| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၃. သုဘသုတ္တံ
3. Subhasuttaṃ
၁၃၉. ဧဝံ မေ သုတံ – ဧကံ သမယံ ဘဂဝာ ဥရုဝေလာယံ ဝိဟရတိ နဇ္ဇာ နေရဉ္ဇရာယ တီရေ အဇပာလနိဂ္ရောဓမူလေ ပဌမာဘိသမ္ဗုဒ္ဓော။ တေန ခော ပန သမယေန ဘဂဝာ ရတ္တန္ဓကာရတိမိသာယံ အဗ္ဘောကာသေ နိသိန္နော ဟောတိ, ဒေဝော စ ဧကမေကံ ဖုသာယတိ။ အထ ခော မာရော ပာပိမာ, ဘဂဝတော ဘယံ ဆမ္ဘိတတ္တံ လောမဟံသံ ဥပ္ပာဒေတုကာမော, ယေန ဘဂဝာ တေနုပသင္ကမိ; ဥပသင္ကမိတ္ဝာ ဘဂဝတော အဝိဒူရေ ဥစ္စာဝစာ ဝဏ္ဏနိဘာ ဥပဒံသေတိ, သုဘာ စေဝ အသုဘာ စ။ အထ ခော ဘဂဝာ ‘‘မာရော အယံ ပာပိမာ’’ ဣတိ ဝိဒိတ္ဝာ မာရံ ပာပိမန္တံ ဂာထာဟိ အဇ္ဈဘာသိ –
139. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhamūle paṭhamābhisambuddho. Tena kho pana samayena bhagavā rattandhakāratimisāyaṃ abbhokāse nisinno hoti, devo ca ekamekaṃ phusāyati. Atha kho māro pāpimā, bhagavato bhayaṃ chambhitattaṃ lomahaṃsaṃ uppādetukāmo, yena bhagavā tenupasaṅkami; upasaṅkamitvā bhagavato avidūre uccāvacā vaṇṇanibhā upadaṃseti, subhā ceva asubhā ca. Atha kho bhagavā ‘‘māro ayaṃ pāpimā’’ iti viditvā māraṃ pāpimantaṃ gāthāhi ajjhabhāsi –
‘‘သံသရံ ဒီဃမဒ္ဓာနံ၊ ဝဏ္ဏံ ကတ္ဝာ သုဘာသုဘံ။
‘‘Saṃsaraṃ dīghamaddhānaṃ, vaṇṇaṃ katvā subhāsubhaṃ;
အလံ တေ တေန ပာပိမ၊ နိဟတော တ္ဝမသိ အန္တက။
Alaṃ te tena pāpima, nihato tvamasi antaka.
‘‘ယေ စ ကာယေန ဝာစာယ၊ မနသာ စ သုသံဝုတာ။
‘‘Ye ca kāyena vācāya, manasā ca susaṃvutā;
အထ ခော မာရော။ပေ.။ တတ္ထေဝန္တရဓာယီတိ။
Atha kho māro…pe… tatthevantaradhāyīti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃. သုဘသုတ္တဝဏ္ဏနာ • 3. Subhasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၃. သုဘသုတ္တဝဏ္ဏနာ • 3. Subhasuttavaṇṇanā
