| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
7. උසුලොමසුත්‌තවණ්‌ණනා
7. Usulomasuttavaṇṇanā
208. උසුලොමවත්‌ථුස්‌මිං කාරණිකොති රාජාපරාධිකෙ අනෙකාහි කාරණාහි පීළෙත්‌වා අවසානෙ කණ්‌ඩෙන විජ්‌ඣිත්‌වා මාරණකපුරිසො. සො කිර ‘‘අමුකස්‌මිං පදෙසෙ විද්‌ධො මරතී’’ති ඤත්‌වාව විජ්‌ඣති. තස්‌සෙවං ජීවිකං කප්‌පෙත්‌වා නරකෙ උප්‌පන්‌නස්‌ස තතො පක්‌කාවසෙසෙන ඉධූපපත්‌තිකාලෙ උසුනා විජ්‌ඣනභාවොයෙව නිමිත්‌තං අහොසි. තස්‌මා උසුලොමපෙතො ජාතො. සත්‌තමං.
208. Usulomavatthusmiṃ kāraṇikoti rājāparādhike anekāhi kāraṇāhi pīḷetvā avasāne kaṇḍena vijjhitvā māraṇakapuriso. So kira ‘‘amukasmiṃ padese viddho maratī’’ti ñatvāva vijjhati. Tassevaṃ jīvikaṃ kappetvā narake uppannassa tato pakkāvasesena idhūpapattikāle usunā vijjhanabhāvoyeva nimittaṃ ahosi. Tasmā usulomapeto jāto. Sattamaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 7. උසුලොමසුත්‌තං • 7. Usulomasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 7. උසුලොමසුත්‌තවණ්‌ණනා • 7. Usulomasuttavaṇṇanā
