| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
10. උදායිසුත්‌තවණ්‌ණනා
10. Udāyisuttavaṇṇanā
211. බහුකතං වුච්‌චති බහුකාරො බහුමානො, නත්‌ථි එතස්‌ස බහුකතන්‌ති අබහුකතො, අකතබහුමානො. ධම්‌මො උප්‌පජ්‌ජමානො උක්‌කුජ්‌ජන්‌තො විය නිරුජ්‌ඣමානො අවකුජ්‌ජන්‌තො විය හොතීති වුත්‌තං ‘‘උක්‌කුජ්‌ජං වුච්‌චති උදයො, අවකුජ්‌ජං වයො’’ති. පරිවත්‌තෙන්‌තොති අනිච්‌චාතිපි දුක්‌ඛාතිපි අනත්‌තාතිපි. ‘‘එසො හි තෙ උදායි මග්‌ගො පටිලද්‌ධො, යො තෙ…පෙ.… තථත්‌තාය උපනෙස්‌සතී’’ති පරියොසානෙ භගවතො වචනඤ්‌චෙත්‌ථ සාධකං දට්‌ඨබ්‌බං. තෙන තෙනාකාරෙන විහරන්‌තන්‌ති යෙන සම්‌මසනාකාරෙන විපස්‌සනාවිහාරෙන විහරන්‌තං. තථාභාවායාති ඛීණාසවභාවපච්‌චවෙක්‌ඛණාය. තෙනාහ – ‘‘ඛීණා ජාතීති…පෙ.… තං දස්‌සෙන්‌තො එවමාහා’’ති.
211. Bahukataṃ vuccati bahukāro bahumāno, natthi etassa bahukatanti abahukato, akatabahumāno. Dhammo uppajjamāno ukkujjanto viya nirujjhamāno avakujjanto viya hotīti vuttaṃ ‘‘ukkujjaṃ vuccati udayo, avakujjaṃ vayo’’ti. Parivattentoti aniccātipi dukkhātipi anattātipi. ‘‘Eso hi te udāyi maggo paṭiladdho, yo te…pe… tathattāya upanessatī’’ti pariyosāne bhagavato vacanañcettha sādhakaṃ daṭṭhabbaṃ. Tena tenākārena viharantanti yena sammasanākārena vipassanāvihārena viharantaṃ. Tathābhāvāyāti khīṇāsavabhāvapaccavekkhaṇāya. Tenāha – ‘‘khīṇā jātīti…pe… taṃ dassento evamāhā’’ti.
උදායිවග්‌ගවණ්‌ණනා නිට්‌ඨිතා.
Udāyivaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 10. උදායිසුත්‌තං • 10. Udāyisuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 10. උදායිසුත්‌තවණ්‌ණනා • 10. Udāyisuttavaṇṇanā
