| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៣. តតិយសិក្ខាបទំ
3. Tatiyasikkhāpadaṃ
៩៤១. តតិយេ ឧឡារកុលាតិ ជាតិសេដ្ឋកុលា, ឥស្សរិយភោគាទីហិ វា វិបុលកុលា។ គុណេហីតិ សីលាទិគុណេហិ។ ‘‘ឧឡារាតិ សម្ភាវិតា’’តិ ឥមិនា ឥតិលោបតុល្យាធិករណសមាសំ ទស្សេតិ។
941. Tatiye uḷārakulāti jātiseṭṭhakulā, issariyabhogādīhi vā vipulakulā. Guṇehīti sīlādiguṇehi. ‘‘Uḷārāti sambhāvitā’’ti iminā itilopatulyādhikaraṇasamāsaṃ dasseti.
‘‘អភិភូតា’’តិ ឥមិនា ‘‘អបកតា’’តិ ឯត្ថ ករធាតុ សព្ពធាត្វត្ថវាចីបិ ឥធ អបបុព្ពត្តា វិសេសតោ អភិភវនត្ថេ វត្តតីតិ ទស្សេតិ។ ឯតាសន្តិ ភិក្ខុនីនំ។ ‘‘សញ្ញាបយមានា’’តិ ឥមិនា សញ្ញាបនំ សញ្ញត្តីតិ វចនត្ថំ ទស្សេតិ។ ហេតូទាហរណាទីហីតិ ឯត្ថ អាទិសទ្ទេន ឧបមាទយោ សង្គណ្ហាតិ។ ‘‘វិវិធេហិ នយេហិ ញាបនា’’តិ ឥមិនា វិវិធេហិ ញាបនំ វិញ្ញត្តីតិ វចនត្ថំ ទស្សេតិ។
‘‘Abhibhūtā’’ti iminā ‘‘apakatā’’ti ettha karadhātu sabbadhātvatthavācīpi idha apapubbattā visesato abhibhavanatthe vattatīti dasseti. Etāsanti bhikkhunīnaṃ. ‘‘Saññāpayamānā’’ti iminā saññāpanaṃ saññattīti vacanatthaṃ dasseti. Hetūdāharaṇādīhīti ettha ādisaddena upamādayo saṅgaṇhāti. ‘‘Vividhehi nayehi ñāpanā’’ti iminā vividhehi ñāpanaṃ viññattīti vacanatthaṃ dasseti.
៩៤៣. ចង្កមនេ បទវារគណនាយ អាបត្តិយា ន ការេតព្ពោតិ អាហ ‘‘និវត្តនគណនាយា’’តិ។ បទាទិគណនាយាតិ បទអនុបទាទិគណនាយាតិ។ តតិយំ។
943. Caṅkamane padavāragaṇanāya āpattiyā na kāretabboti āha ‘‘nivattanagaṇanāyā’’ti. Padādigaṇanāyāti padaanupadādigaṇanāyāti. Tatiyaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ៣. តតិយសិក្ខាបទំ • 3. Tatiyasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā / ៣. តតិយសិក្ខាបទវណ្ណនា • 3. Tatiyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៣. តតិយសិក្ខាបទវណ្ណនា • 3. Tatiyasikkhāpadavaṇṇanā
