| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၇. သုတသုတ္တံ
7. Sutasuttaṃ
၃၄၈. သာဝတ္ထိနိဒာနံ။ ဧကမန္တံ နိသိန္နော ခော သော ဘိက္ခု ဘဂဝန္တံ ဧတဒဝောစ – ‘‘ကော နု ခော, ဘန္တေ, ဟေတု, ကော ပစ္စယော, ယေန မိဓေကစ္စော ကာယသ္သ ဘေဒာ ပရံ မရဏာ အဏ္ဍဇာနံ နာဂာနံ သဟဗ္ယတံ ဥပပဇ္ဇတီ’’တိ ?
348. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjatī’’ti ?
‘‘ဣဓ, ဘိက္ခု, ဧကစ္စော ကာယေန ဒ္ဝယကာရီ ဟောတိ, ဝာစာယ ဒ္ဝယကာရီ ဟောတိ, မနသာ ဒ္ဝယကာရီ ဟောတိ။ တသ္သ သုတံ ဟောတိ – ‘အဏ္ဍဇာ နာဂာ ဒီဃာယုကာ ဝဏ္ဏဝန္တော သုခဗဟုလာ’တိ။ တသ္သ ဧဝံ ဟောတိ – ‘အဟော ဝတာဟံ ကာယသ္သ ဘေဒာ ပရံ မရဏာ အဏ္ဍဇာနံ နာဂာနံ သဟဗ္ယတံ ဥပပဇ္ဇေယ္ယ’န္တိ။ သော ကာယသ္သ ဘေဒာ ပရံ မရဏာ အဏ္ဍဇာနံ နာဂာနံ သဟဗ္ယတံ ဥပပဇ္ဇတိ။ အယံ ခော, ဘိက္ခု, ဟေတု, အယံ ပစ္စယော, ယေန မိဓေကစ္စော ကာယသ္သ ဘေဒာ ပရံ မရဏာ အဏ္ဍဇာနံ နာဂာနံ သဟဗ္ယတံ ဥပပဇ္ဇတီ’’တိ။ သတ္တမံ။
‘‘Idha, bhikkhu, ekacco kāyena dvayakārī hoti, vācāya dvayakārī hoti, manasā dvayakārī hoti. Tassa sutaṃ hoti – ‘aṇḍajā nāgā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjeyya’nti. So kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjatī’’ti. Sattamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂-၅၀. ပဏီတတရသုတ္တာဒိဝဏ္ဏနာ • 2-50. Paṇītatarasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂-၅၀. ပဏီတတရသုတ္တာဒိဝဏ္ဏနာ • 2-50. Paṇītatarasuttādivaṇṇanā
