| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
વਿਨਯਪਿਟਕੇ
Vinayapiṭake
ਚੂਲ਼વਗ੍ਗਪਾਲ਼ਿ
Cūḷavaggapāḷi
੧. ਕਮ੍ਮਕ੍ਖਨ੍ਧਕਂ
1. Kammakkhandhakaṃ
੧. ਤਜ੍ਜਨੀਯਕਮ੍ਮਂ
1. Tajjanīyakammaṃ
੧. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਪਣ੍ਡੁਕਲੋਹਿਤਕਾ ਭਿਕ੍ਖੂ ਅਤ੍ਤਨਾ ਭਣ੍ਡਨਕਾਰਕਾ ਕਲਹਕਾਰਕਾ વਿવਾਦਕਾਰਕਾ ਭਸ੍ਸਕਾਰਕਾ ਸਙ੍ਘੇ ਅਧਿਕਰਣਕਾਰਕਾ, ਯੇਪਿ ਚਞ੍ਞੇ ਭਿਕ੍ਖੂ ਭਣ੍ਡਨਕਾਰਕਾ ਕਲਹਕਾਰਕਾ વਿવਾਦਕਾਰਕਾ ਭਸ੍ਸਕਾਰਕਾ ਸਙ੍ਘੇ ਅਧਿਕਰਣਕਾਰਕਾ ਤੇ ਉਪਸਙ੍ਕਮਿਤ੍વਾ ਏવਂ વਦਨ੍ਤਿ – ‘‘ਮਾ ਖੋ ਤੁਮ੍ਹੇ, ਆਯਸ੍ਮਨ੍ਤੋ, ਏਸੋ ਅਜੇਸਿ। ਬਲવਾਬਲવਂ ਪਟਿਮਨ੍ਤੇਥ। ਤੁਮ੍ਹੇ ਤੇਨ ਪਣ੍ਡਿਤਤਰਾ ਚ ਬ੍ਯਤ੍ਤਤਰਾ ਚ ਬਹੁਸ੍ਸੁਤਤਰਾ ਚ ਅਲਮਤ੍ਤਤਰਾ ਚ 1। ਮਾ ਚਸ੍ਸ ਭਾਯਿਤ੍ਥ। ਮਯਮ੍ਪਿ ਤੁਮ੍ਹਾਕਂ ਪਕ੍ਖਾ ਭવਿਸ੍ਸਾਮਾ’’ਤਿ। ਤੇਨ ਅਨੁਪ੍ਪਨ੍ਨਾਨਿ ਚੇવ ਭਣ੍ਡਨਾਨਿ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾਨਿ ਚ ਭਣ੍ਡਨਾਨਿ ਭਿਯ੍ਯੋਭਾવਾਯ વੇਪੁਲ੍ਲਾਯ ਸਂવਤ੍ਤਨ੍ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਪਣ੍ਡੁਕਲੋਹਿਤਕਾ ਭਿਕ੍ਖੂ ਅਤ੍ਤਨਾ ਭਣ੍ਡਨਕਾਰਕਾ ਕਲਹਕਾਰਕਾ વਿવਾਦਕਾਰਕਾ ਭਸ੍ਸਕਾਰਕਾ ਸਙ੍ਘੇ ਅਧਿਕਰਣਕਾਰਕਾ, ਯੇਪਿ ਚਞ੍ਞੇ ਭਿਕ੍ਖੂ ਭਣ੍ਡਨਕਾਰਕਾ ਕਲਹਕਾਰਕਾ વਿવਾਦਕਾਰਕਾ ਭਸ੍ਸਕਾਰਕਾ ਸਙ੍ਘੇ ਅਧਿਕਰਣਕਾਰਕਾ ਤੇ ਉਪਸਙ੍ਕਮਿਤ੍વਾ ਏવਂ વਕ੍ਖਨ੍ਤਿ – ‘ਮਾ ਖੋ ਤੁਮ੍ਹੇ, ਆਯਸ੍ਮਨ੍ਤੋ, ਏਸੋ ਅਜੇਸਿ। ਬਲવਾਬਲવਂ ਪਟਿਮਨ੍ਤੇਥ। ਤੁਮ੍ਹੇ ਤੇਨ ਪਣ੍ਡਿਤਤਰਾ ਚ ਬ੍ਯਤ੍ਤਤਰਾ ਚ ਬਹੁਸ੍ਸੁਤਤਰਾ ਚ ਅਲਮਤ੍ਤਤਰਾ ਚ। ਮਾ ਚਸ੍ਸ ਭਾਯਿਤ੍ਥ। ਮਯਮ੍ਪਿ ਤੁਮ੍ਹਾਕਂ ਪਕ੍ਖਾ ਭવਿਸ੍ਸਾਮਾ’ਤਿ। ਤੇਨ ਅਨੁਪ੍ਪਨ੍ਨਾਨਿ ਚੇવ ਭਣ੍ਡਨਾਨਿ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾਨਿ ਚ ਭਣ੍ਡਨਾਨਿ ਭਿਯ੍ਯੋਭਾવਾਯ વੇਪੁਲ੍ਲਾਯ ਸਂવਤ੍ਤਨ੍ਤੀ’’ਤਿ।
1. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena paṇḍukalohitakā bhikkhū attanā bhaṇḍanakārakā kalahakārakā vivādakārakā bhassakārakā saṅghe adhikaraṇakārakā, yepi caññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā te upasaṅkamitvā evaṃ vadanti – ‘‘mā kho tumhe, āyasmanto, eso ajesi. Balavābalavaṃ paṭimantetha. Tumhe tena paṇḍitatarā ca byattatarā ca bahussutatarā ca alamattatarā ca 2. Mā cassa bhāyittha. Mayampi tumhākaṃ pakkhā bhavissāmā’’ti. Tena anuppannāni ceva bhaṇḍanāni uppajjanti uppannāni ca bhaṇḍanāni bhiyyobhāvāya vepullāya saṃvattanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma paṇḍukalohitakā bhikkhū attanā bhaṇḍanakārakā kalahakārakā vivādakārakā bhassakārakā saṅghe adhikaraṇakārakā, yepi caññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā te upasaṅkamitvā evaṃ vakkhanti – ‘mā kho tumhe, āyasmanto, eso ajesi. Balavābalavaṃ paṭimantetha. Tumhe tena paṇḍitatarā ca byattatarā ca bahussutatarā ca alamattatarā ca. Mā cassa bhāyittha. Mayampi tumhākaṃ pakkhā bhavissāmā’ti. Tena anuppannāni ceva bhaṇḍanāni uppajjanti uppannāni ca bhaṇḍanāni bhiyyobhāvāya vepullāya saṃvattantī’’ti.
੨. ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍વਾ ਭਿਕ੍ਖੂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ, ਭਿਕ੍ਖવੇ, ਪਣ੍ਡੁਕਲੋਹਿਤਕਾ ਭਿਕ੍ਖੂ ਅਤ੍ਤਨਾ ਭਣ੍ਡਨਕਾਰਕਾ ਕਲਹਕਾਰਕਾ વਿવਾਦਕਾਰਕਾ ਭਸ੍ਸਕਾਰਕਾ ਸਙ੍ਘੇ ਅਧਿਕਰਣਕਾਰਕਾ, ਯੇਪਿ ਚਞ੍ਞੇ ਭਿਕ੍ਖੂ ਭਣ੍ਡਨਕਾਰਕਾ ਕਲਹਕਾਰਕਾ વਿવਾਦਕਾਰਕਾ ਭਸ੍ਸਕਾਰਕਾ ਸਙ੍ਘੇ ਅਧਿਕਰਣਕਾਰਕਾ ਤੇ ਉਪਸਙ੍ਕਮਿਤ੍વਾ ਏવਂ વਦਨ੍ਤਿ – ‘ਮਾ ਖੋ ਤੁਮ੍ਹੇ, ਆਯਸ੍ਮਨ੍ਤੋ, ਏਸੋ ਅਜੇਸਿ। ਬਲવਾਬਲવਂ ਪਟਿਮਨ੍ਤੇਥ। ਤੁਮ੍ਹੇ ਤੇਨ ਪਣ੍ਡਿਤਤਰਾ ਚ ਬ੍ਯਤ੍ਤਤਰਾ ਚ ਬਹੁਸ੍ਸੁਤਤਰਾ ਚ ਅਲਮਤ੍ਤਤਰਾ ਚ। ਮਾ ਚਸ੍ਸ ਭਾਯਿਤ੍ਥ। ਮਯਮ੍ਪਿ ਤੁਮ੍ਹਾਕਂ ਪਕ੍ਖਾ ਭવਿਸ੍ਸਾਮਾ’ਤਿ। ਤੇਨ ਅਨੁਪ੍ਪਨ੍ਨਾਨਿ ਚੇવ ਭਣ੍ਡਨਾਨਿ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾਨਿ ਚ ਭਣ੍ਡਨਾਨਿ ਭਿਯ੍ਯੋਭਾવਾਯ વੇਪੁਲ੍ਲਾਯ ਸਂવਤ੍ਤਨ੍ਤੀ’’ਤਿ? ‘‘ਸਚ੍ਚਂ ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ – ‘‘ਅਨਨੁਚ੍ਛવਿਕਂ, ਭਿਕ੍ਖવੇ, ਤੇਸਂ ਮੋਘਪੁਰਿਸਾਨਂ ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਤੇ, ਭਿਕ੍ਖવੇ, ਮੋਘਪੁਰਿਸਾ ਅਤ੍ਤਨਾ ਭਣ੍ਡਨਕਾਰਕਾ…ਪੇ॰… ਸਙ੍ਘੇ ਅਧਿਕਰਣਕਾਰਕਾ, ਯੇਪਿ ਚਞ੍ਞੇ ਭਿਕ੍ਖੂ ਭਣ੍ਡਨਕਾਰਕਾ…ਪੇ॰… ਸਙ੍ਘੇ ਅਧਿਕਰਣਕਾਰਕਾ ਤੇ ਉਪਸਙ੍ਕਮਿਤ੍વਾ ਏવਂ વਕ੍ਖਨ੍ਤਿ – ‘ਮਾ ਖੋ ਤੁਮ੍ਹੇ, ਆਯਸ੍ਮਨ੍ਤੋ, ਏਸੋ ਅਜੇਸਿ। ਬਲવਾਬਲવਂ ਪਟਿਮਨ੍ਤੇਥ। ਤੁਮ੍ਹੇ ਤੇਨ ਪਣ੍ਡਿਤਤਰਾ ਚ ਬ੍ਯਤ੍ਤਤਰਾ ਚ ਬਹੁਸ੍ਸੁਤਤਰਾ ਚ ਅਲਮਤ੍ਤਤਰਾ ਚ। ਮਾ ਚਸ੍ਸ ਭਾਯਿਤ੍ਥ। ਮਯਮ੍ਪਿ ਤੁਮ੍ਹਾਕਂ ਪਕ੍ਖਾ ਭવਿਸ੍ਸਾਮਾ’ਤਿ? ਤੇਨ ਅਨੁਪ੍ਪਨ੍ਨਾਨਿ ਚੇવ ਭਣ੍ਡਨਾਨਿ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾਨਿ ਚ ਭਣ੍ਡਨਾਨਿ ਭਿਯ੍ਯੋਭਾવਾਯ વੇਪੁਲ੍ਲਾਯ ਸਂવਤ੍ਤਨ੍ਤਿ। ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ ਪਸਨ੍ਨਾਨਂ વਾ ਭਿਯ੍ਯੋਭਾવਾਯ। ਅਥ ਖ੍વੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਞ੍ਚੇવ ਅਪ੍ਪਸਾਦਾਯ ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਾਯਾ’’ਤਿ।
2. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, paṇḍukalohitakā bhikkhū attanā bhaṇḍanakārakā kalahakārakā vivādakārakā bhassakārakā saṅghe adhikaraṇakārakā, yepi caññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā te upasaṅkamitvā evaṃ vadanti – ‘mā kho tumhe, āyasmanto, eso ajesi. Balavābalavaṃ paṭimantetha. Tumhe tena paṇḍitatarā ca byattatarā ca bahussutatarā ca alamattatarā ca. Mā cassa bhāyittha. Mayampi tumhākaṃ pakkhā bhavissāmā’ti. Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṃvattantī’’ti? ‘‘Saccaṃ bhagavā’’ti. Vigarahi buddho bhagavā – ‘‘ananucchavikaṃ, bhikkhave, tesaṃ moghapurisānaṃ ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma te, bhikkhave, moghapurisā attanā bhaṇḍanakārakā…pe… saṅghe adhikaraṇakārakā, yepi caññe bhikkhū bhaṇḍanakārakā…pe… saṅghe adhikaraṇakārakā te upasaṅkamitvā evaṃ vakkhanti – ‘mā kho tumhe, āyasmanto, eso ajesi. Balavābalavaṃ paṭimantetha. Tumhe tena paṇḍitatarā ca byattatarā ca bahussutatarā ca alamattatarā ca. Mā cassa bhāyittha. Mayampi tumhākaṃ pakkhā bhavissāmā’ti? Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṃvattanti. Netaṃ, bhikkhave, appasannānaṃ vā pasādāya pasannānaṃ vā bhiyyobhāvāya. Atha khvetaṃ, bhikkhave, appasannānañceva appasādāya pasannānañca ekaccānaṃ aññathattāyā’’ti.
ਅਥ ਖੋ ਭਗવਾ ਤੇ 3 ਭਿਕ੍ਖੂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਦੁਬ੍ਭਰਤਾਯ ਦੁਪ੍ਪੋਸਤਾਯ ਮਹਿਚ੍ਛਤਾਯ ਅਸਨ੍ਤੁਟ੍ਠਿਤਾਯ 4 ਸਙ੍ਗਣਿਕਾਯ ਕੋਸਜ੍ਜਸ੍ਸ ਅવਣ੍ਣਂ ਭਾਸਿਤ੍વਾ ਅਨੇਕਪਰਿਯਾਯੇਨ ਸੁਭਰਤਾਯ ਸੁਪੋਸਤਾਯ ਅਪ੍ਪਿਚ੍ਛਸ੍ਸ ਸਨ੍ਤੁਟ੍ਠਸ੍ਸ ਸਲ੍ਲੇਖਸ੍ਸ ਧੁਤਸ੍ਸ ਪਾਸਾਦਿਕਸ੍ਸ ਅਪਚਯਸ੍ਸ વੀਰਿਯਾਰਮ੍ਭਸ੍ਸ 5 વਣ੍ਣਂ ਭਾਸਿਤ੍વਾ ਭਿਕ੍ਖੂਨਂ ਤਦਨੁਚ੍ਛવਿਕਂ ਤਦਨੁਲੋਮਿਕਂ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਤੇਨ ਹਿ, ਭਿਕ੍ਖવੇ, ਸਙ੍ਘੋ ਪਣ੍ਡੁਕਲੋਹਿਤਕਾਨਂ ਭਿਕ੍ਖੂਨਂ ਤਜ੍ਜਨੀਯਕਮ੍ਮਂ ਕਰੋਤੁ। ਏવਞ੍ਚ ਪਨ, ਭਿਕ੍ਖવੇ, ਕਾਤਬ੍ਬਂ। ਪਠਮਂ ਪਣ੍ਡੁਕਲੋਹਿਤਕਾ ਭਿਕ੍ਖੂ ਚੋਦੇਤਬ੍ਬਾ, ਚੋਦੇਤ੍વਾ ਸਾਰੇਤਬ੍ਬਾ, ਸਾਰੇਤ੍વਾ ਆਪਤ੍ਤਿਂ 6 ਆਰੋਪੇਤਬ੍ਬਾ, ਆਪਤ੍ਤਿਂ ਆਰੋਪੇਤ੍વਾ ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
Atha kho bhagavā te 7 bhikkhū anekapariyāyena vigarahitvā dubbharatāya dupposatāya mahicchatāya asantuṭṭhitāya 8 saṅgaṇikāya kosajjassa avaṇṇaṃ bhāsitvā anekapariyāyena subharatāya suposatāya appicchassa santuṭṭhassa sallekhassa dhutassa pāsādikassa apacayassa vīriyārambhassa 9 vaṇṇaṃ bhāsitvā bhikkhūnaṃ tadanucchavikaṃ tadanulomikaṃ dhammiṃ kathaṃ katvā bhikkhū āmantesi – ‘‘tena hi, bhikkhave, saṅgho paṇḍukalohitakānaṃ bhikkhūnaṃ tajjanīyakammaṃ karotu. Evañca pana, bhikkhave, kātabbaṃ. Paṭhamaṃ paṇḍukalohitakā bhikkhū codetabbā, codetvā sāretabbā, sāretvā āpattiṃ 10 āropetabbā, āpattiṃ āropetvā byattena bhikkhunā paṭibalena saṅgho ñāpetabbo –
੩. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਇਮੇ ਪਣ੍ਡੁਕਲੋਹਿਤਕਾ ਭਿਕ੍ਖੂ ਅਤ੍ਤਨਾ ਭਣ੍ਡਨਕਾਰਕਾ ਕਲਹਕਾਰਕਾ વਿવਾਦਕਾਰਕਾ ਭਸ੍ਸਕਾਰਕਾ ਸਙ੍ਘੇ ਅਧਿਕਰਣਕਾਰਕਾ, ਯੇਪਿ ਚਞ੍ਞੇ ਭਿਕ੍ਖੂ ਭਣ੍ਡਨਕਾਰਕਾ ਕਲਹਕਾਰਕਾ વਿવਾਦਕਾਰਕਾ ਭਸ੍ਸਕਾਰਕਾ ਸਙ੍ਘੇ ਅਧਿਕਰਣਕਾਰਕਾ ਤੇ ਉਪਸਙ੍ਕਮਿਤ੍વਾ ਏવਂ વਦਨ੍ਤਿ – ‘ਮਾ ਖੋ ਤੁਮ੍ਹੇ, ਆਯਸ੍ਮਨ੍ਤੋ, ਏਸੋ ਅਜੇਸਿ। ਬਲવਾਬਲવਂ ਪਟਿਮਨ੍ਤੇਥ। ਤੁਮ੍ਹੇ ਤੇਨ ਪਣ੍ਡਿਤਤਰਾ ਚ ਬ੍ਯਤ੍ਤਤਰਾ ਚ ਬਹੁਸ੍ਸੁਤਤਰਾ ਚ ਅਲਮਤ੍ਤਤਰਾ ਚ। ਮਾ ਚਸ੍ਸ ਭਾਯਿਤ੍ਥ। ਮਯਮ੍ਪਿ ਤੁਮ੍ਹਾਕਂ ਪਕ੍ਖਾ ਭવਿਸ੍ਸਾਮਾ’ਤਿ। ਤੇਨ ਅਨੁਪ੍ਪਨ੍ਨਾਨਿ ਚੇવ ਭਣ੍ਡਨਾਨਿ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾਨਿ ਚ ਭਣ੍ਡਨਾਨਿ ਭਿਯ੍ਯੋਭਾવਾਯ વੇਪੁਲ੍ਲਾਯ ਸਂવਤ੍ਤਨ੍ਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਪਣ੍ਡੁਕਲੋਹਿਤਕਾਨਂ ਭਿਕ੍ਖੂਨਂ ਤਜ੍ਜਨੀਯਕਮ੍ਮਂ ਕਰੇਯ੍ਯ। ਏਸਾ ਞਤ੍ਤਿ।
3. ‘‘Suṇātu me, bhante, saṅgho. Ime paṇḍukalohitakā bhikkhū attanā bhaṇḍanakārakā kalahakārakā vivādakārakā bhassakārakā saṅghe adhikaraṇakārakā, yepi caññe bhikkhū bhaṇḍanakārakā kalahakārakā vivādakārakā bhassakārakā saṅghe adhikaraṇakārakā te upasaṅkamitvā evaṃ vadanti – ‘mā kho tumhe, āyasmanto, eso ajesi. Balavābalavaṃ paṭimantetha. Tumhe tena paṇḍitatarā ca byattatarā ca bahussutatarā ca alamattatarā ca. Mā cassa bhāyittha. Mayampi tumhākaṃ pakkhā bhavissāmā’ti. Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṃvattanti. Yadi saṅghassa pattakallaṃ, saṅgho paṇḍukalohitakānaṃ bhikkhūnaṃ tajjanīyakammaṃ kareyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਇਮੇ ਪਣ੍ਡੁਕਲੋਹਿਤਕਾ ਭਿਕ੍ਖੂ ਅਤ੍ਤਨਾ ਭਣ੍ਡਨਕਾਰਕਾ…ਪੇ॰… ਸਙ੍ਘੇ ਅਧਿਕਰਣਕਾਰਕਾ, ਯੇਪਿ ਚਞ੍ਞੇ ਭਿਕ੍ਖੂ ਭਣ੍ਡਨਕਾਰਕਾ…ਪੇ॰… ਸਙ੍ਘੇ ਅਧਿਕਰਣਕਾਰਕਾ ਤੇ ਉਪਸਙ੍ਕਮਿਤ੍વਾ ਏવਂ વਦਨ੍ਤਿ – ‘ਮਾ ਖੋ ਤੁਮ੍ਹੇ, ਆਯਸ੍ਮਨ੍ਤੋ, ਏਸੋ ਅਜੇਸਿ। ਬਲવਾਬਲવਂ ਪਟਿਮਨ੍ਤੇਥ। ਤੁਮ੍ਹੇ ਤੇਨ ਪਣ੍ਡਿਤਤਰਾ ਚ ਬ੍ਯਤ੍ਤਤਰਾ ਚ ਬਹੁਸ੍ਸੁਤਤਰਾ ਚ ਅਲਮਤ੍ਤਤਰਾ ਚ। ਮਾ ਚਸ੍ਸ ਭਾਯਿਤ੍ਥ। ਮਯਮ੍ਪਿ ਤੁਮ੍ਹਾਕਂ ਪਕ੍ਖਾ ਭવਿਸ੍ਸਾਮਾ’ਤਿ। ਤੇਨ ਅਨੁਪ੍ਪਨ੍ਨਾਨਿ ਚੇવ ਭਣ੍ਡਨਾਨਿ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾਨਿ ਚ ਭਣ੍ਡਨਾਨਿ ਭਿਯ੍ਯੋਭਾવਾਯ વੇਪੁਲ੍ਲਾਯ ਸਂવਤ੍ਤਨ੍ਤਿ। ਸਙ੍ਘੋ ਪਣ੍ਡੁਕਲੋਹਿਤਕਾਨਂ ਭਿਕ੍ਖੂਨਂ ਤਜ੍ਜਨੀਯਕਮ੍ਮਂ ਕਰੋਤਿ। ਯਸ੍ਸਾਯਸ੍ਮਤੋ ਖਮਤਿ ਪਣ੍ਡੁਕਲੋਹਿਤਕਾਨਂ ਭਿਕ੍ਖੂਨਂ ਤਜ੍ਜਨੀਯਸ੍ਸ ਕਮ੍ਮਸ੍ਸ ਕਰਣਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Ime paṇḍukalohitakā bhikkhū attanā bhaṇḍanakārakā…pe… saṅghe adhikaraṇakārakā, yepi caññe bhikkhū bhaṇḍanakārakā…pe… saṅghe adhikaraṇakārakā te upasaṅkamitvā evaṃ vadanti – ‘mā kho tumhe, āyasmanto, eso ajesi. Balavābalavaṃ paṭimantetha. Tumhe tena paṇḍitatarā ca byattatarā ca bahussutatarā ca alamattatarā ca. Mā cassa bhāyittha. Mayampi tumhākaṃ pakkhā bhavissāmā’ti. Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṃvattanti. Saṅgho paṇḍukalohitakānaṃ bhikkhūnaṃ tajjanīyakammaṃ karoti. Yassāyasmato khamati paṇḍukalohitakānaṃ bhikkhūnaṃ tajjanīyassa kammassa karaṇaṃ, so tuṇhassa; yassa nakkhamati, so bhāseyya.
‘‘ਦੁਤਿਯਮ੍ਪਿ ਏਤਮਤ੍ਥਂ વਦਾਮਿ – ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਇਮੇ ਪਣ੍ਡੁਕਲੋਹਿਤਕਾ ਭਿਕ੍ਖੂ ਅਤ੍ਤਨਾ ਭਣ੍ਡਨਕਾਰਕਾ…ਪੇ॰… ਸਙ੍ਘੇ ਅਧਿਕਰਣਕਾਰਕਾ, ਯੇਪਿ ਚਞ੍ਞੇ ਭਿਕ੍ਖੂ ਭਣ੍ਡਨਕਾਰਕਾ…ਪੇ॰… ਸਙ੍ਘੇ ਅਧਿਕਰਣਕਾਰਕਾ ਤੇ ਉਪਸਙ੍ਕਮਿਤ੍વਾ ਏવਂ વਦਨ੍ਤਿ – ‘ਮਾ ਖੋ ਤੁਮ੍ਹੇ , ਆਯਸ੍ਮਨ੍ਤੋ, ਏਸੋ ਅਜੇਸਿ। ਬਲવਾਬਲવਂ ਪਟਿਮਨ੍ਤੇਥ। ਤੁਮ੍ਹੇ ਤੇਨ ਪਣ੍ਡਿਤਤਰਾ ਚ ਬ੍ਯਤ੍ਤਤਰਾ ਚ ਬਹੁਸ੍ਸੁਤਤਰਾ ਚ ਅਲਮਤ੍ਤਤਰਾ ਚ। ਮਾ ਚਸ੍ਸ ਭਾਯਿਤ੍ਥ। ਮਯਮ੍ਪਿ ਤੁਮ੍ਹਾਕਂ ਪਕ੍ਖਾ ਭવਿਸ੍ਸਾਮਾ’ਤਿ। ਤੇਨ ਅਨੁਪ੍ਪਨ੍ਨਾਨਿ ਚੇવ ਭਣ੍ਡਨਾਨਿ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾਨਿ ਚ ਭਣ੍ਡਨਾਨਿ ਭਿਯ੍ਯੋਭਾવਾਯ વੇਪੁਲ੍ਲਾਯ ਸਂવਤ੍ਤਨ੍ਤਿ। ਸਙ੍ਘੋ ਪਣ੍ਡੁਕਲੋਹਿਤਕਾਨਂ ਭਿਕ੍ਖੂਨਂ ਤਜ੍ਜਨੀਯਕਮ੍ਮਂ ਕਰੋਤਿ। ਯਸ੍ਸਾਯਸ੍ਮਤੋ ਖਮਤਿ ਪਣ੍ਡੁਕਲੋਹਿਤਕਾਨਂ ਭਿਕ੍ਖੂਨਂ ਤਜ੍ਜਨੀਯਸ੍ਸ ਕਮ੍ਮਸ੍ਸ ਕਰਣਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Dutiyampi etamatthaṃ vadāmi – suṇātu me, bhante, saṅgho. Ime paṇḍukalohitakā bhikkhū attanā bhaṇḍanakārakā…pe… saṅghe adhikaraṇakārakā, yepi caññe bhikkhū bhaṇḍanakārakā…pe… saṅghe adhikaraṇakārakā te upasaṅkamitvā evaṃ vadanti – ‘mā kho tumhe , āyasmanto, eso ajesi. Balavābalavaṃ paṭimantetha. Tumhe tena paṇḍitatarā ca byattatarā ca bahussutatarā ca alamattatarā ca. Mā cassa bhāyittha. Mayampi tumhākaṃ pakkhā bhavissāmā’ti. Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṃvattanti. Saṅgho paṇḍukalohitakānaṃ bhikkhūnaṃ tajjanīyakammaṃ karoti. Yassāyasmato khamati paṇḍukalohitakānaṃ bhikkhūnaṃ tajjanīyassa kammassa karaṇaṃ, so tuṇhassa; yassa nakkhamati, so bhāseyya.
‘‘ਤਤਿਯਮ੍ਪਿ ਏਤਮਤ੍ਥਂ વਦਾਮਿ – ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ । ਇਮੇ ਪਣ੍ਡੁਕਲੋਹਿਤਕਾ ਭਿਕ੍ਖੂ ਅਤ੍ਤਨਾ ਭਣ੍ਡਨਕਾਰਕਾ…ਪੇ॰… ਸਙ੍ਘੇ ਅਧਿਕਰਣਕਾਰਕਾ, ਯੇਪਿ ਚਞ੍ਞੇ ਭਿਕ੍ਖੂ ਭਣ੍ਡਨਕਾਰਕਾ…ਪੇ॰… ਸਙ੍ਘੇ ਅਧਿਕਰਣਕਾਰਕਾ ਤੇ ਉਪਸਙ੍ਕਮਿਤ੍વਾ ਏવਂ વਦਨ੍ਤਿ – ‘ਮਾ ਖੋ ਤੁਮ੍ਹੇ, ਆਯਸ੍ਮਨ੍ਤੋ, ਏਸੋ ਅਜੇਸਿ। ਬਲવਾਬਲવਂ ਪਟਿਮਨ੍ਤੇਥ। ਤੁਮ੍ਹੇ ਤੇਨ ਪਣ੍ਡਿਤਤਰਾ ਚ ਬ੍ਯਤ੍ਤਤਰਾ ਚ ਬਹੁਸ੍ਸੁਤਤਰਾ ਚ ਅਲਮਤ੍ਤਤਰਾ ਚ। ਮਾ ਚਸ੍ਸ ਭਾਯਿਤ੍ਥ। ਮਯਮ੍ਪਿ ਤੁਮ੍ਹਾਕਂ ਪਕ੍ਖਾ ਭવਿਸ੍ਸਾਮਾ’ਤਿ। ਤੇਨ ਅਨੁਪ੍ਪਨ੍ਨਾਨਿ ਚੇવ ਭਣ੍ਡਨਾਨਿ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾਨਿ ਚ ਭਣ੍ਡਨਾਨਿ ਭਿਯ੍ਯੋਭਾવਾਯ વੇਪੁਲ੍ਲਾਯ ਸਂવਤ੍ਤਨ੍ਤਿ। ਸਙ੍ਘੋ ਪਣ੍ਡੁਕਲੋਹਿਤਕਾਨਂ ਭਿਕ੍ਖੂਨਂ ਤਜ੍ਜਨੀਯਕਮ੍ਮਂ ਕਰੋਤਿ। ਯਸ੍ਸਾਯਸ੍ਮਤੋ ਖਮਤਿ ਪਣ੍ਡੁਕਲੋਹਿਤਕਾਨਂ ਭਿਕ੍ਖੂਨਂ ਤਜ੍ਜਨੀਯਸ੍ਸ ਕਮ੍ਮਸ੍ਸ ਕਰਣਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Tatiyampi etamatthaṃ vadāmi – suṇātu me, bhante, saṅgho . Ime paṇḍukalohitakā bhikkhū attanā bhaṇḍanakārakā…pe… saṅghe adhikaraṇakārakā, yepi caññe bhikkhū bhaṇḍanakārakā…pe… saṅghe adhikaraṇakārakā te upasaṅkamitvā evaṃ vadanti – ‘mā kho tumhe, āyasmanto, eso ajesi. Balavābalavaṃ paṭimantetha. Tumhe tena paṇḍitatarā ca byattatarā ca bahussutatarā ca alamattatarā ca. Mā cassa bhāyittha. Mayampi tumhākaṃ pakkhā bhavissāmā’ti. Tena anuppannāni ceva bhaṇḍanāni uppajjanti, uppannāni ca bhaṇḍanāni bhiyyobhāvāya vepullāya saṃvattanti. Saṅgho paṇḍukalohitakānaṃ bhikkhūnaṃ tajjanīyakammaṃ karoti. Yassāyasmato khamati paṇḍukalohitakānaṃ bhikkhūnaṃ tajjanīyassa kammassa karaṇaṃ, so tuṇhassa; yassa nakkhamati, so bhāseyya.
‘‘ਕਤਂ ਸਙ੍ਘੇਨ ਪਣ੍ਡੁਕਲੋਹਿਤਕਾਨਂ ਭਿਕ੍ਖੂਨਂ ਤਜ੍ਜਨੀਯਕਮ੍ਮਂ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Kataṃ saṅghena paṇḍukalohitakānaṃ bhikkhūnaṃ tajjanīyakammaṃ. Khamati saṅghassa, tasmā tuṇhī, evametaṃ dhārayāmī’’ti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਤਜ੍ਜਨੀਯਕਮ੍ਮਕਥਾ • Tajjanīyakammakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਤਜ੍ਜਨੀਯਕਮ੍ਮਕਥਾવਣ੍ਣਨਾ • Tajjanīyakammakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਤਜ੍ਜਨੀਯਕਮ੍ਮਕਥਾવਣ੍ਣਨਾ • Tajjanīyakammakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਤਜ੍ਜਨੀਯਕਮ੍ਮਕਥਾ • 1. Tajjanīyakammakathā
