| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၆. တဏ္ဟက္ခယသုတ္တံ
6. Taṇhakkhayasuttaṃ
၂၀၇. ‘‘ယော, ဘိက္ခဝေ, မဂ္ဂော ယာ ပဋိပဒာ တဏ္ဟက္ခယာယ သံဝတ္တတိ, တံ မဂ္ဂံ တံ ပဋိပဒံ ဘာဝေထ။ ကတမော စ, ဘိက္ခဝေ, မဂ္ဂော ကတမာ စ ပဋိပဒာ တဏ္ဟက္ခယာယ သံဝတ္တတိ? ယဒိဒံ – သတ္တ ဗောဇ္ဈင္ဂာ။ ကတမေ သတ္တ? သတိသမ္ဗောဇ္ဈင္ဂော။ပေ.။ ဥပေက္ခာသမ္ဗောဇ္ဈင္ဂော’’တိ။ ဧဝံ ဝုတ္တေ အာယသ္မာ ဥဒာယီ ဘဂဝန္တံ ဧတဒဝောစ – ‘‘ကထံ ဘာဝိတာ နု ခော, ဘန္တေ, သတ္တ ဗောဇ္ဈင္ဂာ, ကထံ ဗဟုလီကတာ တဏ္ဟက္ခယာယ သံဝတ္တန္တီ’’တိ?
207. ‘‘Yo, bhikkhave, maggo yā paṭipadā taṇhakkhayāya saṃvattati, taṃ maggaṃ taṃ paṭipadaṃ bhāvetha. Katamo ca, bhikkhave, maggo katamā ca paṭipadā taṇhakkhayāya saṃvattati? Yadidaṃ – satta bojjhaṅgā. Katame satta? Satisambojjhaṅgo…pe… upekkhāsambojjhaṅgo’’ti. Evaṃ vutte āyasmā udāyī bhagavantaṃ etadavoca – ‘‘kathaṃ bhāvitā nu kho, bhante, satta bojjhaṅgā, kathaṃ bahulīkatā taṇhakkhayāya saṃvattantī’’ti?
‘‘ဣဓ , ဥဒာယိ, ဘိက္ခု သတိသမ္ဗောဇ္ဈင္ဂံ ဘာဝေတိ ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ ဝိပုလံ မဟဂ္ဂတံ အပ္ပမာဏံ အဗ္ယာပဇ္ဇံ 1။ တသ္သ သတိသမ္ဗောဇ္ဈင္ဂံ ဘာဝယတော ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ ဝိပုလံ မဟဂ္ဂတံ အပ္ပမာဏံ အဗ္ယာပဇ္ဇံ တဏ္ဟာ ပဟီယတိ။ တဏ္ဟာယ ပဟာနာ ကမ္မံ ပဟီယတိ။ ကမ္မသ္သ ပဟာနာ ဒုက္ခံ ပဟီယတိ။ပေ.။ ဥပေက္ခာသမ္ဗောဇ္ဈင္ဂံ ဘာဝေတိ ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ ဝိပုလံ မဟဂ္ဂတံ အပ္ပမာဏံ အဗ္ယာပဇ္ဇံ။ တသ္သ ဥပေက္ခာသမ္ဗောဇ္ဈင္ဂံ ဘာဝယတော ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ ဝိပုလံ မဟဂ္ဂတံ အပ္ပမာဏံ အဗ္ယာပဇ္ဇံ တဏ္ဟာ ပဟီယတိ တဏ္ဟာယ ပဟာနာ ကမ္မံ ပဟီယတိ ။ ကမ္မသ္သ ပဟာနာ ဒုက္ခံ ပဟီယတိ။ ဣတိ ခော, ဥဒာယိ, တဏ္ဟက္ခယာ ကမ္မက္ခယော, ကမ္မက္ခယာ ဒုက္ခက္ခယော’’တိ။ ဆဋ္ဌံ။
‘‘Idha , udāyi, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ 2. Tassa satisambojjhaṅgaṃ bhāvayato vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ taṇhā pahīyati. Taṇhāya pahānā kammaṃ pahīyati. Kammassa pahānā dukkhaṃ pahīyati…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ. Tassa upekkhāsambojjhaṅgaṃ bhāvayato vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ taṇhā pahīyati taṇhāya pahānā kammaṃ pahīyati . Kammassa pahānā dukkhaṃ pahīyati. Iti kho, udāyi, taṇhakkhayā kammakkhayo, kammakkhayā dukkhakkhayo’’ti. Chaṭṭhaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆-၇. တဏ္ဟက္ခယသုတ္တာဒိဝဏ္ဏနာ • 6-7. Taṇhakkhayasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆-၇. တဏ္ဟက္ခယသုတ္တာဒိဝဏ္ဏနာ • 6-7. Taṇhakkhayasuttādivaṇṇanā
