава взрам̣ ман̣ад̇ийд̇и взраман̣ий, взрам̣ баж̇ахад̇и, винод̣̇зд̇и, б̣яанд̇ийгарод̇и, анабхаавам̣ г̇амзд̇ийд̇и ад̇т̇о. вирамад̇и ваа зд̇ааяа гаран̣абхууд̇ааяа взрамхаа буг̇г̇алод̇и, вигаарасса взгаарам̣ гад̇ваа взраман̣ий. д̇знзва жзд̇т̇а ‘‘взраман̣исигкаабад̣̇ам̣ вираман̣исигкаабад̣̇а’’нд̇и д̣̇вид̇хаа саж̇жхааяам̣ гаронд̇и. сигкид̇аб̣б̣аад̇и сигкаа, баж̇ж̇ад̇з анзнаад̇и бад̣̇ам̣. сигкааяа бад̣̇ам̣ сигкаабад̣̇ам̣, сигкааяа ад̇хиг̇амуубааяод̇и ад̇т̇о. ат̇а ваа муулам̣ ниссаяо бад̇идтаад̇и вуд̇д̇ам̣ ход̇и. взраман̣ий зва сигкаабад̣̇ам̣ взраман̣исигкаабад̣̇ам̣, вираман̣исигкаабад̣̇ам̣ ваа д̣̇уд̇иязна наязна. саммаа аад̣̇ияаами самаад̣̇ияаами, авийд̇иггаманаад̇хиббааязна акан̣д̣агаарид̇ааяа ажчид̣̇д̣̇агаарид̇ааяа асаб̣алагаарид̇ааяа жа аад̣̇ияаамийд̇и вуд̇д̇ам̣ ход̇и.

    Tattha byañjanato tāva veraṃ maṇatīti veramaṇī, veraṃ pajahati, vinodeti, byantīkaroti, anabhāvaṃ gametīti attho. Viramati vā etāya karaṇabhūtāya veramhā puggaloti, vikārassa vekāraṃ katvā veramaṇī. Teneva cettha ‘‘veramaṇisikkhāpadaṃ viramaṇisikkhāpada’’nti dvidhā sajjhāyaṃ karonti. Sikkhitabbāti sikkhā, pajjate anenāti padaṃ. Sikkhāya padaṃ sikkhāpadaṃ, sikkhāya adhigamūpāyoti attho. Atha vā mūlaṃ nissayo patiṭṭhāti vuttaṃ hoti. Veramaṇī eva sikkhāpadaṃ veramaṇisikkhāpadaṃ, viramaṇisikkhāpadaṃ vā dutiyena nayena. Sammā ādiyāmi samādiyāmi, avītikkamanādhippāyena akhaṇḍakāritāya acchiddakāritāya asabalakāritāya ca ādiyāmīti vuttaṃ hoti.

    ад̇т̇ад̇о бана взраман̣ийд̇и гаамааважарагусалажид̇д̇асамбаяуд̇д̇аа вирад̇и, саа баан̣аад̇ибаад̇аа вираманд̇асса ‘‘яаа д̇асмим̣ самаяз баан̣аад̇ибаад̇аа аарад̇и вирад̇и бадивирад̇и взраман̣ий агирияаа агаран̣ам̣ анаж̇жхаабад̇д̇и взлааанад̇иггамо сзд̇угхаад̇о’’д̇и звамаад̣̇инаа (вибха. 704) наязна вибхан̇г̇з вуд̇д̇аа. гааман̃жзсаа взраман̣ий наама логуд̇д̇арааби ад̇т̇и, ид̇ха бана самаад̣̇ияаамийд̇и вуд̇д̇ад̇д̇аа самаад̣̇аанавасзна бавад̇д̇аарахаа, д̇асмаа саа на ход̇ийд̇и гаамааважарагусалажид̇д̇асамбаяуд̇д̇аа вирад̇ийд̇и вуд̇д̇аа.

    Atthato pana veramaṇīti kāmāvacarakusalacittasampayuttā virati, sā pāṇātipātā viramantassa ‘‘yā tasmiṃ samaye pāṇātipātā ārati virati paṭivirati veramaṇī akiriyā akaraṇaṃ anajjhāpatti velāanatikkamo setughāto’’ti evamādinā (vibha. 704) nayena vibhaṅge vuttā. Kāmañcesā veramaṇī nāma lokuttarāpi atthi, idha pana samādiyāmīti vuttattā samādānavasena pavattārahā, tasmā sā na hotīti kāmāvacarakusalacittasampayuttā viratīti vuttā.

    сигкаад̇и д̇иссо сигкаа ад̇хисийласигкаа, ад̇хижид̇д̇асигкаа, ад̇хибан̃н̃аасигкаад̇и. имасмим̣ банад̇т̇з самбад̇д̇авирад̇исийлам̣ логигаа вибассанаа руубааруубажхаанаани арияамаг̇г̇о жа сигкаад̇и ад̇хиббзд̇аа. яат̇ааха –

    Sikkhāti tisso sikkhā adhisīlasikkhā, adhicittasikkhā, adhipaññāsikkhāti. Imasmiṃ panatthe sampattaviratisīlaṃ lokikā vipassanā rūpārūpajhānāni ariyamaggo ca sikkhāti adhippetā. Yathāha –

    ‘‘гад̇амз д̇хаммаа сигкаа? яасмим̣ самаяз гаамааважарам̣ гусалам̣ жид̇д̇ам̣ уббаннам̣ ход̇и, соманассасахаг̇ад̇ам̣ н̃аан̣асамбаяуд̇д̇ам̣…бз… д̇асмим̣ самаяз пассо ход̇и…бз… авигкзбо ход̇и, имз д̇хаммаа сигкаа.

    ‘‘Katame dhammā sikkhā? Yasmiṃ samaye kāmāvacaraṃ kusalaṃ cittaṃ uppannaṃ hoti, somanassasahagataṃ ñāṇasampayuttaṃ…pe… tasmiṃ samaye phasso hoti…pe… avikkhepo hoti, ime dhammā sikkhā.

    ‘‘гад̇амз д̇хаммаа сигкаа? яасмим̣ самаяз руубуубабад̇д̇ияаа маг̇г̇ам̣ бхаавзд̇и вивижжзва гаамзхи вивижжа агусалзхи д̇хаммзхи…бз… батамам̣ жхаанам̣…бз… бан̃жамам̣ жхаанам̣ убасамбаж̇ж̇а вихарад̇и…бз… авигкзбо ход̇и, имз д̇хаммаа сигкаа.

    ‘‘Katame dhammā sikkhā? Yasmiṃ samaye rūpūpapattiyā maggaṃ bhāveti vivicceva kāmehi vivicca akusalehi dhammehi…pe… paṭhamaṃ jhānaṃ…pe… pañcamaṃ jhānaṃ upasampajja viharati…pe… avikkhepo hoti, ime dhammā sikkhā.

    ‘‘гад̇амз д̇хаммаа сигкаа? яасмим̣ самаяз аруубабад̇д̇ияаа…бз… нзвасан̃н̃аанаасан̃н̃ааяад̇анасахаг̇ад̇ам̣…бз… авигкзбо ход̇и, имз д̇хаммаа сигкаа.

    ‘‘Katame dhammā sikkhā? Yasmiṃ samaye arūpapattiyā…pe… nevasaññānāsaññāyatanasahagataṃ…pe… avikkhepo hoti, ime dhammā sikkhā.

    ‘‘гад̇амз д̇хаммаа сигкаа? яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣…бз… авигкзбо ход̇и, имз д̇хаммаа сигкаа’’д̇и (вибха. 712-713).

    ‘‘Katame dhammā sikkhā? Yasmiṃ samaye lokuttaraṃ jhānaṃ bhāveti niyyānikaṃ…pe… avikkhepo hoti, ime dhammā sikkhā’’ti (vibha. 712-713).

    зд̇аасу сигкаасу яааяа гааяажи сигкааяа бад̣̇ам̣ ад̇хиг̇амуубааяо, ат̇а ваа муулам̣ ниссаяо бад̇идтаад̇и сигкаабад̣̇ам̣. вуд̇д̇ан̃хзд̇ам̣ – ‘‘сийлам̣ ниссааяа сийлз бад̇идтааяа сад̇д̇а б̣ож̇жхан̇г̇з бхаавзнд̇о б̣ахулийгаронд̇о’’д̇и звамаад̣̇и (сам̣. ни. 5.182). звамзд̇т̇а саад̇хааран̣аанам̣ бад̣̇аанам̣ саад̇хааран̣аа б̣яан̃ж̇анад̇о ад̇т̇ад̇о жа вибхааванаа гаад̇аб̣б̣аа.

    Etāsu sikkhāsu yāya kāyaci sikkhāya padaṃ adhigamūpāyo, atha vā mūlaṃ nissayo patiṭṭhāti sikkhāpadaṃ. Vuttañhetaṃ – ‘‘sīlaṃ nissāya sīle patiṭṭhāya satta bojjhaṅge bhāvento bahulīkaronto’’ti evamādi (saṃ. ni. 5.182). Evamettha sādhāraṇānaṃ padānaṃ sādhāraṇā byañjanato atthato ca vibhāvanā kātabbā.

    буримабан̃жасигкаабад̣̇аван̣н̣анаа

    Purimapañcasikkhāpadavaṇṇanā

    ид̣̇аани яам̣ вуд̇д̇ам̣ – ‘‘ат̇а бан̃жасу буб̣б̣зсу, висзсад̇т̇аббагаасад̇о…бз… вин̃н̃аад̇аб̣б̣о винижчаяо’’д̇и , д̇ад̇т̇зд̇ам̣ вужжад̇и – баан̣аад̇ибаад̇од̇и зд̇т̇а д̇аава баан̣од̇и ж̇ийвид̇инд̣̇рияаббадиб̣ад̣̇д̇хаа канд̇хасанд̇ад̇и, д̇ам̣ ваа убаад̣̇ааяа бан̃н̃ад̇д̇о сад̇д̇о. д̇асмим̣ бана баан̣з баан̣асан̃н̃ино д̇асса баан̣асса ж̇ийвид̇инд̣̇рияубажчзд̣̇агаубаггамасамудтаабигаа гааяаважийд̣̇ваараанам̣ ан̃н̃ад̇арад̣̇ваараббавад̇д̇аа вад̇хагажзд̇анаа баан̣аад̇ибаад̇о. ад̣̇иннаад̣̇аананд̇и зд̇т̇а ад̣̇иннанд̇и барабариг̇г̇ахид̇ам̣, яад̇т̇а баро яат̇аагаамагаарид̇ам̣ аабаж̇ж̇анд̇о ад̣̇ан̣д̣аарахо анубаваж̇ж̇о жа ход̇и, д̇асмим̣ барабариг̇г̇ахид̇з барабариг̇г̇ахид̇асан̃н̃ино д̇ад̣̇аад̣̇ааяагаубаггамасамудтаабигаа гааяаважийд̣̇ваараанам̣ ан̃н̃ад̇арад̣̇ваараббавад̇д̇аа зва т̇зяяажзд̇анаа ад̣̇иннаад̣̇аанам̣. аб̣рахмажарияанд̇и асздтажарияам̣, д̣̇ваяам̣д̣̇ваяасамаабад̇д̇имзт̇унаббадисзванаа гааяад̣̇ваараббавад̇д̇аа асад̣̇д̇хаммаббадисзванадтаанавийд̇иггамажзд̇анаа аб̣рахмажарияам̣ . мусааваад̣̇од̇и зд̇т̇а мусаад̇и висам̣ваад̣̇анабурзгкаарасса ад̇т̇абхан̃ж̇анаго важийбаяог̇о гааяабаяог̇о ваа, висам̣ваад̣̇анаад̇хиббааязна банасса барависам̣ваад̣̇агагааяаважийбаяог̇асамудтаабигаа гааяаважийд̣̇ваараанамзва ан̃н̃ад̇арад̣̇ваараббавад̇д̇аа мижчаажзд̇анаа мусааваад̣̇о. сураамзраяамаж̇ж̇абамаад̣̇адтаананд̇и зд̇т̇а бана сураад̇и бан̃жа сураа – бидтасураа, буувасураа, од̣̇анасураа, гин̣н̣абагкид̇д̇аа, самбхаарасам̣яуд̇д̇аа жаад̇и. мзраяамби бубпаасаво, палаасаво, г̇ул̣аасаво, мад̇хваасаво, самбхаарасам̣яуд̇д̇о жаад̇и бан̃жавид̇хам̣. маж̇ж̇анд̇и д̇ад̣̇убхаяамзва мад̣̇анияадтзна маж̇ж̇ам̣, яам̣ ваа банан̃н̃амби гин̃жи ад̇т̇и мад̣̇анияам̣, язна бийд̇зна мад̇д̇о ход̇и бамад̇д̇о, ид̣̇ам̣ вужжад̇и маж̇ж̇ам̣. бамаад̣̇адтаананд̇и яааяа жзд̇анааяа д̇ам̣ бивад̇и аж̇жхохарад̇и, саа жзд̇анаа мад̣̇аббамаад̣̇ахзд̇уд̇о бамаад̣̇адтаананд̇и вужжад̇и, яад̇о аж̇жхохаран̣аад̇хиббааязна гааяад̣̇ваараббавад̇д̇аа сураамзраяамаж̇ж̇аанам̣ аж̇жхохаран̣ажзд̇анаа ‘‘сураамзраяамаж̇ж̇абамаад̣̇адтаана’’нд̇и взд̣̇ид̇аб̣б̣аа. звам̣ д̇аавзд̇т̇а баан̣аад̇ибаад̇аббабхуд̇ийхи вин̃н̃аад̇аб̣б̣о винижчаяо.

    Idāni yaṃ vuttaṃ – ‘‘atha pañcasu pubbesu, visesatthappakāsato…pe… viññātabbo vinicchayo’’ti , tatthetaṃ vuccati – pāṇātipātoti ettha tāva pāṇoti jīvitindriyappaṭibaddhā khandhasantati, taṃ vā upādāya paññatto satto. Tasmiṃ pana pāṇe pāṇasaññino tassa pāṇassa jīvitindriyupacchedakaupakkamasamuṭṭhāpikā kāyavacīdvārānaṃ aññataradvārappavattā vadhakacetanā pāṇātipāto. Adinnādānanti ettha adinnanti parapariggahitaṃ, yattha paro yathākāmakāritaṃ āpajjanto adaṇḍāraho anupavajjo ca hoti, tasmiṃ parapariggahite parapariggahitasaññino tadādāyakaupakkamasamuṭṭhāpikā kāyavacīdvārānaṃ aññataradvārappavattā eva theyyacetanā adinnādānaṃ. Abrahmacariyanti aseṭṭhacariyaṃ, dvayaṃdvayasamāpattimethunappaṭisevanā kāyadvārappavattā asaddhammappaṭisevanaṭṭhānavītikkamacetanā abrahmacariyaṃ . Musāvādoti ettha musāti visaṃvādanapurekkhārassa atthabhañjanako vacīpayogo kāyapayogo vā, visaṃvādanādhippāyena panassa paravisaṃvādakakāyavacīpayogasamuṭṭhāpikā kāyavacīdvārānameva aññataradvārappavattā micchācetanā musāvādo. Surāmerayamajjapamādaṭṭhānanti ettha pana surāti pañca surā – piṭṭhasurā, pūvasurā, odanasurā, kiṇṇapakkhittā, sambhārasaṃyuttā cāti. Merayampi pupphāsavo, phalāsavo, guḷāsavo, madhvāsavo, sambhārasaṃyutto cāti pañcavidhaṃ. Majjanti tadubhayameva madaniyaṭṭhena majjaṃ, yaṃ vā panaññampi kiñci atthi madaniyaṃ, yena pītena matto hoti pamatto, idaṃ vuccati majjaṃ. Pamādaṭṭhānanti yāya cetanāya taṃ pivati ajjhoharati, sā cetanā madappamādahetuto pamādaṭṭhānanti vuccati, yato ajjhoharaṇādhippāyena kāyadvārappavattā surāmerayamajjānaṃ ajjhoharaṇacetanā ‘‘surāmerayamajjapamādaṭṭhāna’’nti veditabbā. Evaṃ tāvettha pāṇātipātappabhutīhi viññātabbo vinicchayo.

    згад̇аанаанад̇аад̣̇ивинижчаяам̣

    Ekatānānatādivinicchayaṃ

    згад̇аанаанад̇аад̣̇ид̇од̇и зд̇т̇а ааха – гим̣ бана важ̇жхавад̇хагаббаяог̇ажзд̇анаад̣̇ийнам̣ згад̇ааяа баан̣аад̇ибаад̇асса ан̃н̃асса ваа ад̣̇иннаад̣̇аанаад̣̇ино згад̇д̇ам̣, наанад̇ааяа наанад̇д̇ам̣ ход̇и, уд̣̇ааху нод̇и. гасмаа банзд̇ам̣ вужжад̇и? яад̣̇и д̇аава згад̇ааяа згад̇д̇ам̣, ат̇а яад̣̇аа згам̣ важ̇жхам̣ б̣ахуу вад̇хагаа вад̇хзнд̇и, зго ваа вад̇хаго б̣ахугз важ̇жхз вад̇хзд̇и, згзна ваа саахад̇т̇игаад̣̇инаа баяог̇зна б̣ахуу важ̇жхаа вад̇хийяанд̇и, згаа ваа жзд̇анаа б̣ахуунам̣ важ̇жхаанам̣ ж̇ийвид̇инд̣̇рияубажчзд̣̇агабаяог̇ам̣ самудтаабзд̇и, д̇ад̣̇аа згзна баан̣аад̇ибаад̇зна бхавид̇аб̣б̣ам̣. яад̣̇и бана наанад̇ааяа наанад̇д̇ам̣. ат̇а яад̣̇аа зго вад̇хаго згассад̇т̇ааяа згам̣ баяог̇ам̣ гаронд̇о б̣ахуу важ̇жхз вад̇хзд̇и, б̣ахуу ваа вад̇хагаа д̣̇звад̣̇ад̇д̇аяан̃н̃ад̣̇ад̇д̇асомад̣̇ад̇д̇аад̣̇ийнам̣ б̣ахуунамад̇т̇ааяа б̣ахуу баяог̇з гаронд̇аа згамзва д̣̇звад̣̇ад̇д̇ам̣ яан̃н̃ад̣̇ад̇д̇ам̣ сомад̣̇ад̇д̇ам̣ ваа вад̇хзнд̇и, б̣ахуухи ваа саахад̇т̇игаад̣̇ийхи баяог̇зхи зго важ̇жхо вад̇хийяад̇и. б̣ахуу ваа жзд̇анаа згассзва важ̇жхасса ж̇ийвид̇инд̣̇рияубажчзд̣̇агабаяог̇ам̣ самудтаабзнд̇и, д̇ад̣̇аа б̣ахуухи баан̣аад̇ибаад̇зхи бхавид̇аб̣б̣ам̣. убхаяамби жзд̇амаяуд̇д̇ам̣. ат̇а нзва зд̇зсам̣ важ̇жхаад̣̇ийнам̣ згад̇ааяа згад̇д̇ам̣, наанад̇ааяа наанад̇д̇ам̣, ан̃н̃ат̇зва д̇у згад̇д̇ам̣ наанад̇д̇ан̃жа ход̇и, д̇ам̣ вад̇д̇аб̣б̣ам̣ баан̣аад̇ибаад̇асса, звам̣ сзсаанамбийд̇и.

    Ekatānānatāditoti ettha āha – kiṃ pana vajjhavadhakappayogacetanādīnaṃ ekatāya pāṇātipātassa aññassa vā adinnādānādino ekattaṃ, nānatāya nānattaṃ hoti, udāhu noti. Kasmā panetaṃ vuccati? Yadi tāva ekatāya ekattaṃ, atha yadā ekaṃ vajjhaṃ bahū vadhakā vadhenti, eko vā vadhako bahuke vajjhe vadheti, ekena vā sāhatthikādinā payogena bahū vajjhā vadhīyanti, ekā vā cetanā bahūnaṃ vajjhānaṃ jīvitindriyupacchedakapayogaṃ samuṭṭhāpeti, tadā ekena pāṇātipātena bhavitabbaṃ. Yadi pana nānatāya nānattaṃ. Atha yadā eko vadhako ekassatthāya ekaṃ payogaṃ karonto bahū vajjhe vadheti, bahū vā vadhakā devadattayaññadattasomadattādīnaṃ bahūnamatthāya bahū payoge karontā ekameva devadattaṃ yaññadattaṃ somadattaṃ vā vadhenti, bahūhi vā sāhatthikādīhi payogehi eko vajjho vadhīyati. Bahū vā cetanā ekasseva vajjhassa jīvitindriyupacchedakapayogaṃ samuṭṭhāpenti, tadā bahūhi pāṇātipātehi bhavitabbaṃ. Ubhayampi cetamayuttaṃ. Atha neva etesaṃ vajjhādīnaṃ ekatāya ekattaṃ, nānatāya nānattaṃ, aññatheva tu ekattaṃ nānattañca hoti, taṃ vattabbaṃ pāṇātipātassa, evaṃ sesānampīti.

    вужжад̇з – д̇ад̇т̇а д̇аава баан̣аад̇ибаад̇асса на важ̇жхавад̇хагаад̣̇ийнам̣ бажжзгамзгад̇ааяа згад̇аа, наанад̇ааяа наанад̇аа, гинд̇у важ̇жхавад̇хагаад̣̇ийнам̣ яуг̇ананд̇хамзгад̇ааяа згад̇аа, д̣̇виннамби д̇у д̇зсам̣, д̇ад̇о ан̃н̃ад̇арасса ваа наанад̇ааяа наанад̇аа. д̇ат̇аа хи б̣ахуусу вад̇хагзсу б̣ахуухи сарагкзбаад̣̇ийхи згзна ваа обаад̇акан̣анаад̣̇инаа баяог̇зна б̣ахуу важ̇жхз вад̇хзнд̇зсуби б̣ахуу баан̣аад̇ибаад̇аа хонд̇и. згасмим̣ вад̇хагз згзна, б̣ахуухи ваа баяог̇зхи д̇аббаяог̇асамудтаабигааяа жа згааяа, б̣ахуухи ваа жзд̇анаахи б̣ахуу важ̇жхз вад̇хзнд̇зби б̣ахуу баан̣аад̇ибаад̇аа хонд̇и, б̣ахуусу жа вад̇хагзсу яат̇аавуд̇д̇аббагаарзхи б̣ахуухи, згзна ваа баяог̇зна згам̣ важ̇жхам̣ вад̇хзнд̇зсуби б̣ахуу баан̣аад̇ибаад̇аа хонд̇и. зса наяо ад̣̇иннаад̣̇аанаад̣̇ийсубийд̇и. звамзд̇т̇а згад̇аанаанад̇аад̣̇ид̇оби вин̃н̃аад̇аб̣б̣о винижчаяо.

    Vuccate – tattha tāva pāṇātipātassa na vajjhavadhakādīnaṃ paccekamekatāya ekatā, nānatāya nānatā, kintu vajjhavadhakādīnaṃ yuganandhamekatāya ekatā, dvinnampi tu tesaṃ, tato aññatarassa vā nānatāya nānatā. Tathā hi bahūsu vadhakesu bahūhi sarakkhepādīhi ekena vā opātakhaṇanādinā payogena bahū vajjhe vadhentesupi bahū pāṇātipātā honti. Ekasmiṃ vadhake ekena, bahūhi vā payogehi tappayogasamuṭṭhāpikāya ca ekāya, bahūhi vā cetanāhi bahū vajjhe vadhentepi bahū pāṇātipātā honti, bahūsu ca vadhakesu yathāvuttappakārehi bahūhi, ekena vā payogena ekaṃ vajjhaṃ vadhentesupi bahū pāṇātipātā honti. Esa nayo adinnādānādīsupīti. Evamettha ekatānānatāditopi viññātabbo vinicchayo.

    аарамман̣ад̇од̇и баан̣аад̇ибаад̇о жзд̇т̇а ж̇ийвид̇инд̣̇рияаарамман̣о. ад̣̇иннаад̣̇аанааб̣рахмажарияасураамзраяамаж̇ж̇абамаад̣̇адтаанаани руубад̇хаммзсу руубааяад̇анаад̣̇иан̃н̃ад̇арасан̇каараарамман̣аани. мусааваад̣̇о яасса мусаа бхан̣ад̇и, д̇амаарабхид̇ваа бавад̇д̇анад̇о сад̇д̇аарамман̣о. аб̣рахмажарияамби сад̇д̇аарамман̣анд̇и згз. ад̣̇иннаад̣̇аанан̃жа яад̣̇аа сад̇д̇о харид̇аб̣б̣о ход̇и, д̇ад̣̇аа сад̇д̇аарамман̣анд̇и. аби жзд̇т̇а сан̇кааравасзнзва сад̇д̇аарамман̣ам̣, на бан̣н̣ад̇д̇ивасзнаад̇и. звамзд̇т̇а аарамман̣ад̇оби вин̃н̃аад̇аб̣б̣о винижчаяо.

    Ārammaṇatoti pāṇātipāto cettha jīvitindriyārammaṇo. Adinnādānaabrahmacariyasurāmerayamajjapamādaṭṭhānāni rūpadhammesu rūpāyatanādiaññatarasaṅkhārārammaṇāni. Musāvādo yassa musā bhaṇati, tamārabhitvā pavattanato sattārammaṇo. Abrahmacariyampi sattārammaṇanti eke. Adinnādānañca yadā satto haritabbo hoti, tadā sattārammaṇanti. Api cettha saṅkhāravaseneva sattārammaṇaṃ, na paṇṇattivasenāti. Evamettha ārammaṇatopi viññātabbo vinicchayo.

    аад̣̇аанад̇од̇и баан̣аад̇ибаад̇аавзраман̣исигкаабад̣̇аад̣̇ийни жзд̇аани сааман̣зрзна бхигкусанд̇игз самаад̣̇иннаанзва самаад̣̇иннаани хонд̇и, убаасагзна бана ад̇д̇анаа самаад̣̇ияанд̇знааби самаад̣̇иннаани хонд̇и, барасса санд̇игз самаад̣̇ияанд̇знааби. згаж̇жхам̣ самаад̣̇иннааниби самаад̣̇иннаани хонд̇и, бажжзгам̣ самаад̣̇иннааниби. гинд̇у наанам̣ згаж̇жхам̣ самаад̣̇ияад̇о згааязва вирад̇и, згаава жзд̇анаа ход̇и, гижжавасзна банзд̇аасам̣ бан̃жавид̇хад̇д̇ам̣ вин̃н̃ааяад̇и. бажжзгам̣ самаад̣̇ияад̇о бана бан̃жзва вирад̇ияо, бан̃жа жа жзд̇анаа хонд̇ийд̇и взд̣̇ид̇аб̣б̣аа. звамзд̇т̇а аад̣̇аанад̇оби вин̃н̃аад̇аб̣б̣о винижчаяо.

    Ādānatoti pāṇātipātāveramaṇisikkhāpadādīni cetāni sāmaṇerena bhikkhusantike samādinnāneva samādinnāni honti, upāsakena pana attanā samādiyantenāpi samādinnāni honti, parassa santike samādiyantenāpi. Ekajjhaṃ samādinnānipi samādinnāni honti, paccekaṃ samādinnānipi. Kintu nānaṃ ekajjhaṃ samādiyato ekāyeva virati, ekāva cetanā hoti, kiccavasena panetāsaṃ pañcavidhattaṃ viññāyati. Paccekaṃ samādiyato pana pañceva viratiyo, pañca ca cetanā hontīti veditabbā. Evamettha ādānatopi viññātabbo vinicchayo.

    бхзд̣̇ад̇од̇и сааман̣зраанан̃жзд̇т̇а згасмим̣ бхиннз саб̣б̣ааниби бхиннаани хонд̇и. баарааж̇игадтаанияаани хи д̇аани д̇зсам̣, яам̣ д̇ам̣ вийд̇игганд̇ам̣ ход̇и, д̇знзва гаммаб̣ад̣̇д̇хо. г̇ахадтаанам̣ бана згасмим̣ бхиннз згамзва бхиннам̣ ход̇и, яад̇о д̇зсам̣ д̇ам̣самаад̣̇аанзнзва буна бан̃жан̇г̇игад̇д̇ам̣ сийласса самбаж̇ж̇ад̇и. абарз банааху – ‘‘висум̣ висум̣ самаад̣̇иннзсу згасмим̣ бхиннз згамзва бхиннам̣ ход̇и, ‘бан̃жан̇г̇асаманнааг̇ад̇ам̣ сийлам̣ самаад̣̇ияаамий’д̇и звам̣ бана згад̇о самаад̣̇иннзсу згасмим̣ бхиннз сзсааниби саб̣б̣аани бхиннаани хонд̇и. гасмаа? самаад̣̇иннасса абхиннад̇д̇аа, яам̣ д̇ам̣ вийд̇игганд̇ам̣, д̇знзва гаммаб̣ад̣̇д̇хо’’д̇и. звамзд̇т̇а бхзд̣̇ад̇оби вин̃н̃аад̇аб̣б̣о винижчаяо.

    Bhedatoti sāmaṇerānañcettha ekasmiṃ bhinne sabbānipi bhinnāni honti. Pārājikaṭṭhāniyāni hi tāni tesaṃ, yaṃ taṃ vītikkantaṃ hoti, teneva kammabaddho. Gahaṭṭhānaṃ pana ekasmiṃ bhinne ekameva bhinnaṃ hoti, yato tesaṃ taṃsamādāneneva puna pañcaṅgikattaṃ sīlassa sampajjati. Apare panāhu – ‘‘visuṃ visuṃ samādinnesu ekasmiṃ bhinne ekameva bhinnaṃ hoti, ‘pañcaṅgasamannāgataṃ sīlaṃ samādiyāmī’ti evaṃ pana ekato samādinnesu ekasmiṃ bhinne sesānipi sabbāni bhinnāni honti. Kasmā? Samādinnassa abhinnattā, yaṃ taṃ vītikkantaṃ, teneva kammabaddho’’ti. Evamettha bhedatopi viññātabbo vinicchayo.

    махаасааваж̇ж̇ад̇од̇и г̇ун̣авирахид̇зсу д̇иражчаанаг̇ад̇аад̣̇ийсу баан̣зсу куд̣̇д̣̇агз баан̣з баан̣аад̇ибаад̇о аббасааваж̇ж̇о, махаасарийрз махаасааваж̇ж̇о. гасмаа? баяог̇амаханд̇ад̇ааяа. баяог̇асамад̇д̇зби вад̇т̇умаханд̇ад̇ааяа. г̇ун̣аванд̇зсу бана мануссаад̣̇ийсу аббаг̇ун̣з баан̣аад̇ибаад̇о аббасааваж̇ж̇о, махааг̇ун̣з махаасааваж̇ж̇о . сарийраг̇ун̣аананд̇у самабхаавз сад̇и гилзсаанам̣ убаггамаанан̃жа муд̣̇уд̇ааяа аббасааваж̇ж̇ад̇аа, д̇иб̣б̣ад̇ааяа махаасааваж̇ж̇ад̇аа жа взд̣̇ид̇аб̣б̣аа. зса наяо сзсзсуби. аби жзд̇т̇а сураамзраяамаж̇ж̇абамаад̣̇адтаанамзва махаасааваж̇ж̇ам̣, на д̇ат̇аа баан̣аад̇ибаад̇аад̣̇аяо. гасмаа? мануссабхууд̇ассааби уммад̇д̇агабхаавасам̣вад̇д̇анзна арияад̇хамманд̇арааяагаран̣ад̇од̇и. звамзд̇т̇а махаасааваж̇ж̇ад̇оби вин̃н̃аад̇аб̣б̣о винижчаяо.

    Mahāsāvajjatoti guṇavirahitesu tiracchānagatādīsu pāṇesu khuddake pāṇe pāṇātipāto appasāvajjo, mahāsarīre mahāsāvajjo. Kasmā? Payogamahantatāya. Payogasamattepi vatthumahantatāya. Guṇavantesu pana manussādīsu appaguṇe pāṇātipāto appasāvajjo, mahāguṇe mahāsāvajjo . Sarīraguṇānantu samabhāve sati kilesānaṃ upakkamānañca mudutāya appasāvajjatā, tibbatāya mahāsāvajjatā ca veditabbā. Esa nayo sesesupi. Api cettha surāmerayamajjapamādaṭṭhānameva mahāsāvajjaṃ, na tathā pāṇātipātādayo. Kasmā? Manussabhūtassāpi ummattakabhāvasaṃvattanena ariyadhammantarāyakaraṇatoti. Evamettha mahāsāvajjatopi viññātabbo vinicchayo.

    баяог̇ад̇од̇и зд̇т̇а жа баан̣аад̇ибаад̇асса саахад̇т̇иго, аан̣ад̇д̇иго, ниссаг̇г̇ияо, т̇ааваро, виж̇ж̇аамаяо, ид̣̇д̇химаяод̇и чаббаяог̇аа. д̇ад̇т̇а гааязна ваа гааяаббадиб̣ад̣̇д̇хзна ваа бахаран̣ам̣ саахад̇т̇иго баяог̇о, со уд̣̇д̣̇иссаануд̣̇д̣̇иссабхзд̣̇ад̇о д̣̇увид̇хо ход̇и. д̇ад̇т̇а уд̣̇д̣̇иссагз яам̣ уд̣̇д̣̇исса бахарад̇и, д̇ассзва маран̣зна гаммунаа б̣аж̇жхад̇и. ‘‘яо гожи марад̇уу’’д̇и звам̣ ануд̣̇д̣̇иссагз бахаарабажжаяаа яасса гассажи маран̣зна. убхаяат̇ааби жа бахарид̇амад̇д̇з ваа марад̇у, бажчаа ваа д̇знзва рог̇зна, бахарид̇агкан̣з зва гаммунаа б̣аж̇жхад̇и. маран̣аад̇хиббааязна жа бахаарам̣ д̣̇ад̇ваа д̇зна амад̇асса буна ан̃н̃зна жид̇д̇зна бахаарз д̣̇иннз бажчааби яад̣̇и батамабахаарзнзва марад̇и, д̇ад̣̇аа зва гаммунаа б̣ад̣̇д̇хо ход̇и. ат̇а д̣̇уд̇ияабахаарзна, над̇т̇и баан̣аад̇ибаад̇о. убхаязхи мад̇зби батамабахаарзнзва гаммунаа б̣ад̣̇д̇хо, убхаязхиби амад̇з нзвад̇т̇и баан̣аад̇ибаад̇о. зса наяо б̣ахугзхиби згасса бахаарз д̣̇иннз. д̇ад̇рааби хи яасса бахаарзна марад̇и, д̇ассзва гаммаб̣ад̣̇д̇хо ход̇и.

    Payogatoti ettha ca pāṇātipātassa sāhatthiko, āṇattiko, nissaggiyo, thāvaro, vijjāmayo, iddhimayoti chappayogā. Tattha kāyena vā kāyappaṭibaddhena vā paharaṇaṃ sāhatthiko payogo, so uddissānuddissabhedato duvidho hoti. Tattha uddissake yaṃ uddissa paharati, tasseva maraṇena kammunā bajjhati. ‘‘Yo koci maratū’’ti evaṃ anuddissake pahārapaccayā yassa kassaci maraṇena. Ubhayathāpi ca paharitamatte vā maratu, pacchā vā teneva rogena, paharitakkhaṇe eva kammunā bajjhati. Maraṇādhippāyena ca pahāraṃ datvā tena amatassa puna aññena cittena pahāre dinne pacchāpi yadi paṭhamapahāreneva marati, tadā eva kammunā baddho hoti. Atha dutiyapahārena, natthi pāṇātipāto. Ubhayehi matepi paṭhamapahāreneva kammunā baddho, ubhayehipi amate nevatthi pāṇātipāto. Esa nayo bahukehipi ekassa pahāre dinne. Tatrāpi hi yassa pahārena marati, tasseva kammabaddho hoti.

    ад̇хидтахид̇ваа бана аан̣аабанам̣ аан̣ад̇д̇иго баяог̇о. д̇ад̇т̇аби саахад̇т̇игз баяог̇з вуд̇д̇анаязнзва гаммаб̣ад̣̇д̇хо ануссарид̇аб̣б̣о. чаб̣б̣ид̇хо жзд̇т̇а нияамо взд̣̇ид̇аб̣б̣о –

    Adhiṭṭhahitvā pana āṇāpanaṃ āṇattiko payogo. Tatthapi sāhatthike payoge vuttanayeneva kammabaddho anussaritabbo. Chabbidho cettha niyamo veditabbo –

    ‘‘вад̇т̇у гаало жа огаасо, аавуд̇хам̣ ирияаабат̇о;

    ‘‘Vatthu kālo ca okāso, āvudhaṃ iriyāpatho;

    гирияаависзсод̇и имз, ча аан̣ад̇д̇инияаамагаа’’д̇и. (баажи. адта. 2.174);

    Kiriyāvisesoti ime, cha āṇattiniyāmakā’’ti. (pāci. aṭṭha. 2.174);

    д̇ад̇т̇а вад̇т̇ууд̇и маарзд̇аб̣б̣о баан̣о. гаалод̇и буб̣б̣ан̣хасааяанхаад̣̇игаало жа, яоб̣б̣анат̇ааварияаад̣̇игаало жа. огаасод̇и г̇аамо ваа ниг̇амо ваа ванам̣ ваа ражчаа ваа син̇гхаадагам̣ ваад̇и звамаад̣̇и. аавуд̇ханд̇и аси ваа усу ваа сад̇д̇и ваад̇и звамаад̣̇и. ирияаабат̇од̇и маарзд̇аб̣б̣асса маарагасса жа таанам̣ ваа нисаж̇ж̇аа ваад̇и звамаад̣̇и.

    Tattha vatthūti māretabbo pāṇo. Kāloti pubbaṇhasāyanhādikālo ca, yobbanathāvariyādikālo ca. Okāsoti gāmo vā nigamo vā vanaṃ vā racchā vā siṅghāṭakaṃ vāti evamādi. Āvudhanti asi vā usu vā satti vāti evamādi. Iriyāpathoti māretabbassa mārakassa ca ṭhānaṃ vā nisajjā vāti evamādi.

    гирияаависзсод̇и виж̇жханам̣ ваа чзд̣̇анам̣ ваа бхзд̣̇анам̣ ваа сан̇камун̣д̣игам̣ ваад̇и звамаад̣̇и. яад̣̇и хи вад̇т̇ум̣ висам̣ваад̣̇зд̇ваа ‘‘яам̣ маарзхий’’д̇и аан̣ад̇д̇о, д̇ад̇о ан̃н̃ам̣ маарзд̇и, аан̣аабагасса над̇т̇и гаммаб̣ад̣̇д̇хо. ат̇а вад̇т̇ум̣ ависам̣ваад̣̇зд̇ваа маарзд̇и, аан̣аабагасса аан̣ад̇д̇игкан̣з аан̣ад̇д̇асса мааран̣агкан̣зд̇и убхаязсамби гаммаб̣ад̣̇д̇хо. зса наяо гаалаад̣̇ийсуби.

    Kiriyāvisesoti vijjhanaṃ vā chedanaṃ vā bhedanaṃ vā saṅkhamuṇḍikaṃ vāti evamādi. Yadi hi vatthuṃ visaṃvādetvā ‘‘yaṃ mārehī’’ti āṇatto, tato aññaṃ māreti, āṇāpakassa natthi kammabaddho. Atha vatthuṃ avisaṃvādetvā māreti, āṇāpakassa āṇattikkhaṇe āṇattassa māraṇakkhaṇeti ubhayesampi kammabaddho. Esa nayo kālādīsupi.

    мааран̣ад̇т̇анд̇у гааязна ваа гааяаббадиб̣ад̣̇д̇хзна ваа бахаран̣аниссаж̇ж̇анам̣ ниссаг̇г̇ияо баяог̇о. соби уд̣̇д̣̇иссаануд̣̇д̣̇иссабхзд̣̇ад̇о д̣̇увид̇хо зва, гаммаб̣ад̣̇д̇хо жзд̇т̇а буб̣б̣з вуд̇д̇анаязнзва взд̣̇ид̇аб̣б̣о.

    Māraṇatthantu kāyena vā kāyappaṭibaddhena vā paharaṇanissajjanaṃ nissaggiyo payogo. Sopi uddissānuddissabhedato duvidho eva, kammabaddho cettha pubbe vuttanayeneva veditabbo.

    мааран̣ад̇т̇амзва обаад̇акан̣анам̣, абассзнаубанигкибанам̣, бхзсаж̇ж̇ависаяанд̇аад̣̇иббаяож̇анам̣ ваа т̇ааваро баяог̇о. соби уд̣̇д̣̇иссаануд̣̇д̣̇иссабхзд̣̇ад̇о д̣̇увид̇хо, яад̇о д̇ад̇т̇аби буб̣б̣з вуд̇д̇анаязнзва гаммаб̣ад̣̇д̇хо взд̣̇ид̇аб̣б̣о. аяанд̇у висзсо – мууладтзна обаад̇аад̣̇ийсу барзсам̣ муулзна ваа муд̇хаа ваа д̣̇иннзсуби яад̣̇и д̇аббажжаяаа гожи марад̇и, мууладтассзва гаммаб̣ад̣̇д̇хо. яад̣̇иби жа д̇зна ан̃н̃зна ваа д̇ад̇т̇а обаад̇з винаасзд̇ваа бхуумисамз гад̇зби бам̣суд̇ховагаа ваа бам̣сум̣ г̇ан̣ханд̇аа, муулакан̣агаа ваа муулаани кан̣анд̇аа ааваадам̣ гаронд̇и , д̣̇звз ваа вассанд̇з гад̣̇д̣̇амо ж̇ааяад̇и, д̇ад̇т̇а жа гожи од̇арид̇ваа ваа лаг̇г̇ид̇ваа ваа марад̇и, мууладтассзва гаммаб̣ад̣̇д̇хо. яад̣̇и бана язна лад̣̇д̇хам̣, со ан̃н̃о ваа д̇ам̣ вид̇т̇адад̇арам̣ г̇амбхийрад̇арам̣ ваа гарод̇и, д̇аббажжаяаава гожи марад̇и, убхаязсамби гаммаб̣ад̣̇д̇хо. яат̇аа д̇у муулаани муулзхи сам̣санд̣̇анд̇и, д̇ат̇аа д̇ад̇ра т̇алз гад̇з мужжад̇и. звам̣ абассзнаад̣̇ийсуби яаава д̇зсам̣ бавад̇д̇и, д̇аава яат̇аасамбхавам̣ гаммаб̣ад̣̇д̇хо взд̣̇ид̇аб̣б̣о.

    Māraṇatthameva opātakhaṇanaṃ, apassenaupanikkhipanaṃ, bhesajjavisayantādippayojanaṃ vā thāvaro payogo. Sopi uddissānuddissabhedato duvidho, yato tatthapi pubbe vuttanayeneva kammabaddho veditabbo. Ayantu viseso – mūlaṭṭhena opātādīsu paresaṃ mūlena vā mudhā vā dinnesupi yadi tappaccayā koci marati, mūlaṭṭhasseva kammabaddho. Yadipi ca tena aññena vā tattha opāte vināsetvā bhūmisame katepi paṃsudhovakā vā paṃsuṃ gaṇhantā, mūlakhaṇakā vā mūlāni khaṇantā āvāṭaṃ karonti , deve vā vassante kaddamo jāyati, tattha ca koci otaritvā vā laggitvā vā marati, mūlaṭṭhasseva kammabaddho. Yadi pana yena laddhaṃ, so añño vā taṃ vitthaṭataraṃ gambhīrataraṃ vā karoti, tappaccayāva koci marati, ubhayesampi kammabaddho. Yathā tu mūlāni mūlehi saṃsandanti, tathā tatra thale kate muccati. Evaṃ apassenādīsupi yāva tesaṃ pavatti, tāva yathāsambhavaṃ kammabaddho veditabbo.

    мааран̣ад̇т̇ам̣ бана виж̇ж̇аабариж̇аббанам̣ виж̇ж̇аамаяо баяог̇о. д̣̇аатаавуд̇хаад̣̇ийнам̣ д̣̇аатаагоданаад̣̇имива мааран̣ад̇т̇ам̣ гаммавибаагаж̇ид̣̇д̇хивигаарагаран̣ам̣ ид̣̇д̇химаяо баяог̇од̇и. ад̣̇иннаад̣̇аанасса д̇у т̇зяяабасаяхабадижчаннабаригаббагусаавахааравасаббавад̇д̇аа саахад̇т̇игаан̣ад̇д̇игаад̣̇аяо баяог̇аа, д̇зсамби вуд̇д̇аанусаарзнзва бабхзд̣̇о взд̣̇ид̇аб̣б̣о. аб̣рахмажарияаад̣̇ийнам̣ д̇ин̣н̣амби саахад̇т̇иго зва баяог̇о лаб̣бхад̇ийд̇и. звамзд̇т̇а баяог̇ад̇оби вин̃н̃аад̇аб̣б̣о винижчаяо.

    Māraṇatthaṃ pana vijjāparijappanaṃ vijjāmayo payogo. Dāṭhāvudhādīnaṃ dāṭhākoṭanādimiva māraṇatthaṃ kammavipākajiddhivikārakaraṇaṃ iddhimayo payogoti. Adinnādānassa tu theyyapasayhapaṭicchannaparikappakusāvahāravasappavattā sāhatthikāṇattikādayo payogā, tesampi vuttānusāreneva pabhedo veditabbo. Abrahmacariyādīnaṃ tiṇṇampi sāhatthiko eva payogo labbhatīti. Evamettha payogatopi viññātabbo vinicchayo.

    ан̇г̇ад̇од̇и зд̇т̇а жа баан̣аад̇ибаад̇асса бан̃жа ан̇г̇аани бхаванд̇и – баан̣о жа ход̇и, баан̣асан̃н̃ий жа, вад̇хагажид̇д̇ан̃жа бажжубадтид̇ам̣ ход̇и, вааяамад̇и, д̇зна жа марад̇ийд̇и. ад̣̇иннаад̣̇аанассааби бан̃жзва – барабариг̇г̇ахид̇ан̃жа ход̇и, барабариг̇г̇ахид̇асан̃н̃ий жа, т̇зяяажид̇д̇ан̃жа бажжубадтид̇ам̣ ход̇и, вааяамад̇и, д̇зна жа аад̣̇аад̇аб̣б̣ам̣ аад̣̇аанам̣ г̇ажчад̇ийд̇и. аб̣рахмажарияасса бана жад̇д̇аари ан̇г̇аани бхаванд̇и – аж̇жхаажарияавад̇т̇у жа ход̇и, д̇ад̇т̇а жа сзванажид̇д̇ам̣ бажжубадтид̇ам̣ ход̇и, сзванабажжаяаа баяог̇ан̃жа самаабаж̇ж̇ад̇и, саад̣̇ияад̇и жаад̇и, д̇ат̇аа барзсам̣ д̣̇виннамби. д̇ад̇т̇а мусааваад̣̇асса д̇аава мусаа жа ход̇и д̇ам̣ вад̇т̇у, висам̣ваад̣̇анажид̇д̇ан̃жа бажжубадтид̇ам̣ ход̇и, д̇аж̇ж̇о жа вааяаамо, барависам̣ваад̣̇анан̃жа вин̃н̃аабаяамаанаа вин̃н̃ад̇д̇и бавад̇д̇ад̇ийд̇и жад̇д̇аари ан̇г̇аани взд̣̇ид̇аб̣б̣аани. сураамзраяамаж̇ж̇абамаад̣̇адтаанасса бана сураад̣̇ийнан̃жа ан̃н̃ад̇арам̣ ход̇и мад̣̇анийяабаад̇угамяад̇аажид̇д̇ан̃жа бажжубадтид̇ам̣ ход̇и, д̇аж̇ж̇ан̃жа вааяаамам̣ аабаж̇ж̇ад̇и, бийд̇з жа бависад̇ийд̇и имаани жад̇д̇аари ан̇г̇аанийд̇и. звамзд̇т̇а ан̇г̇ад̇оби вин̃н̃аад̇аб̣б̣о винижчаяо.

    Aṅgatoti ettha ca pāṇātipātassa pañca aṅgāni bhavanti – pāṇo ca hoti, pāṇasaññī ca, vadhakacittañca paccupaṭṭhitaṃ hoti, vāyamati, tena ca maratīti. Adinnādānassāpi pañceva – parapariggahitañca hoti, parapariggahitasaññī ca, theyyacittañca paccupaṭṭhitaṃ hoti, vāyamati, tena ca ādātabbaṃ ādānaṃ gacchatīti. Abrahmacariyassa pana cattāri aṅgāni bhavanti – ajjhācariyavatthu ca hoti, tattha ca sevanacittaṃ paccupaṭṭhitaṃ hoti, sevanapaccayā payogañca samāpajjati, sādiyati cāti, tathā paresaṃ dvinnampi. Tattha musāvādassa tāva musā ca hoti taṃ vatthu, visaṃvādanacittañca paccupaṭṭhitaṃ hoti, tajjo ca vāyāmo, paravisaṃvādanañca viññāpayamānā viññatti pavattatīti cattāri aṅgāni veditabbāni. Surāmerayamajjapamādaṭṭhānassa pana surādīnañca aññataraṃ hoti madanīyapātukamyatācittañca paccupaṭṭhitaṃ hoti, tajjañca vāyāmaṃ āpajjati, pīte ca pavisatīti imāni cattāri aṅgānīti. Evamettha aṅgatopi viññātabbo vinicchayo.

    самудтаанад̇од̇и баан̣аад̇ибаад̇аад̣̇иннаад̣̇аанамусааваад̣̇аа жзд̇т̇а гааяажид̇д̇ад̇о, ваажаажид̇д̇ад̇о, гааяаваажаажид̇д̇ад̇о жаад̇и д̇исамудтаанаа хонд̇и. аб̣рахмажарияам̣ гааяажид̇д̇авасзна згасамудтаанамзва. сураамзраяамаж̇ж̇абамаад̣̇адтаанам̣ гааяад̇о жа, гааяажид̇д̇ад̇о жаад̇и д̣̇висамудтаананд̇и. звамзд̇т̇а самудтаанад̇оби вин̃н̃аад̇аб̣б̣о винижчаяо.

    Samuṭṭhānatoti pāṇātipātaadinnādānamusāvādā cettha kāyacittato, vācācittato, kāyavācācittato cāti tisamuṭṭhānā honti. Abrahmacariyaṃ kāyacittavasena ekasamuṭṭhānameva. Surāmerayamajjapamādaṭṭhānaṃ kāyato ca, kāyacittato cāti dvisamuṭṭhānanti. Evamettha samuṭṭhānatopi viññātabbo vinicchayo.

    взд̣̇анаад̇од̇и зд̇т̇а жа баан̣аад̇ибаад̇о д̣̇угкавзд̣̇анаасамбаяуд̇д̇ова. ад̣̇иннаад̣̇аанам̣ д̇ийсу взд̣̇анаасу ан̃н̃ад̇аравзд̣̇анаасамбаяуд̇д̇ам̣, д̇ат̇аа мусааваад̣̇о. ид̇араани д̣̇вз сукааяа ваа ад̣̇угкамасукааяа ваа взд̣̇анааяа самбаяуд̇д̇аанийд̇и. звамзд̇т̇а взд̣̇анаад̇оби вин̃н̃аад̇аб̣б̣о винижчаяо.

    Vedanātoti ettha ca pāṇātipāto dukkhavedanāsampayuttova. Adinnādānaṃ tīsu vedanāsu aññataravedanāsampayuttaṃ, tathā musāvādo. Itarāni dve sukhāya vā adukkhamasukhāya vā vedanāya sampayuttānīti. Evamettha vedanātopi viññātabbo vinicchayo.

    муулад̇од̇и баан̣аад̇ибаад̇о жзд̇т̇а д̣̇осамохамууло. ад̣̇иннаад̣̇аанамусааваад̣̇аа лобхамохамуулаа ваа д̣̇осамохамуулаа ваа. ид̇араани д̣̇вз лобхамохамуулаанийд̇и. звамзд̇т̇а муулад̇оби вин̃н̃аад̇аб̣б̣о винижчаяо.

    Mūlatoti pāṇātipāto cettha dosamohamūlo. Adinnādānamusāvādā lobhamohamūlā vā dosamohamūlā vā. Itarāni dve lobhamohamūlānīti. Evamettha mūlatopi viññātabbo vinicchayo.

    гаммад̇од̇и баан̣аад̇ибаад̇аад̣̇иннаад̣̇аанааб̣рахмажарияаани жзд̇т̇а гааяагаммамзва гаммабат̇аббад̇д̇аанзва жа, мусааваад̣̇о важийгаммамзва. яо бана ад̇т̇абхан̃ж̇аго, со гаммабат̇аббад̇д̇о. ид̇аро гаммамзва. сураамзраяамаж̇ж̇абамаад̣̇адтаанам̣ гааяагаммамзваад̇и. звамзд̇т̇а гаммад̇оби вин̃н̃аад̇аб̣б̣о винижчаяо.

    Kammatoti pāṇātipātaadinnādānaabrahmacariyāni cettha kāyakammameva kammapathappattāneva ca, musāvādo vacīkammameva. Yo pana atthabhañjako, so kammapathappatto. Itaro kammameva. Surāmerayamajjapamādaṭṭhānaṃ kāyakammamevāti. Evamettha kammatopi viññātabbo vinicchayo.

    вирамад̇од̇и зд̇т̇а ааха ‘‘баан̣аад̇ибаад̇аад̣̇ийхи вираманд̇о гуд̇о вирамад̇ий’’д̇и? вужжад̇з – самаад̣̇аанавасзна д̇аава вираманд̇о ад̇д̇ано ваа барзсам̣ ваа баан̣аад̇ибаад̇аад̣̇иагусалад̇о вирамад̇и. гимаарабхид̇ваа? яад̇о вирамад̇и, д̇ад̣̇зва. самбад̇д̇авасзнааби вираманд̇о вуд̇д̇аббагаараагусалад̇ова. гимаарабхид̇ваа? баан̣аад̇ибаад̇аад̣̇ийнам̣ вуд̇д̇аарамман̣аанзва. гзжи бана бхан̣анд̇и ‘‘сураамзраяамаж̇ж̇асан̇каад̇з сан̇каарз аарабхид̇ваа сураамзраяамаж̇ж̇абамаад̣̇адтаанаа вирамад̇и, сад̇д̇асан̇каарзсу яам̣ бана авахарид̇аб̣б̣ам̣ бхан̃ж̇ид̇аб̣б̣ан̃жа, д̇ам̣ аарабхид̇ваа ад̣̇иннаад̣̇аанаа мусааваад̣̇аа жа, сад̇д̇зязваарабхид̇ваа баан̣аад̇ибаад̇аа аб̣рахмажарияаа жаа’’д̇и. д̇ад̣̇ан̃н̃з ‘‘звам̣ санд̇з ‘ан̃н̃ам̣ жинд̇знд̇о ан̃н̃ам̣ гарзяяа, яан̃жа баж̇ахад̇и, д̇ам̣ на ж̇аанзяяаа’д̇и звам̣д̣̇идтигаа худ̇ваа анижчамаанаа яад̣̇зва баж̇ахад̇и, д̇ам̣ ад̇д̇ано баан̣аад̇ибаад̇аад̣̇иагусаламзваарабхид̇ваа вирамад̇ий’’д̇и вад̣̇анд̇и. д̇ад̣̇аяуд̇д̇ам̣. гасмаа? д̇асса бажжуббаннаабхаавад̇о б̣ахид̣̇д̇хаабхаавад̇о жа. сигкаабад̣̇аанан̃хи вибхан̇г̇абаатз ‘‘бан̃жаннам̣ сигкаабад̣̇аанам̣ гад̇и гусалаа…бз… гад̇и аран̣аа’’д̇и бужчид̇ваа ‘‘гусалааязва, сияаа сукааяа взд̣̇анааяа самбаяуд̇д̇аа’’д̇и (вибха. 716) звам̣ бавад̇д̇амаанз виссаж̇ж̇анз ‘‘бажжуббаннаарамман̣аа’’д̇и жа ‘‘б̣ахид̣̇д̇хаарамман̣аа’’д̇и жа звам̣ бажжуббаннаб̣ахид̣̇д̇хаарамман̣ад̇д̇ам̣ вуд̇д̇ам̣, д̇ам̣ ад̇д̇ано баан̣аад̇ибаад̇аад̣̇иагусалам̣ аарабхид̇ваа вираманд̇асса на яуж̇ж̇ад̇и. яам̣ бана вуд̇д̇ам̣ – ‘‘ан̃н̃ам̣ жинд̇знд̇о ан̃н̃ам̣ гарзяяа, яан̃жа баж̇ахад̇и, д̇ам̣ на ж̇аанзяяаа’’д̇и. д̇ад̇т̇а вужжад̇з – на гижжасаад̇ханавасзна бавад̇д̇знд̇о ан̃н̃ам̣ жинд̇знд̇о ан̃н̃ам̣ гарод̇ийд̇и ваа, яан̃жа баж̇ахад̇и, д̇ам̣ на ж̇аанаад̇ийд̇и ваа вужжад̇и.

    Viramatoti ettha āha ‘‘pāṇātipātādīhi viramanto kuto viramatī’’ti? Vuccate – samādānavasena tāva viramanto attano vā paresaṃ vā pāṇātipātādiakusalato viramati. Kimārabhitvā? Yato viramati, tadeva. Sampattavasenāpi viramanto vuttappakārākusalatova. Kimārabhitvā? Pāṇātipātādīnaṃ vuttārammaṇāneva. Keci pana bhaṇanti ‘‘surāmerayamajjasaṅkhāte saṅkhāre ārabhitvā surāmerayamajjapamādaṭṭhānā viramati, sattasaṅkhāresu yaṃ pana avaharitabbaṃ bhañjitabbañca, taṃ ārabhitvā adinnādānā musāvādā ca, satteyevārabhitvā pāṇātipātā abrahmacariyā cā’’ti. Tadaññe ‘‘evaṃ sante ‘aññaṃ cintento aññaṃ kareyya, yañca pajahati, taṃ na jāneyyā’ti evaṃdiṭṭhikā hutvā anicchamānā yadeva pajahati, taṃ attano pāṇātipātādiakusalamevārabhitvā viramatī’’ti vadanti. Tadayuttaṃ. Kasmā? Tassa paccuppannābhāvato bahiddhābhāvato ca. Sikkhāpadānañhi vibhaṅgapāṭhe ‘‘pañcannaṃ sikkhāpadānaṃ kati kusalā…pe… kati araṇā’’ti pucchitvā ‘‘kusalāyeva, siyā sukhāya vedanāya sampayuttā’’ti (vibha. 716) evaṃ pavattamāne vissajjane ‘‘paccuppannārammaṇā’’ti ca ‘‘bahiddhārammaṇā’’ti ca evaṃ paccuppannabahiddhārammaṇattaṃ vuttaṃ, taṃ attano pāṇātipātādiakusalaṃ ārabhitvā viramantassa na yujjati. Yaṃ pana vuttaṃ – ‘‘aññaṃ cintento aññaṃ kareyya, yañca pajahati, taṃ na jāneyyā’’ti. Tattha vuccate – na kiccasādhanavasena pavattento aññaṃ cintento aññaṃ karotīti vā, yañca pajahati, taṃ na jānātīti vā vuccati.

    ‘‘аарабхид̇ваана амад̇ам̣, ж̇аханд̇о саб̣б̣абаабагз;

    ‘‘Ārabhitvāna amataṃ, jahanto sabbapāpake;

    нид̣̇ассанан̃жзд̇т̇а бхавз, маг̇г̇адторияабуг̇г̇ало’’д̇и.

    Nidassanañcettha bhave, maggaṭṭhoriyapuggalo’’ti.

    звамзд̇т̇а вирамад̇оби вин̃н̃аад̇аб̣б̣о винижчаяо.

    Evamettha viramatopi viññātabbo vinicchayo.

    палад̇од̇и саб̣б̣з зва жзд̇з баан̣аад̇ибаад̇аад̣̇аяо д̣̇уг̇г̇ад̇ипаланиб̣б̣ад̇д̇агаа хонд̇и, суг̇ад̇ияан̃жа анидтааганд̇ааманаабавибааганиб̣б̣ад̇д̇агаа хонд̇и, самбарааяз д̣̇идтад̇хаммз зва жа авзсаараж̇ж̇аад̣̇ипаланиб̣б̣ад̇д̇агаа. абижа ‘‘яо саб̣б̣алахусо баан̣аад̇ибаад̇асса вибааго мануссабхууд̇асса аббааяугасам̣вад̇д̇аниго ход̇ий’’д̇и (а. ни. 8.40) звамаад̣̇инаа наязнзд̇т̇а палад̇оби вин̃н̃аад̇аб̣б̣о винижчаяо.

    Phalatoti sabbe eva cete pāṇātipātādayo duggatiphalanibbattakā honti, sugatiyañca aniṭṭhākantāmanāpavipākanibbattakā honti, samparāye diṭṭhadhamme eva ca avesārajjādiphalanibbattakā. Apica ‘‘yo sabbalahuso pāṇātipātassa vipāko manussabhūtassa appāyukasaṃvattaniko hotī’’ti (a. ni. 8.40) evamādinā nayenettha phalatopi viññātabbo vinicchayo.

    аби жзд̇т̇а баан̣аад̇ибаад̇аад̣̇ивзраман̣ийнамби самудтаанавзд̣̇анаамуулагаммапалад̇о вин̃н̃аад̇аб̣б̣о винижчаяо. д̇ад̇т̇ааяам̣ вин̃н̃аабанаа – саб̣б̣аа зва жзд̇аа взраман̣ияо жад̇уухи самудтаханд̇и гааяад̇о, гааяажид̇д̇ад̇о, ваажаажид̇д̇ад̇о, гааяаваажаажид̇д̇ад̇о жаад̇и. саб̣б̣аа зва жа сукавзд̣̇анаасамбаяуд̇д̇аа ваа, ад̣̇угкамасукавзд̣̇анаасамбаяуд̇д̇аа ваа, алобхаад̣̇осамуулаа ваа алобхаад̣̇осаамохамуулаа ваа. жад̇ассоби жзд̇т̇а гааяагаммам̣, мусааваад̣̇аавзраман̣ий важийгаммам̣, маг̇г̇агкан̣з жа жид̇д̇ад̇ова самудтаханд̇и, саб̣б̣ааби маногаммам̣.

    Api cettha pāṇātipātādiveramaṇīnampi samuṭṭhānavedanāmūlakammaphalato viññātabbo vinicchayo. Tatthāyaṃ viññāpanā – sabbā eva cetā veramaṇiyo catūhi samuṭṭhahanti kāyato, kāyacittato, vācācittato, kāyavācācittato cāti. Sabbā eva ca sukhavedanāsampayuttā vā, adukkhamasukhavedanāsampayuttā vā, alobhādosamūlā vā alobhādosāmohamūlā vā. Catassopi cettha kāyakammaṃ, musāvādāveramaṇī vacīkammaṃ, maggakkhaṇe ca cittatova samuṭṭhahanti, sabbāpi manokammaṃ.

    баан̣аад̇ибаад̇аа взраман̣ияаа жзд̇т̇а ан̇г̇абажжан̇г̇асамбаннад̇аа аарохабарин̣аахасамбад̇д̇ид̇аа ж̇авасамбад̇д̇ид̇аа суббад̇идтид̇абаад̣̇ад̇аа жааруд̇аа муд̣̇уд̇аа сужид̇аа суурад̇аа махаб̣б̣алад̇аа виссад̇т̇аважанад̇аа логабияад̇аа нзлад̇аа абхзж̇ж̇абарисад̇аа ажчамбхид̇аа д̣̇уббад̇хам̣сид̇аа баруубаггамзна амаран̣ад̇аа ананд̇абариваарад̇аа суруубад̇аа сусан̣таанад̇аа аббааб̣аад̇хад̇аа асогид̇аа биязхи манаабзхи сад̣̇д̇хим̣ авиббаяог̇ад̇аа д̣̇ийгхааяугад̇аад̇и звамаад̣̇ийни палаани.

    Pāṇātipātā veramaṇiyā cettha aṅgapaccaṅgasampannatā ārohapariṇāhasampattitā javasampattitā suppatiṭṭhitapādatā cārutā mudutā sucitā sūratā mahabbalatā vissatthavacanatā lokapiyatā nelatā abhejjaparisatā acchambhitā duppadhaṃsitā parūpakkamena amaraṇatā anantaparivāratā surūpatā susaṇṭhānatā appābādhatā asokitā piyehi manāpehi saddhiṃ avippayogatā dīghāyukatāti evamādīni phalāni.

    ад̣̇иннаад̣̇аанаа взраман̣ияаа махад̣̇д̇ханад̇аа бахууд̇ад̇ханад̇хан̃н̃ад̇аа ананд̇абхог̇ад̇аа ануббаннабхог̇уббад̇д̇ид̇аа уббаннабхог̇ат̇ааварад̇аа ижчид̇аанам̣ бхог̇аанам̣ киббаббадилаабхид̇аа рааж̇ажоруд̣̇агаг̇г̇иаббияад̣̇ааяаад̣̇зхи асаад̇хааран̣абхог̇ад̇аа асаад̇хааран̣ад̇ханаббадилаабхид̇аа логуд̇д̇амад̇аа над̇т̇игабхаавасса аж̇аананад̇аа сукавихаарид̇аад̇и звамаад̣̇ийни.

    Adinnādānā veramaṇiyā mahaddhanatā pahūtadhanadhaññatā anantabhogatā anuppannabhoguppattitā uppannabhogathāvaratā icchitānaṃ bhogānaṃ khippappaṭilābhitā rājacorudakaggiappiyadāyādehi asādhāraṇabhogatā asādhāraṇadhanappaṭilābhitā lokuttamatā natthikabhāvassa ajānanatā sukhavihāritāti evamādīni.

    аб̣рахмажарияаа взраман̣ияаа виг̇ад̇абажжад̇т̇игад̇аа саб̣б̣аж̇анабияад̇аа аннабаанавад̇т̇асаяанаад̣̇ийнам̣ лаабхид̇аа сукасаяанад̇аа сукаббадиб̣уж̇жханад̇аа абааяабхаяавинимуд̇д̇ад̇аа ид̇т̇ибхааваббадилаабхасса ваа набум̣сагабхааваббадилаабхасса ваа абхаб̣б̣ад̇аа аггод̇ханад̇аа бажжагкагаарид̇аа абад̇ид̇агканд̇хад̇аа анад̇хомукад̇аа ид̇т̇ибурисаанам̣ ан̃н̃аман̃н̃абияад̇аа барибун̣н̣инд̣̇рияад̇аа барибун̣н̣алагкан̣ад̇аа нираасан̇гад̇аа аббоссуггад̇аа сукавихаарид̇аа агуд̇обхаяад̇аа бияавиббаяог̇аабхаавад̇аад̇и звамаад̣̇ийни.

    Abrahmacariyā veramaṇiyā vigatapaccatthikatā sabbajanapiyatā annapānavatthasayanādīnaṃ lābhitā sukhasayanatā sukhappaṭibujjhanatā apāyabhayavinimuttatā itthibhāvappaṭilābhassa vā napuṃsakabhāvappaṭilābhassa vā abhabbatā akkodhanatā paccakkhakāritā apatitakkhandhatā anadhomukhatā itthipurisānaṃ aññamaññapiyatā paripuṇṇindriyatā paripuṇṇalakkhaṇatā nirāsaṅkatā appossukkatā sukhavihāritā akutobhayatā piyavippayogābhāvatāti evamādīni.

    мусааваад̣̇аа взраман̣ияаа виббасаннинд̣̇рияад̇аа виссадтамад̇хурабхаан̣ид̇аа самасид̇асуд̣̇д̇хад̣̇анд̇ад̇аа наад̇ит̇уулад̇аа наад̇игисад̇аа наад̇ирассад̇аа наад̇ид̣̇ийгхад̇аа сукасампассад̇аа уббалаг̇анд̇хамукад̇аа суссуусагабариж̇анад̇аа аад̣̇зяяаважанад̇аа гамалуббаласад̣̇исамуд̣̇улохид̇ад̇ануж̇ивхад̇аа ануд̣̇д̇хад̇ад̇аа ажабалад̇аад̇и звамаад̣̇ийни.

    Musāvādā veramaṇiyā vippasannindriyatā vissaṭṭhamadhurabhāṇitā samasitasuddhadantatā nātithūlatā nātikisatā nātirassatā nātidīghatā sukhasamphassatā uppalagandhamukhatā sussūsakaparijanatā ādeyyavacanatā kamaluppalasadisamudulohitatanujivhatā anuddhatatā acapalatāti evamādīni.

    сураамзраяамаж̇ж̇абамаад̣̇адтаанаа взраман̣ияаа ад̇ийд̇аанааг̇ад̇абажжуббаннзсу саб̣б̣агижжагаран̣ийязсу киббам̣ бадиж̇аананад̇аа сад̣̇аа убадтид̇асад̇ид̇аа ануммад̇д̇агад̇аа н̃аан̣аванд̇ад̇аа аналасад̇аа аж̇ал̣ад̇аа анзламууг̇ад̇аа амад̇д̇ад̇аа аббамад̇д̇ад̇аа асаммохад̇аа ажчамбхид̇аа асаарамбхид̇аа ануссан̇гид̇аа сажжаваад̣̇ид̇аа абисун̣аапарусаасампабалаабаваад̣̇ид̇аа рад̇д̇инд̣̇ивамад̇анд̣̇ид̇ад̇аа гад̇ан̃н̃уд̇аа гад̇авзд̣̇ид̇аа амажчарид̇аа жааг̇аванд̇ад̇аа сийлаванд̇ад̇аа уж̇уд̇аа аггод̇ханад̇аа хириманад̇аа од̇д̇аббид̇аа уж̇уд̣̇идтигад̇аа махаабан̃н̃ад̇аа мзд̇хаавид̇аа бан̣д̣ид̇ад̇аа ад̇т̇аанад̇т̇агусалад̇аад̇и звамаад̣̇ийни палаани. звамзд̇т̇а баан̣аад̇ибаад̇аад̣̇ивзраман̣ийнам̣ самудтаанавзд̣̇анаамуулагаммапалад̇оби вин̃н̃аад̇аб̣б̣о винижчаяо.

    Surāmerayamajjapamādaṭṭhānā veramaṇiyā atītānāgatapaccuppannesu sabbakiccakaraṇīyesu khippaṃ paṭijānanatā sadā upaṭṭhitasatitā anummattakatā ñāṇavantatā analasatā ajaḷatā anelamūgatā amattatā appamattatā asammohatā acchambhitā asārambhitā anussaṅkitā saccavāditā apisuṇāpharusāsamphapalāpavāditā rattindivamatanditatā kataññutā kataveditā amaccharitā cāgavantatā sīlavantatā ujutā akkodhanatā hirimanatā ottappitā ujudiṭṭhikatā mahāpaññatā medhāvitā paṇḍitatā atthānatthakusalatāti evamādīni phalāni. Evamettha pāṇātipātādiveramaṇīnaṃ samuṭṭhānavedanāmūlakammaphalatopi viññātabbo vinicchayo.

    бажчимабан̃жасигкаабад̣̇аван̣н̣анаа

    Pacchimapañcasikkhāpadavaṇṇanā

    ид̣̇аани яам̣ вуд̇д̇ам̣ –

    Idāni yaṃ vuttaṃ –

    ‘‘яож̇зд̇аб̣б̣ам̣ д̇ад̇о яуд̇д̇ам̣, бажчимзсваби бан̃жасу;

    ‘‘Yojetabbaṃ tato yuttaṃ, pacchimesvapi pañcasu;

    аавзн̣иган̃жа вад̇д̇аб̣б̣ам̣, н̃зяяаа хийнаад̣̇ид̇ааби жаа’’д̇и.

    Āveṇikañca vattabbaṃ, ñeyyā hīnāditāpi cā’’ti.

    д̇ассааяам̣ ад̇т̇аван̣н̣анаа – зд̇иссаа буримабан̃жасигкаабад̣̇аван̣н̣анааяа яам̣ яуж̇ж̇ад̇и, д̇ам̣ д̇ад̇о г̇ахзд̇ваа бажчимзсваби бан̃жасу сигкаабад̣̇зсу яож̇зд̇аб̣б̣ам̣. д̇ад̇т̇ааяам̣ яож̇анаа – яат̇зва хи буримасигкаабад̣̇зсу аарамман̣ад̇о жа сураамзраяамаж̇ж̇абамаад̣̇адтаанам̣ руубааяад̇анаад̣̇иан̃н̃ад̇арасан̇каараарамман̣ам̣, д̇ат̇аа ид̇ха вигаалабхож̇анам̣. зд̇зна наязна саб̣б̣зсам̣ аарамман̣абхзд̣̇о взд̣̇ид̇аб̣б̣о. аад̣̇аанад̇о жа яат̇аа буримаани сааман̣зрзна ваа убаасагзна ваа самаад̣̇ияанд̇зна самаад̣̇иннаани хонд̇и, д̇ат̇аа зд̇ааниби. ан̇г̇ад̇оби яат̇аа д̇ад̇т̇а баан̣аад̇ибаад̇аад̣̇ийнам̣ ан̇г̇абхзд̣̇о вуд̇д̇о, звамид̇хааби вигаалабхож̇анасса жад̇д̇аари ан̇г̇аани – вигаало, яаавагаалигам̣, аж̇жхохаран̣ам̣, ануммад̇д̇агад̇аад̇и. зд̇знаанусаарзна сзсаанамби ан̇г̇авибхааг̇о взд̣̇ид̇аб̣б̣о. яат̇аа жа д̇ад̇т̇а самудтаанад̇о сураамзраяамаж̇ж̇абамаад̣̇адтаанам̣ гааяад̇о жа гааяажид̇д̇ад̇о жаад̇и д̣̇висамудтаанам̣, звамид̇ха вигаалабхож̇анам̣. зд̇зна наязна саб̣б̣зсам̣ самудтаанам̣ взд̣̇ид̇аб̣б̣ам̣. яат̇аа жа д̇ад̇т̇а взд̣̇анаад̇о ад̣̇иннаад̣̇аанам̣ д̇ийсу взд̣̇анаасу ан̃н̃ад̇аравзд̣̇анаасамбаяуд̇д̇ам̣, д̇ат̇аа ид̇ха вигаалабхож̇анам̣. зд̇зна наязна саб̣б̣зсам̣ взд̣̇анаасамбаяог̇о взд̣̇ид̇аб̣б̣о. яат̇аа жа д̇ад̇т̇а аб̣рахмажарияам̣ лобхамохамуулам̣, звамид̇ха вигаалабхож̇анам̣. абараани жа д̣̇вз зд̇зна наязна саб̣б̣зсам̣ муулабхзд̣̇о взд̣̇ид̇аб̣б̣о. яат̇аа жа д̇ад̇т̇а баан̣аад̇ибаад̇аад̣̇аяо гааяагаммам̣, звамид̇хааби вигаалабхож̇анаад̣̇ийни. ж̇аад̇аруубараж̇ад̇аббадиг̇г̇ахан̣ам̣ бана гааяагаммам̣ ваа сияаа важийгаммам̣ ваа гааяад̣̇ваараад̣̇ийхи бавад̇д̇исаб̣бхаавабарияааязна, на гаммабат̇авасзна. вирамад̇од̇и яат̇аа жа д̇ад̇т̇а вираманд̇о ад̇д̇ано ваа барзсам̣ ваа баан̣аад̇ибаад̇аад̣̇иагусалад̇о вирамад̇и, звамид̇хааби вигаалабхож̇анаад̣̇иагусалад̇о, гусалад̇оби ваа згад̇о. яат̇аа жа буримаа бан̃жа взраман̣ияо жад̇усамудтаанаа гааяад̇о, гааяажид̇д̇ад̇о, ваажаажид̇д̇ад̇о, гааяаваажаажид̇д̇ад̇о жаад̇и, саб̣б̣аа сукавзд̣̇анаасамбаяуд̇д̇аа ваа ад̣̇угкамасукавзд̣̇анаасамбаяуд̇д̇аа ваа, алобхаад̣̇осамуулаа ваа алобхаад̣̇осаамохамуулаа ваа, саб̣б̣аа жа наанаббагаараидтапаланиб̣б̣ад̇д̇агаа, д̇ат̇аа ид̇хаабийд̇и.

    Tassāyaṃ atthavaṇṇanā – etissā purimapañcasikkhāpadavaṇṇanāya yaṃ yujjati, taṃ tato gahetvā pacchimesvapi pañcasu sikkhāpadesu yojetabbaṃ. Tatthāyaṃ yojanā – yatheva hi purimasikkhāpadesu ārammaṇato ca surāmerayamajjapamādaṭṭhānaṃ rūpāyatanādiaññatarasaṅkhārārammaṇaṃ, tathā idha vikālabhojanaṃ. Etena nayena sabbesaṃ ārammaṇabhedo veditabbo. Ādānato ca yathā purimāni sāmaṇerena vā upāsakena vā samādiyantena samādinnāni honti, tathā etānipi. Aṅgatopi yathā tattha pāṇātipātādīnaṃ aṅgabhedo vutto, evamidhāpi vikālabhojanassa cattāri aṅgāni – vikālo, yāvakālikaṃ, ajjhoharaṇaṃ, anummattakatāti. Etenānusārena sesānampi aṅgavibhāgo veditabbo. Yathā ca tattha samuṭṭhānato surāmerayamajjapamādaṭṭhānaṃ kāyato ca kāyacittato cāti dvisamuṭṭhānaṃ, evamidha vikālabhojanaṃ. Etena nayena sabbesaṃ samuṭṭhānaṃ veditabbaṃ. Yathā ca tattha vedanāto adinnādānaṃ tīsu vedanāsu aññataravedanāsampayuttaṃ, tathā idha vikālabhojanaṃ. Etena nayena sabbesaṃ vedanāsampayogo veditabbo. Yathā ca tattha abrahmacariyaṃ lobhamohamūlaṃ, evamidha vikālabhojanaṃ. Aparāni ca dve etena nayena sabbesaṃ mūlabhedo veditabbo. Yathā ca tattha pāṇātipātādayo kāyakammaṃ, evamidhāpi vikālabhojanādīni. Jātarūparajatappaṭiggahaṇaṃ pana kāyakammaṃ vā siyā vacīkammaṃ vā kāyadvārādīhi pavattisabbhāvapariyāyena, na kammapathavasena. Viramatoti yathā ca tattha viramanto attano vā paresaṃ vā pāṇātipātādiakusalato viramati, evamidhāpi vikālabhojanādiakusalato, kusalatopi vā ekato. Yathā ca purimā pañca veramaṇiyo catusamuṭṭhānā kāyato, kāyacittato, vācācittato, kāyavācācittato cāti, sabbā sukhavedanāsampayuttā vā adukkhamasukhavedanāsampayuttā vā, alobhādosamūlā vā alobhādosāmohamūlā vā, sabbā ca nānappakāraiṭṭhaphalanibbattakā, tathā idhāpīti.

    ‘‘яож̇зд̇аб̣б̣ам̣ д̇ад̇о яуд̇д̇ам̣, бажчимзсваби бан̃жасу;

    ‘‘Yojetabbaṃ tato yuttaṃ, pacchimesvapi pañcasu;

    аавзн̣иган̃жа вад̇д̇аб̣б̣ам̣, н̃зяяаа хийнаад̣̇ид̇ааби жаа’’д̇и. –

    Āveṇikañca vattabbaṃ, ñeyyā hīnāditāpi cā’’ti. –

    зд̇т̇а бана вигаалабхож̇ананд̇и маж̇жханхигавийд̇иггамз бхож̇анам̣. зд̇ан̃хи анун̃н̃аад̇агаалз вийд̇игганд̇з бхож̇анам̣, д̇асмаа ‘‘вигаалабхож̇ана’’нд̇и вужжад̇и , д̇ад̇о вигаалабхож̇анаа. нажжаг̇ийд̇аваад̣̇ид̇ависуугад̣̇ассананд̇и зд̇т̇а нажжам̣ наама яам̣гин̃жи нажжам̣, г̇ийд̇анд̇и яам̣гин̃жи г̇ийд̇ам̣, ваад̣̇ид̇анд̇и яам̣гин̃жи ваад̣̇ид̇ам̣. висуугад̣̇ассананд̇и гилзсуббад̇д̇ибажжаяад̇о гусалабагкабхинд̣̇анзна висуугаанам̣ д̣̇ассанам̣, висуугабхууд̇ам̣ ваа д̣̇ассанам̣ висуугад̣̇ассанам̣. нажжаа жа г̇ийд̇аа жа ваад̣̇ид̇аа жа висуугад̣̇ассанаа жа нажжаг̇ийд̇аваад̣̇ид̇ависуугад̣̇ассанаа. висуугад̣̇ассанан̃жзд̇т̇а б̣рахмаж̇аалз вуд̇д̇анаязнзва г̇ахзд̇аб̣б̣ам̣. вуд̇д̇ан̃хи д̇ад̇т̇а –

    Ettha pana vikālabhojananti majjhanhikavītikkame bhojanaṃ. Etañhi anuññātakāle vītikkante bhojanaṃ, tasmā ‘‘vikālabhojana’’nti vuccati , tato vikālabhojanā. Naccagītavāditavisūkadassananti ettha naccaṃ nāma yaṃkiñci naccaṃ, gītanti yaṃkiñci gītaṃ, vāditanti yaṃkiñci vāditaṃ. Visūkadassananti kilesuppattipaccayato kusalapakkhabhindanena visūkānaṃ dassanaṃ, visūkabhūtaṃ vā dassanaṃ visūkadassanaṃ. Naccā ca gītā ca vāditā ca visūkadassanā ca naccagītavāditavisūkadassanā. Visūkadassanañcettha brahmajāle vuttanayeneva gahetabbaṃ. Vuttañhi tattha –

    ‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубам̣ висуугад̣̇ассанамануяуд̇д̇аа вихаранд̇и, сзяяат̇ид̣̇ам̣, нажжам̣ г̇ийд̇ам̣ ваад̣̇ид̇ам̣ бзгкам̣ агкаанам̣ баан̣иссарам̣ взд̇аалам̣ гумбхат̇уун̣ам̣ собханагам̣ жан̣д̣аалам̣ вам̣сам̣ д̇хованам̣ хад̇т̇ияуд̣̇д̇хам̣ ассаяуд̣̇д̇хам̣ махим̣саяуд̣̇д̇хам̣ усабхаяуд̣̇д̇хам̣ аж̇аяуд̣̇д̇хам̣ мзн̣д̣аяуд̣̇д̇хам̣ гуггудаяуд̣̇д̇хам̣ ваддагаяуд̣̇д̇хам̣ д̣̇ан̣д̣аяуд̣̇д̇хам̣ мудтияуд̣̇д̇хам̣ ниб̣б̣уд̣̇д̇хам̣ уяяод̇хигам̣ б̣алаг̇г̇ам̣ сзнааб̣яуухам̣ анийгад̣̇ассанам̣ ид̇и ваа, ид̇и зваруубаа висуугад̣̇ассанаа бадивирад̇о саман̣о г̇од̇амо’’д̇и (д̣̇ий. ни. 1.12).

    ‘‘Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpaṃ visūkadassanamanuyuttā viharanti, seyyathidaṃ, naccaṃ gītaṃ vāditaṃ pekkhaṃ akkhānaṃ pāṇissaraṃ vetālaṃ kumbhathūṇaṃ sobhanakaṃ caṇḍālaṃ vaṃsaṃ dhovanaṃ hatthiyuddhaṃ assayuddhaṃ mahiṃsayuddhaṃ usabhayuddhaṃ ajayuddhaṃ meṇḍayuddhaṃ kukkuṭayuddhaṃ vaṭṭakayuddhaṃ daṇḍayuddhaṃ muṭṭhiyuddhaṃ nibbuddhaṃ uyyodhikaṃ balaggaṃ senābyūhaṃ anīkadassanaṃ iti vā, iti evarūpā visūkadassanā paṭivirato samaṇo gotamo’’ti (dī. ni. 1.12).

    ат̇а ваа яат̇аавуд̇д̇знад̇т̇зна нажжаг̇ийд̇аваад̣̇ид̇аани зва висуугаани нажжаг̇ийд̇аваад̣̇ид̇ависуугаани, д̇зсам̣ д̣̇ассанам̣ нажжаг̇ийд̇аваад̣̇ид̇ависуугад̣̇ассанам̣, д̇асмаа нажжаг̇ийд̇аваад̣̇ид̇ависуугад̣̇ассанаа. ‘‘д̣̇ассанасаванаа’’д̇и вад̇д̇аб̣б̣з яат̇аа ‘‘со жа ход̇и мижчаад̣̇идтиго вибарийд̇ад̣̇ассано’’д̇и звамаад̣̇ийсу (а. ни. 1.308) ажагкуд̣̇ваараббавад̇д̇амби висаяаг̇г̇ахан̣ам̣ ‘‘д̣̇ассана’’нд̇и вужжад̇и, звам̣ саванамби ‘‘д̣̇ассана’’нд̇взва вуд̇д̇ам̣. д̣̇ассанагамяад̇ааяа убасан̇гамид̇ваа бассад̇о зва жзд̇т̇а вийд̇иггамо ход̇и. тид̇анисиннасаяаногаасз бана ааг̇ад̇ам̣ г̇ажчанд̇асса ваа аабаат̇аг̇ад̇ам̣ бассад̇о сияаа сам̣гилзсо, на вийд̇иггамо. д̇хаммуубасам̣хид̇амби жзд̇т̇а г̇ийд̇ам̣ на ваддад̇и, г̇ийд̇уубасам̣хид̇о бана д̇хаммо ваддад̇ийд̇и взд̣̇ид̇аб̣б̣о.

    Atha vā yathāvuttenatthena naccagītavāditāni eva visūkāni naccagītavāditavisūkāni, tesaṃ dassanaṃ naccagītavāditavisūkadassanaṃ, tasmā naccagītavāditavisūkadassanā. ‘‘Dassanasavanā’’ti vattabbe yathā ‘‘so ca hoti micchādiṭṭhiko viparītadassano’’ti evamādīsu (a. ni. 1.308) acakkhudvārappavattampi visayaggahaṇaṃ ‘‘dassana’’nti vuccati, evaṃ savanampi ‘‘dassana’’ntveva vuttaṃ. Dassanakamyatāya upasaṅkamitvā passato eva cettha vītikkamo hoti. Ṭhitanisinnasayanokāse pana āgataṃ gacchantassa vā āpāthagataṃ passato siyā saṃkileso, na vītikkamo. Dhammūpasaṃhitampi cettha gītaṃ na vaṭṭati, gītūpasaṃhito pana dhammo vaṭṭatīti veditabbo.

    маалаад̣̇ийни д̇хааран̣аад̣̇ийхи яат̇аасан̇кяам̣ яож̇зд̇аб̣б̣аани. д̇ад̇т̇а маалаад̇и яам̣гин̃жи бубпаж̇аад̇ам̣. вилзбананд̇и яам̣гин̃жи вилзбанад̇т̇ам̣ бисид̇ваа бадияад̇д̇ам̣. авасзсам̣ саб̣б̣амби ваасажун̣н̣ад̇хуубанаад̣̇игам̣ г̇анд̇хаж̇аад̇ам̣ г̇анд̇хо. д̇ам̣ саб̣б̣амби ман̣д̣анавибхуусанад̇т̇ам̣ на ваддад̇и, бхзсаж̇ж̇ад̇т̇анд̇у ваддад̇и, бууж̇анад̇т̇ан̃жа абхихадам̣ саад̣̇ияад̇о на гзнажи барияааязна на ваддад̇и. ужжаасаяананд̇и бамаан̣аад̇игганд̇ам̣ вужжад̇и. махаасаяананд̇и агаббияасаяанам̣ агаббияад̇т̇аран̣ан̃жа. д̇ад̣̇убхаяамби саад̣̇ияад̇о на гзнажи барияааязна ваддад̇и. ж̇аад̇аруубанд̇и суван̣н̣ам̣. раж̇ад̇анд̇и гахаабан̣о, лохамаасагад̣̇аарумаасагаж̇ад̇умаасагаад̣̇и яам̣ яам̣ д̇ад̇т̇а д̇ад̇т̇а вохаарам̣ г̇ажчад̇и, д̇ад̣̇убхаяамби ж̇аад̇аруубараж̇ад̇ам̣. д̇асса язна гзнажи багаарзна саад̣̇ияанам̣ бадиг̇г̇ахо наама, со на язна гзнажи барияааязна ваддад̇ийд̇и звам̣ аавзн̣игам̣ вад̇д̇аб̣б̣ам̣.

    Mālādīni dhāraṇādīhi yathāsaṅkhyaṃ yojetabbāni. Tattha mālāti yaṃkiñci pupphajātaṃ. Vilepananti yaṃkiñci vilepanatthaṃ pisitvā paṭiyattaṃ. Avasesaṃ sabbampi vāsacuṇṇadhūpanādikaṃ gandhajātaṃ gandho. Taṃ sabbampi maṇḍanavibhūsanatthaṃ na vaṭṭati, bhesajjatthantu vaṭṭati, pūjanatthañca abhihaṭaṃ sādiyato na kenaci pariyāyena na vaṭṭati. Uccāsayananti pamāṇātikkantaṃ vuccati. Mahāsayananti akappiyasayanaṃ akappiyattharaṇañca. Tadubhayampi sādiyato na kenaci pariyāyena vaṭṭati. Jātarūpanti suvaṇṇaṃ. Rajatanti kahāpaṇo, lohamāsakadārumāsakajatumāsakādi yaṃ yaṃ tattha tattha vohāraṃ gacchati, tadubhayampi jātarūparajataṃ. Tassa yena kenaci pakārena sādiyanaṃ paṭiggaho nāma, so na yena kenaci pariyāyena vaṭṭatīti evaṃ āveṇikaṃ vattabbaṃ.

    д̣̇асаби жзд̇аани сигкаабад̣̇аани хийнзна чанд̣̇зна жид̇д̇авийрияавиймам̣саахи ваа самаад̣̇иннаани хийнаани, маж̇жхимзхи маж̇жхимаани, бан̣ийд̇зхи бан̣ийд̇аани. д̇ан̣хаад̣̇идтимаанзхи ваа убаггилидтаани хийнаани, анубаггилидтаани маж̇жхимаани, д̇ад̇т̇а д̇ад̇т̇а бан̃н̃ааяа ануг̇г̇ахид̇аани бан̣ийд̇аани. н̃аан̣авиббаяуд̇д̇зна ваа гусалажид̇д̇зна самаад̣̇иннаани хийнаани, сасан̇каариган̃аан̣асамбаяуд̇д̇зна маж̇жхимаани, асан̇кааригзна бан̣ийд̇аанийд̇и звам̣ н̃зяяаа хийнаад̣̇ид̇ааби жаад̇и.

    Dasapi cetāni sikkhāpadāni hīnena chandena cittavīriyavīmaṃsāhi vā samādinnāni hīnāni, majjhimehi majjhimāni, paṇītehi paṇītāni. Taṇhādiṭṭhimānehi vā upakkiliṭṭhāni hīnāni, anupakkiliṭṭhāni majjhimāni, tattha tattha paññāya anuggahitāni paṇītāni. Ñāṇavippayuttena vā kusalacittena samādinnāni hīnāni, sasaṅkhārikañāṇasampayuttena majjhimāni, asaṅkhārikena paṇītānīti evaṃ ñeyyā hīnāditāpi cāti.

    зд̇д̇аавад̇аа жа яаа буб̣б̣з ‘‘язна яад̇т̇а яад̣̇аа яасмаа’’д̇иаад̣̇ийхи чахи г̇аат̇аахи сигкаабад̣̇абаатасса ван̣н̣анад̇т̇ам̣ маад̇игаа нигкид̇д̇аа, саа ад̇т̇ад̇о багаасид̇аа ход̇ийд̇и.

    Ettāvatā ca yā pubbe ‘‘yena yattha yadā yasmā’’tiādīhi chahi gāthāhi sikkhāpadapāṭhassa vaṇṇanatthaṃ mātikā nikkhittā, sā atthato pakāsitā hotīti.

    барамад̇т̇аж̇од̇игааяа куд̣̇д̣̇агабаата-адтагат̇ааяа

    Paramatthajotikāya khuddakapāṭha-aṭṭhakathāya

    сигкаабад̣̇аван̣н̣анаа нидтид̇аа.

    Sikkhāpadavaṇṇanā niṭṭhitā.




    Next: 3. д̣̇вад̇д̇им̣саагаараван̣н̣анаа • 3. Dvattiṃsākāravaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / куд̣̇д̣̇агабаатабаал̣и • Khuddakapāṭhapāḷi / 2. д̣̇асасигкаабад̣̇ам̣ • 2. Dasasikkhāpadaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact