| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
2. උපතිස්‌සසුත්‌තවණ්‌ණනා
2. Upatissasuttavaṇṇanā
236. දුතියෙ අත්‌ථි නු ඛො තං කිඤ්‌චි ලොකස්‌මින්‌ති ඉදං අතිඋළාරම්‌පි සත්‌තං වා සඞ්‌ඛාරං වා සන්‌ධාය වුත්‌තං. සත්‌ථුපි ඛොති ඉදං යස්‌මා ආනන්‌දත්‌ථෙරස්‌ස සත්‌ථරි අධිමත්‌තො ඡන්‌දො ච පෙමඤ්‌ච, තස්‌මා ‘‘කිං නු ඛො ඉමස්‌ස ථෙරස්‌ස සත්‌ථු විපරිණාමෙනපි සොකාදයො නුප්‌පජ්‌ජෙය්‍යු’’න්‌ති ජානනත්‌ථං පුච්‌ඡති? දීඝරත්‌තන්‌ති සූකරඛතලෙණද්‌වාරෙ දීඝනඛපරිබ්‌බාජකස්‌ස වෙදනාපරිග්‌ගහසුත්‌තන්‌තං දෙසිතදිවසතො පට්‌ඨාය අතික්‌කන්‌තකාලං සන්‌ධායාහ. තස්‌මිඤ්‌හි දිවසෙ ථෙරස්‌ස ඉමෙ වට්‌ටානුගතකිලෙසා සමූහතාති. දුතියං.
236. Dutiye atthi nu kho taṃ kiñci lokasminti idaṃ atiuḷārampi sattaṃ vā saṅkhāraṃ vā sandhāya vuttaṃ. Satthupi khoti idaṃ yasmā ānandattherassa satthari adhimatto chando ca pemañca, tasmā ‘‘kiṃ nu kho imassa therassa satthu vipariṇāmenapi sokādayo nuppajjeyyu’’nti jānanatthaṃ pucchati? Dīgharattanti sūkarakhataleṇadvāre dīghanakhaparibbājakassa vedanāpariggahasuttantaṃ desitadivasato paṭṭhāya atikkantakālaṃ sandhāyāha. Tasmiñhi divase therassa ime vaṭṭānugatakilesā samūhatāti. Dutiyaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 2. උපතිස්‌සසුත්‌තං • 2. Upatissasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2. උපතිස්‌සසුත්‌තවණ්‌ණනා • 2. Upatissasuttavaṇṇanā
