| Library / Tipiṭaka / තිපිටක • Tipiṭaka / නෙත්‌තිප්‌පකරණ-අට්‌ඨකථා • Nettippakaraṇa-aṭṭhakathā |
10. වෙවචනහාරසම්‌පාතවණ්‌ණනා
10. Vevacanahārasampātavaṇṇanā
72. ‘‘මානසං හදයං පණ්‌ඩරං විඤ්‌ඤාණං විඤ්‌ඤාණක්‌ඛන්‌ධො මනොවිඤ්‌ඤාණධාතූ’’ති (ධ. ස. 6) ච චිත්‌තස්‌ස වෙවචනං. ‘‘තක්‌කො විතක්‌කො සඞ්‌කප්‌පො අප්‌පනා බ්‍යප්‌පනා චෙතසො අභිනිරොපනා’’ති ච සම්‌මාසඞ්‌කප්‌පස්‌ස. ‘‘පඤ්‌ඤා පජානනා විචයො පවිචයො’’තිආදිනා (ධ. ස. 16) සම්‌මාදිට්‌ඨියා. ‘‘ථිනං ථියනා ථියිතත්‌තං චිත්‌තස්‌ස අකල්‌ලතා අකම්‌මඤ්‌ඤතා ඔනාහො පරිනාහො අන්‌තොසඞ්‌කොචො’’ති ථිනස්‌ස. ‘‘අකල්‌ලතා අකම්‌මඤ්‌ඤතා කායාලසියං සුප්‍යං සුප්‍යනා සුපිතත්‌ත’’න්‌ති (ධ. ස. 1163) මිද්‌ධස්‌ස. ‘‘භික්‌ඛකො භික්‌ඛූ’’තිආදිනා (පාරා. 45) භික්‌ඛුපදස්‌ස. ‘‘දුග්‌ගති අපායො විනිපාතො වට්‌ටදුක්‌ඛං සංසාරො’’තිආදිනා දුග්‌ගතියා වෙවචනං වෙදිතබ්‌බං.
72. ‘‘Mānasaṃ hadayaṃ paṇḍaraṃ viññāṇaṃ viññāṇakkhandho manoviññāṇadhātū’’ti (dha. sa. 6) ca cittassa vevacanaṃ. ‘‘Takko vitakko saṅkappo appanā byappanā cetaso abhiniropanā’’ti ca sammāsaṅkappassa. ‘‘Paññā pajānanā vicayo pavicayo’’tiādinā (dha. sa. 16) sammādiṭṭhiyā. ‘‘Thinaṃ thiyanā thiyitattaṃ cittassa akallatā akammaññatā onāho parināho antosaṅkoco’’ti thinassa. ‘‘Akallatā akammaññatā kāyālasiyaṃ supyaṃ supyanā supitatta’’nti (dha. sa. 1163) middhassa. ‘‘Bhikkhako bhikkhū’’tiādinā (pārā. 45) bhikkhupadassa. ‘‘Duggati apāyo vinipāto vaṭṭadukkhaṃ saṃsāro’’tiādinā duggatiyā vevacanaṃ veditabbaṃ.
වෙවචනහාරසම්‌පාතවණ්‌ණනා නිට්‌ඨිතා.
Vevacanahārasampātavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / නෙත්‌තිප්‌පකරණපාළි • Nettippakaraṇapāḷi / 10. වෙවචනහාරසම්‌පාතො • 10. Vevacanahārasampāto
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / ඛුද්‌දකනිකාය (ටීකා) • Khuddakanikāya (ṭīkā) / නෙත්‌තිවිභාවිනී • Nettivibhāvinī / 10. වෙවචනහාරසම්‌පාතවිභාවනා • 10. Vevacanahārasampātavibhāvanā
