| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၅၄. ဥဏ္ဟဝလာဟကသုတ္တံ
54. Uṇhavalāhakasuttaṃ
၆၀၃. သာဝတ္ထိနိဒာနံ ။ ဧကမန္တံ နိသိန္နော ခော သော ဘိက္ခု ဘဂဝန္တံ ဧတဒဝောစ – ‘‘ကော နု ခော, ဘန္တေ, ဟေတု, ကော ပစ္စယော, ယေနေကဒာ ဥဏ္ဟံ ဟောတီ’’တိ? ‘‘သန္တိ, ဘိက္ခု, ဥဏ္ဟဝလာဟကာ နာမ ဒေဝာ။ တေသံ ယဒာ ဧဝံ ဟောတိ – ‘ယံနူန မယံ သကာယ ရတိယာ ဝသေယ္ယာမာ’တိ, တေသံ တံ စေတောပဏိဓိမန္ဝာယ ဥဏ္ဟံ ဟောတိ။ အယံ ခော, ဘိက္ခု, ဟေတု, အယံ ပစ္စယော, ယေနေကဒာ ဥဏ္ဟံ ဟောတီ’’တိ။ စတုပညာသမံ။
603. Sāvatthinidānaṃ . Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yenekadā uṇhaṃ hotī’’ti? ‘‘Santi, bhikkhu, uṇhavalāhakā nāma devā. Tesaṃ yadā evaṃ hoti – ‘yaṃnūna mayaṃ sakāya ratiyā vaseyyāmā’ti, tesaṃ taṃ cetopaṇidhimanvāya uṇhaṃ hoti. Ayaṃ kho, bhikkhu, hetu, ayaṃ paccayo, yenekadā uṇhaṃ hotī’’ti. Catupaññāsamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၁. ဝလာဟကသံယုတ္တဝဏ္ဏနာ • 11. Valāhakasaṃyuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၁. ဝလာဟကသံယုတ္တဝဏ္ဏနာ • 11. Valāhakasaṃyuttavaṇṇanā
