| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
4. තතියසංඛිත්‌තසුත්‌තවණ්‌ණනා
4. Tatiyasaṃkhittasuttavaṇṇanā
484. සීලක්‌ඛන්‌ධාදීහි සද්‌ධින්‌ද්‍රියාදීහි ච පරිතො පූරණෙන පරිපූරං අරහත්‌තමග්‌ගං කරොන්‌තො නිප්‌ඵත්‌තිතො අරහත්‌තඵලං ආරාධෙති නිප්‌ඵාදෙති. තයො පදෙසමග්‌ගෙති සීලක්‌ඛන්‌ධාදීනං අපාරිපූරියා එකදෙසභූතෙ තයො හෙට්‌ඨිමමග්‌ගෙ. පදෙසං හෙට්‌ඨිමඵලත්‌තයං. චතූසූති ඉමස්‌මිං වග්‌ගෙ පඨමාදීසු චතූසු සුත්‌තෙසු. කාමඤ්‌චෙත්‌ථ තතියෙ ‘‘තතොති ඵලවසෙන නිස්‌සක්‌ක’’න්‌ති වුත්‌තං, චතුත්‌ථෙ ‘‘පරිපූරං පරිපූරකාරී ආරාධෙති, පදෙසං පදෙසකාරී’’ති, ‘‘චතූසුපි සුත්‌තෙසු මිස්‌සකානෙව ඉන්‌ද්‍රියානි කථිතානී’’ති පන වචනතො විපස්‌සනාවසෙනපි යොජනා ලබ්‌භතෙවාති දට්‌ඨබ්‌බං.
484. Sīlakkhandhādīhi saddhindriyādīhi ca parito pūraṇena paripūraṃ arahattamaggaṃ karonto nipphattito arahattaphalaṃ ārādheti nipphādeti. Tayo padesamaggeti sīlakkhandhādīnaṃ apāripūriyā ekadesabhūte tayo heṭṭhimamagge. Padesaṃ heṭṭhimaphalattayaṃ. Catūsūti imasmiṃ vagge paṭhamādīsu catūsu suttesu. Kāmañcettha tatiye ‘‘tatoti phalavasena nissakka’’nti vuttaṃ, catutthe ‘‘paripūraṃ paripūrakārī ārādheti, padesaṃ padesakārī’’ti, ‘‘catūsupi suttesu missakāneva indriyāni kathitānī’’ti pana vacanato vipassanāvasenapi yojanā labbhatevāti daṭṭhabbaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 4. තතියසංඛිත්‌තසුත්‌තං • 4. Tatiyasaṃkhittasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4. තතියසංඛිත්‌තසුත්‌තවණ්‌ණනා • 4. Tatiyasaṃkhittasuttavaṇṇanā
