Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၇. သုဝိဒူရသုတ္တံ
7. Suvidūrasuttaṃ
၄၇. ‘‘စတ္တာရိမာနိ, ဘိက္ခဝေ, သုဝိဒူရဝိဒူရာနိ။ ကတမာနိ စတ္တာရိ? နဘဉ္စ , ဘိက္ခဝေ, ပထဝီ စ; ဣဒံ ပဌမံ သုဝိဒူရဝိဒူရေ။ ဩရိမဉ္စ, ဘိက္ခဝေ, တီရံ သမုဒ္ဒသ္သ ပာရိမဉ္စ; ဣဒံ ဒုတိယံ သုဝိဒူရဝိဒူရေ။ ယတော စ, ဘိက္ခဝေ, ဝေရောစနော အဗ္ဘုဒေတိ ယတ္ထ စ အတ္ထမေတိ 1; ဣဒံ တတိယံ သုဝိဒူရဝိဒူရေ။ သတဉ္စ, ဘိက္ခဝေ, ဓမ္မော အသတဉ္စ ဓမ္မော; ဣဒံ စတုတ္ထံ သုဝိဒူရဝိဒူရေ။ ဣမာနိ ခော, ဘိက္ခဝေ, စတ္တာရိ သုဝိဒူရဝိဒူရာနီ’’တိ။
47. ‘‘Cattārimāni, bhikkhave, suvidūravidūrāni. Katamāni cattāri? Nabhañca , bhikkhave, pathavī ca; idaṃ paṭhamaṃ suvidūravidūre. Orimañca, bhikkhave, tīraṃ samuddassa pārimañca; idaṃ dutiyaṃ suvidūravidūre. Yato ca, bhikkhave, verocano abbhudeti yattha ca atthameti 2; idaṃ tatiyaṃ suvidūravidūre. Satañca, bhikkhave, dhammo asatañca dhammo; idaṃ catutthaṃ suvidūravidūre. Imāni kho, bhikkhave, cattāri suvidūravidūrānī’’ti.
ပာရံ သမုဒ္ဒသ္သ တဒာဟု ဒူရေ။
Pāraṃ samuddassa tadāhu dūre;
ယတော စ ဝေရောစနော အဗ္ဘုဒေတိ၊
Yato ca verocano abbhudeti,
ပဘင္ကရော ယတ္ထ စ အတ္ထမေတိ။
Pabhaṅkaro yattha ca atthameti;
တတော ဟဝေ ဒူရတရံ ဝဒန္တိ၊
Tato have dūrataraṃ vadanti,
သတဉ္စ ဓမ္မံ အသတဉ္စ ဓမ္မံ။
Satañca dhammaṃ asatañca dhammaṃ.
‘‘အဗ္ယာယိကော ဟောတိ သတံ သမာဂမော၊
‘‘Abyāyiko hoti sataṃ samāgamo,
ခိပ္ပဉ္ဟိ ဝေတိ အသတံ သမာဂမော၊
Khippañhi veti asataṃ samāgamo,
တသ္မာ သတံ ဓမ္မော အသဗ္ဘိ အာရကာ’’တိ။ သတ္တမံ။
Tasmā sataṃ dhammo asabbhi ārakā’’ti. sattamaṃ;
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၇. သုဝိဒူရသုတ္တဝဏ္ဏနာ • 7. Suvidūrasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၇. သုဝိဒူရသုတ္တဝဏ္ဏနာ • 7. Suvidūrasuttavaṇṇanā