| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
9. සූකසුත්‌තවණ්‌ණනා
9. Sūkasuttavaṇṇanā
9. නවමෙ මිච්‌ඡාපණිහිතන්‌ති සූකං නාම උද්‌ධග්‌ගං කත්‌වා ඨපිතං හත්‌ථං වා පාදං වා භින්‌දති, තථා අට්‌ඨපිතං පන මිච්‌ඡාපණිහිතං නාම. මිච්‌ඡාපණිහිතාය දිට්‌ඨියාති මිච්‌ඡාඨපිතාය කම්‌මස්‌සකතපඤ්‌ඤාය. අවිජ්‌ජං භින්‌දිස්‌සතීති චතුසච්‌චපටිච්‌ඡාදකං අවිජ්‌ජං භින්‌දිස්‌සති. විජ්‌ජං උප්‌පාදෙස්‌සතීති අරහත්‌තමග්‌ගවිජ්‌ජං උප්‌පාදෙස්‌සති. මිච්‌ඡාපණිහිතත්‌තා, භික්‌ඛවෙ, දිට්‌ඨියාති කම්‌මස්‌සකතපඤ්‌ඤාය චෙව මග්‌ගභාවනාය ච මිච්‌ඡා ඨපිතත්‌තා, අප්‌පවත්‌තිතත්‌තාති අත්‌ථො. ඉමස්‌මිං සුත්‌තෙ කම්‌මස්‌සකතඤාණං මග්‌ගනිස්‌සිතං කත්‌වා මිස්‌සකමග්‌ගො කථිතො.
9. Navame micchāpaṇihitanti sūkaṃ nāma uddhaggaṃ katvā ṭhapitaṃ hatthaṃ vā pādaṃ vā bhindati, tathā aṭṭhapitaṃ pana micchāpaṇihitaṃ nāma. Micchāpaṇihitāya diṭṭhiyāti micchāṭhapitāya kammassakatapaññāya. Avijjaṃ bhindissatīti catusaccapaṭicchādakaṃ avijjaṃ bhindissati. Vijjaṃ uppādessatīti arahattamaggavijjaṃ uppādessati. Micchāpaṇihitattā, bhikkhave, diṭṭhiyāti kammassakatapaññāya ceva maggabhāvanāya ca micchā ṭhapitattā, appavattitattāti attho. Imasmiṃ sutte kammassakatañāṇaṃ magganissitaṃ katvā missakamaggo kathito.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 9. සූකසුත්‌තං • 9. Sūkasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 9. සූකසුත්‌තවණ්‌ණනා • 9. Sūkasuttavaṇṇanā
