| Library / Tipiṭaka / තිපිටක • Tipiṭaka / ඉතිවුත්‌තක-අට්‌ඨකථා • Itivuttaka-aṭṭhakathā |
7. සොචෙය්‍යසුත්‌තවණ්‌ණනා
7. Soceyyasuttavaṇṇanā
66. සත්‌තමෙ සොචෙය්‍යානීති සුචිභාවා. කායසොචෙය්‍යන්‌ති කායසුචරිතං, වචීමනොසොචෙය්‍යානිපි වචීමනොසුචරිතානෙව. තථා හි වුත්‌තං ‘‘තත්‌ථ කතමං කායසොචෙය්‍යං? පාණාතිපාතා වෙරමණී’’තිආදි (අ. නි. 3.121-122).
66. Sattame soceyyānīti sucibhāvā. Kāyasoceyyanti kāyasucaritaṃ, vacīmanosoceyyānipi vacīmanosucaritāneva. Tathā hi vuttaṃ ‘‘tattha katamaṃ kāyasoceyyaṃ? Pāṇātipātā veramaṇī’’tiādi (a. ni. 3.121-122).
ගාථායං සමුච්‌ඡෙදවසෙන පහීනසබ්‌බකායදුච්‌චරිතත්‌තා කායෙන සුචීති කායසුචි. සොචෙය්‍යසම්‌පන්‌නන්‌ති පටිප්‌පස්‌සද්‌ධකිලෙසත්‌තා සුපරිසුද්‌ධාය සොචෙය්‍යසම්‌පත්‌තියා උපෙතං. සෙසං වුත්‌තනයමෙව.
Gāthāyaṃ samucchedavasena pahīnasabbakāyaduccaritattā kāyena sucīti kāyasuci. Soceyyasampannanti paṭippassaddhakilesattā suparisuddhāya soceyyasampattiyā upetaṃ. Sesaṃ vuttanayameva.
සත්‌තමසුත්‌තවණ්‌ණනා නිට්‌ඨිතා.
Sattamasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / ඉතිවුත්‌තකපාළි • Itivuttakapāḷi / 7. සොචෙය්‍යසුත්‌තං • 7. Soceyyasuttaṃ
