Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    6. яасасуд̇д̇ам̣

    6. Yasasuttaṃ

    86. згам̣ самаяам̣ бхаг̇аваа госалзсу жааригам̣ жарамаано махад̇аа бхигкусан̇гхзна сад̣̇д̇хим̣ язна ижчаанан̇г̇алам̣ наама госалаанам̣ б̣раахман̣аг̇аамо д̇ад̣̇авасари. д̇ад̇ра суд̣̇ам̣ бхаг̇аваа ижчаанан̇г̇алз вихарад̇и ижчаанан̇г̇алаванасан̣д̣з. ассосум̣ ко ижчаанан̇г̇алагаа б̣раахман̣аг̇ахабад̇игаа – ‘‘саман̣о калу бхо г̇од̇амо сагяабуд̇д̇о сагяагулаа баб̣б̣аж̇ид̇о ижчаанан̇г̇алам̣ ануббад̇д̇о ижчаанан̇г̇алз вихарад̇и ижчаанан̇г̇алаванасан̣д̣з . д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо…бз… саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’’д̇и.

    86. Ekaṃ samayaṃ bhagavā kosalesu cārikaṃ caramāno mahatā bhikkhusaṅghena saddhiṃ yena icchānaṅgalaṃ nāma kosalānaṃ brāhmaṇagāmo tadavasari. Tatra sudaṃ bhagavā icchānaṅgale viharati icchānaṅgalavanasaṇḍe. Assosuṃ kho icchānaṅgalakā brāhmaṇagahapatikā – ‘‘samaṇo khalu bho gotamo sakyaputto sakyakulā pabbajito icchānaṅgalaṃ anuppatto icchānaṅgale viharati icchānaṅgalavanasaṇḍe . Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho…pe… sādhu kho pana tathārūpānaṃ arahataṃ dassanaṃ hotī’’’ti.

    ат̇а ко ижчаанан̇г̇алагаа б̣раахман̣аг̇ахабад̇игаа д̇ассаа рад̇д̇ияаа ажжаязна бахуд̇ам̣ каад̣̇анийяам̣ бхож̇анийяам̣ аад̣̇ааяа язна ижчаанан̇г̇алаванасан̣д̣о д̇знубасан̇гамим̣су; убасан̇гамид̇ваа б̣ахид̣̇ваарагодтагз адтам̣су ужжаасад̣̇д̣̇аа махаасад̣̇д̣̇аа. д̇зна ко бана самаязна ааяасмаа нааг̇ид̇о бхаг̇авад̇о убадтааго ход̇и. ат̇а ко бхаг̇аваа ааяасманд̇ам̣ нааг̇ид̇ам̣ ааманд̇зси – ‘‘гз бана д̇з, нааг̇ид̇а, ужжаасад̣̇д̣̇аа махаасад̣̇д̣̇аа гзваддаа ман̃н̃з мажчавилобз’’д̇и? ‘‘зд̇з, бханд̇з, ижчаанан̇г̇алагаа б̣раахман̣аг̇ахабад̇игаа бахуд̇ам̣ каад̣̇анийяам̣ бхож̇анийяам̣ аад̣̇ааяа б̣ахид̣̇ваарагодтагз тид̇аа бхаг̇аванд̇ам̣язва уд̣̇д̣̇исса бхигкусан̇гхан̃жаа’’д̇и. ‘‘маахам̣, нааг̇ид̇а, яасзна самааг̇амам̣, маа жа маяаа яасо. яо ко, нааг̇ид̇а, наяимасса нзгкаммасукасса бавивзгасукасса убасамасукасса самб̣од̇хасукасса нигаамалаабхий асса агижчалаабхий агасиралаабхий. яассаахам̣ нзгкаммасукасса бавивзгасукасса убасамасукасса самб̣од̇хасукасса нигаамалаабхий 1 агижчалаабхий агасиралаабхий, со д̇ам̣ мийл̣хасукам̣ мид̣̇д̇хасукам̣ лаабхасаггаарасилогасукам̣ саад̣̇иязяяаа’’д̇и.

    Atha kho icchānaṅgalakā brāhmaṇagahapatikā tassā rattiyā accayena pahutaṃ khādanīyaṃ bhojanīyaṃ ādāya yena icchānaṅgalavanasaṇḍo tenupasaṅkamiṃsu; upasaṅkamitvā bahidvārakoṭṭhake aṭṭhaṃsu uccāsaddā mahāsaddā. Tena kho pana samayena āyasmā nāgito bhagavato upaṭṭhāko hoti. Atha kho bhagavā āyasmantaṃ nāgitaṃ āmantesi – ‘‘ke pana te, nāgita, uccāsaddā mahāsaddā kevaṭṭā maññe macchavilope’’ti? ‘‘Ete, bhante, icchānaṅgalakā brāhmaṇagahapatikā pahutaṃ khādanīyaṃ bhojanīyaṃ ādāya bahidvārakoṭṭhake ṭhitā bhagavantaṃyeva uddissa bhikkhusaṅghañcā’’ti. ‘‘Māhaṃ, nāgita, yasena samāgamaṃ, mā ca mayā yaso. Yo kho, nāgita, nayimassa nekkhammasukhassa pavivekasukhassa upasamasukhassa sambodhasukhassa nikāmalābhī assa akicchalābhī akasiralābhī. Yassāhaṃ nekkhammasukhassa pavivekasukhassa upasamasukhassa sambodhasukhassa nikāmalābhī 2 akicchalābhī akasiralābhī, so taṃ mīḷhasukhaṃ middhasukhaṃ lābhasakkārasilokasukhaṃ sādiyeyyā’’ti.

    ‘‘ад̇хиваасзд̇у д̣̇аани, бханд̇з, бхаг̇аваа. ад̇хиваасзд̇у суг̇ад̇о. ад̇хиваасанагаало д̣̇аани, бханд̇з, бхаг̇авад̇о. язна язнзва д̣̇аани, бханд̇з, бхаг̇аваа г̇амиссад̇и д̇анниннаава бхависсанд̇и б̣раахман̣аг̇ахабад̇игаа нзг̇амаа жзва ж̇аанабад̣̇аа жа. сзяяат̇ааби , бханд̇з, т̇уллапусид̇агз д̣̇звз вассанд̇з яат̇ааниннам̣ уд̣̇агаани бавад̇д̇анд̇и; звамзвам̣ ко, бханд̇з, язна язнзва д̣̇аани бхаг̇аваа г̇амиссад̇и д̇анниннаава бхависсанд̇и б̣раахман̣аг̇ахабад̇игаа нзг̇амаа жзва ж̇аанабад̣̇аа жа. д̇ам̣ гисса хзд̇у? д̇ат̇аа хи, бханд̇з, бхаг̇авад̇о сийлабан̃н̃аан̣а’’нд̇и.

    ‘‘Adhivāsetu dāni, bhante, bhagavā. Adhivāsetu sugato. Adhivāsanakālo dāni, bhante, bhagavato. Yena yeneva dāni, bhante, bhagavā gamissati tanninnāva bhavissanti brāhmaṇagahapatikā negamā ceva jānapadā ca. Seyyathāpi , bhante, thullaphusitake deve vassante yathāninnaṃ udakāni pavattanti; evamevaṃ kho, bhante, yena yeneva dāni bhagavā gamissati tanninnāva bhavissanti brāhmaṇagahapatikā negamā ceva jānapadā ca. Taṃ kissa hetu? Tathā hi, bhante, bhagavato sīlapaññāṇa’’nti.

    ‘‘маахам̣, нааг̇ид̇а, яасзна самааг̇амам̣, маа жа маяаа яасо. яо ко, нааг̇ид̇а, наяимасса нзгкаммасукасса бавивзгасукасса убасамасукасса самб̣од̇хасукасса нигаамалаабхий асса агижчалаабхий агасиралаабхий. яассаахам̣ нзгкаммасукасса бавивзгасукасса убасамасукасса самб̣од̇хасукасса нигаамалаабхий агижчалаабхий агасиралаабхий, со д̇ам̣ мийл̣хасукам̣ мид̣̇д̇хасукам̣ лаабхасаггаарасилогасукам̣ саад̣̇иязяяа.

    ‘‘Māhaṃ, nāgita, yasena samāgamaṃ, mā ca mayā yaso. Yo kho, nāgita, nayimassa nekkhammasukhassa pavivekasukhassa upasamasukhassa sambodhasukhassa nikāmalābhī assa akicchalābhī akasiralābhī. Yassāhaṃ nekkhammasukhassa pavivekasukhassa upasamasukhassa sambodhasukhassa nikāmalābhī akicchalābhī akasiralābhī, so taṃ mīḷhasukhaṃ middhasukhaṃ lābhasakkārasilokasukhaṃ sādiyeyya.

    ‘‘д̣̇звад̇ааби ко, нааг̇ид̇а, згажжаа наяимасса 3 нзгкаммасукасса бавивзгасукасса убасамасукасса самб̣од̇хасукасса нигаамалаабхинияо ассу 4 агижчалаабхинияо 5 агасиралаабхинияо, яассаахам̣ нзгкаммасукасса бавивзгасукасса убасамасукасса самб̣од̇хасукасса нигаамалаабхий агижчалаабхий агасиралаабхий. д̇умхаагамби 6 ко, нааг̇ид̇а, сан̇г̇амма самааг̇амма сан̇г̇ан̣игавихаарам̣ ануяуд̇д̇аанам̣ вихарад̇ам̣ 7 звам̣ ход̇и – ‘на хи нуунамз 8 ааяасманд̇о имасса нзгкаммасукасса бавивзгасукасса убасамасукасса самб̣од̇хасукасса нигаамалаабхино ассу 9 агижчалаабхино агасиралаабхино. яассаахам̣ нзгкаммасукасса бавивзгасукасса убасамасукасса самб̣од̇хасукасса нигаамалаабхий агижчалаабхий агасиралаабхий. д̇ат̇аа хи бана мз ааяасманд̇о сан̇г̇амма самааг̇амма сан̇г̇ан̣игавихаарам̣ ануяуд̇д̇аа вихаранд̇и’’’.

    ‘‘Devatāpi kho, nāgita, ekaccā nayimassa 10 nekkhammasukhassa pavivekasukhassa upasamasukhassa sambodhasukhassa nikāmalābhiniyo assu 11 akicchalābhiniyo 12 akasiralābhiniyo, yassāhaṃ nekkhammasukhassa pavivekasukhassa upasamasukhassa sambodhasukhassa nikāmalābhī akicchalābhī akasiralābhī. Tumhākampi 13 kho, nāgita, saṅgamma samāgamma saṅgaṇikavihāraṃ anuyuttānaṃ viharataṃ 14 evaṃ hoti – ‘na hi nūname 15 āyasmanto imassa nekkhammasukhassa pavivekasukhassa upasamasukhassa sambodhasukhassa nikāmalābhino assu 16 akicchalābhino akasiralābhino. Yassāhaṃ nekkhammasukhassa pavivekasukhassa upasamasukhassa sambodhasukhassa nikāmalābhī akicchalābhī akasiralābhī. Tathā hi pana me āyasmanto saṅgamma samāgamma saṅgaṇikavihāraṃ anuyuttā viharanti’’’.

    ‘‘ид̇хаахам̣ , нааг̇ид̇а, бхигкуу бассаами ан̃н̃аман̃н̃ам̣ ан̇г̇улибад̇од̣̇агзна 17 сан̃ж̇аг̇гханд̇з сан̇гийл̣анд̇з. д̇асса маяхам̣, нааг̇ид̇а, звам̣ ход̇и – ‘на хи нуунамз ааяасманд̇о имасса нзгкаммасукасса бавивзгасукасса убасамасукасса самб̣од̇хасукасса нигаамалаабхино ассу агижчалаабхино агасиралаабхино. яассаахам̣ нзгкаммасукасса бавивзгасукасса убасамасукасса самб̣од̇хасукасса нигаамалаабхий агижчалаабхий агасиралаабхий. д̇ат̇аа хи бана мз ааяасманд̇о ан̃н̃аман̃н̃ам̣ ан̇г̇улибад̇од̣̇агзна сан̃ж̇аг̇гханд̇и сан̇гийл̣анд̇и’’’.

    ‘‘Idhāhaṃ , nāgita, bhikkhū passāmi aññamaññaṃ aṅgulipatodakena 18 sañjagghante saṅkīḷante. Tassa mayhaṃ, nāgita, evaṃ hoti – ‘na hi nūname āyasmanto imassa nekkhammasukhassa pavivekasukhassa upasamasukhassa sambodhasukhassa nikāmalābhino assu akicchalābhino akasiralābhino. Yassāhaṃ nekkhammasukhassa pavivekasukhassa upasamasukhassa sambodhasukhassa nikāmalābhī akicchalābhī akasiralābhī. Tathā hi pana me āyasmanto aññamaññaṃ aṅgulipatodakena sañjagghanti saṅkīḷanti’’’.

    ‘‘ид̇ха банаахам̣ 19, нааг̇ид̇а, бхигкуу бассаами яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа сзяяасукам̣ бассасукам̣ мид̣̇д̇хасукам̣ ануяуд̇д̇з вихаранд̇з. д̇асса маяхам̣, нааг̇ид̇а, звам̣ ход̇и – ‘на хи нуунамз ааяасманд̇о имасса нзгкаммасукасса бавивзгасукасса убасамасукасса самб̣од̇хасукасса нигаамалаабхино ассу агижчалаабхино агасиралаабхино. яассаахам̣ нзгкаммасукасса бавивзгасукасса убасамасукасса самб̣од̇хасукасса нигаамалаабхий агижчалаабхий агасиралаабхий. д̇ат̇аа хи бана мз ааяасманд̇о яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа сзяяасукам̣ бассасукам̣ мид̣̇д̇хасукам̣ ануяуд̇д̇аа вихаранд̇и’’’.

    ‘‘Idha panāhaṃ 20, nāgita, bhikkhū passāmi yāvadatthaṃ udarāvadehakaṃ bhuñjitvā seyyasukhaṃ passasukhaṃ middhasukhaṃ anuyutte viharante. Tassa mayhaṃ, nāgita, evaṃ hoti – ‘na hi nūname āyasmanto imassa nekkhammasukhassa pavivekasukhassa upasamasukhassa sambodhasukhassa nikāmalābhino assu akicchalābhino akasiralābhino. Yassāhaṃ nekkhammasukhassa pavivekasukhassa upasamasukhassa sambodhasukhassa nikāmalābhī akicchalābhī akasiralābhī. Tathā hi pana me āyasmanto yāvadatthaṃ udarāvadehakaṃ bhuñjitvā seyyasukhaṃ passasukhaṃ middhasukhaṃ anuyuttā viharanti’’’.

    ‘‘ид̇хаахам̣ 21, нааг̇ид̇а, бхигкум̣ бассаами г̇ааманд̇авихаарим̣ самаахид̇ам̣ нисиннам̣. д̇асса маяхам̣, нааг̇ид̇а, звам̣ ход̇и – ‘ид̣̇аани имам̣ 22 ааяасманд̇ам̣ аараамиго ваа убадтахиссад̇и 23 саман̣уд̣̇д̣̇зсо ваа . д̇ам̣ д̇амхаа 24 самаад̇химхаа жаавзссад̇ий’д̇и. д̇знаахам̣ , нааг̇ид̇а, д̇асса бхигкуно на ад̇д̇амано хоми г̇ааманд̇авихаарзна.

    ‘‘Idhāhaṃ 25, nāgita, bhikkhuṃ passāmi gāmantavihāriṃ samāhitaṃ nisinnaṃ. Tassa mayhaṃ, nāgita, evaṃ hoti – ‘idāni imaṃ 26 āyasmantaṃ ārāmiko vā upaṭṭhahissati 27 samaṇuddeso vā . Taṃ tamhā 28 samādhimhā cāvessatī’ti. Tenāhaṃ , nāgita, tassa bhikkhuno na attamano homi gāmantavihārena.

    ‘‘ид̇ха банаахам̣, нааг̇ид̇а, бхигкум̣ бассаами ааран̃н̃игам̣ аран̃н̃з бажалааяамаанам̣ нисиннам̣. д̇асса маяхам̣, нааг̇ид̇а, звам̣ ход̇и – ‘ид̣̇аани аяамааяасмаа имам̣ нид̣̇д̣̇аагиламат̇ам̣ бадивинод̣̇зд̇ваа аран̃н̃асан̃н̃ам̣язва манаси гариссад̇и згад̇д̇а’нд̇и . д̇знаахам̣ , нааг̇ид̇а, д̇асса бхигкуно ад̇д̇амано хоми аран̃н̃авихаарзна.

    ‘‘Idha panāhaṃ, nāgita, bhikkhuṃ passāmi āraññikaṃ araññe pacalāyamānaṃ nisinnaṃ. Tassa mayhaṃ, nāgita, evaṃ hoti – ‘idāni ayamāyasmā imaṃ niddākilamathaṃ paṭivinodetvā araññasaññaṃyeva manasi karissati ekatta’nti . Tenāhaṃ , nāgita, tassa bhikkhuno attamano homi araññavihārena.

    ‘‘ид̇ха банаахам̣, нааг̇ид̇а, бхигкум̣ бассаами ааран̃н̃игам̣ аран̃н̃з асамаахид̇ам̣ нисиннам̣. д̇асса маяхам̣, нааг̇ид̇а, звам̣ ход̇и – ‘ид̣̇аани аяамааяасмаа асамаахид̇ам̣ ваа жид̇д̇ам̣ самаад̣̇ахиссад̇и 29, самаахид̇ам̣ ваа жид̇д̇ам̣ анурагкиссад̇ий’д̇и. д̇знаахам̣, нааг̇ид̇а, д̇асса бхигкуно ад̇д̇амано хоми аран̃н̃авихаарзна.

    ‘‘Idha panāhaṃ, nāgita, bhikkhuṃ passāmi āraññikaṃ araññe asamāhitaṃ nisinnaṃ. Tassa mayhaṃ, nāgita, evaṃ hoti – ‘idāni ayamāyasmā asamāhitaṃ vā cittaṃ samādahissati 30, samāhitaṃ vā cittaṃ anurakkhissatī’ti. Tenāhaṃ, nāgita, tassa bhikkhuno attamano homi araññavihārena.

    ‘‘ид̇ха банаахам̣, нааг̇ид̇а, бхигкум̣ бассаами ааран̃н̃игам̣ аран̃н̃з самаахид̇ам̣ нисиннам̣. д̇асса маяхам̣, нааг̇ид̇а, звам̣ ход̇и – ‘ид̣̇аани аяамааяасмаа авимуд̇д̇ам̣ ваа жид̇д̇ам̣ вимужжиссад̇и, вимуд̇д̇ам̣ ваа жид̇д̇ам̣ анурагкиссад̇ий’д̇и. д̇знаахам̣, нааг̇ид̇а, д̇асса бхигкуно ад̇д̇амано хоми аран̃н̃авихаарзна.

    ‘‘Idha panāhaṃ, nāgita, bhikkhuṃ passāmi āraññikaṃ araññe samāhitaṃ nisinnaṃ. Tassa mayhaṃ, nāgita, evaṃ hoti – ‘idāni ayamāyasmā avimuttaṃ vā cittaṃ vimuccissati, vimuttaṃ vā cittaṃ anurakkhissatī’ti. Tenāhaṃ, nāgita, tassa bhikkhuno attamano homi araññavihārena.

    ‘‘ид̇ха банаахам̣, нааг̇ид̇а, бхигкум̣ бассаами г̇ааманд̇авихаарим̣ лаабхим̣ жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараанам̣. со д̇ам̣ лаабхасаггаарасилогам̣ нигаамаяамаано рин̃жад̇и бадисаллаанам̣, рин̃жад̇и аран̃н̃аванабад̇т̇аани банд̇аани сзнаасанаани; г̇ааманиг̇амарааж̇ад̇хааним̣ осарид̇ваа ваасам̣ габбзд̇и. д̇знаахам̣, нааг̇ид̇а, д̇асса бхигкуно на ад̇д̇амано хоми г̇ааманд̇авихаарзна.

    ‘‘Idha panāhaṃ, nāgita, bhikkhuṃ passāmi gāmantavihāriṃ lābhiṃ cīvarapiṇḍapātasenāsanagilānapaccayabhesajjaparikkhārānaṃ. So taṃ lābhasakkārasilokaṃ nikāmayamāno riñcati paṭisallānaṃ, riñcati araññavanapatthāni pantāni senāsanāni; gāmanigamarājadhāniṃ osaritvā vāsaṃ kappeti. Tenāhaṃ, nāgita, tassa bhikkhuno na attamano homi gāmantavihārena.

    ‘‘ид̇ха банаахам̣, нааг̇ид̇а, бхигкум̣ бассаами ааран̃н̃игам̣ лаабхим̣ жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараанам̣. со д̇ам̣ лаабхасаггаарасилогам̣ бадибан̣аамзд̇ваа на рин̃жад̇и бадисаллаанам̣, на рин̃жад̇и аран̃н̃аванабад̇т̇аани банд̇аани сзнаасанаани. д̇знаахам̣, нааг̇ид̇а, д̇асса бхигкуно ад̇д̇амано хоми аран̃н̃авихаарзна. 31

    ‘‘Idha panāhaṃ, nāgita, bhikkhuṃ passāmi āraññikaṃ lābhiṃ cīvarapiṇḍapātasenāsanagilānapaccayabhesajjaparikkhārānaṃ. So taṃ lābhasakkārasilokaṃ paṭipaṇāmetvā na riñcati paṭisallānaṃ, na riñcati araññavanapatthāni pantāni senāsanāni. Tenāhaṃ, nāgita, tassa bhikkhuno attamano homi araññavihārena. 32

    ‘‘яасмаахам̣ 33, нааг̇ид̇а, самаяз ад̣̇д̇хаанамаг̇г̇аббадибанно на ган̃жи бассаами бурад̇о ваа бажчад̇о ваа, паасу мз, нааг̇ид̇а, д̇асмим̣ самаяз ход̇и анд̇амасо ужжаарабассаавагаммааяаа’’д̇и. чадтам̣.

    ‘‘Yasmāhaṃ 34, nāgita, samaye addhānamaggappaṭipanno na kañci passāmi purato vā pacchato vā, phāsu me, nāgita, tasmiṃ samaye hoti antamaso uccārapassāvakammāyā’’ti. Chaṭṭhaṃ.




    Next: 7. бад̇д̇анигуж̇ж̇анасуд̇д̇ам̣ • 7. Pattanikujjanasuttaṃ




    Footnotes:
    1. нигаамалаабхий ассам̣ (б̣ахуусу) а. ни. 5.30 бассид̇аб̣б̣ам̣. д̇ад̇т̇а хи аяам̣ баатабхзд̣̇аа над̇т̇и
    2. nikāmalābhī assaṃ (bahūsu) a. ni. 5.30 passitabbaṃ. tattha hi ayaṃ pāṭhabhedā natthi
    3. згажжаа имасса (?)
    4. ид̣̇ам̣ бад̣̇ам̣ гад̇т̇ажи над̇т̇и
    5. нигаамалаабхинияо агижчалаабхинияо (?)
    6. д̇аасамби (?)
    7. ануяуд̇д̇з вихаранд̇з д̣̇исваа (?)
    8. на хануунамз (сий. сяаа. бий.)
    9. ид̣̇ам̣ бад̣̇ам̣ гад̇т̇ажи над̇т̇и
    10. ekaccā imassa (?)
    11. idaṃ padaṃ katthaci natthi
    12. nikāmalābhiniyo akicchalābhiniyo (?)
    13. tāsampi (?)
    14. anuyutte viharante disvā (?)
    15. na hanūname (sī. syā. pī.)
    16. idaṃ padaṃ katthaci natthi
    17. ан̇г̇улибад̇од̣̇агзхи (сий. бий. га.)
    18. aṅgulipatodakehi (sī. pī. ka.)
    19. ид̇хаахам̣ (сий. бий. га.)
    20. idhāhaṃ (sī. pī. ka.)
    21. ид̇ха банаахам̣ (?)
    22. ид̣̇аанимам̣ (гад̇т̇ажи) а. ни. 6.42
    23. бажжзссад̇и (сий. бий.), убадтахад̇и (га.)
    24. со д̇амхаа (га. сий.), со д̇ам̣ д̇амхаа (?)
    25. idha panāhaṃ (?)
    26. idānimaṃ (katthaci) a. ni. 6.42
    27. paccessati (sī. pī.), upaṭṭhahati (ka.)
    28. so tamhā (ka. sī.), so taṃ tamhā (?)
    29. самаад̣̇ахзссад̇и (гад̇т̇ажи)
    30. samādahessati (katthaci)
    31. [ ] зд̇т̇анд̇арз баато а. ни. 6.42 чагганибаад̇зязва д̣̇иссад̇и, на зд̇т̇а адтаганибаад̇з
    32. [ ] etthantare pāṭho a. ni. 6.42 chakkanipāteyeva dissati, na ettha aṭṭhakanipāte
    33. яасмим̣хам̣ (гад̇т̇ажи)
    34. yasmiṃhaṃ (katthaci)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. яасасуд̇д̇аван̣н̣анаа • 6. Yasasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. сад̣̇д̇хаасуд̇д̇аад̣̇иван̣н̣анаа • 1-10. Saddhāsuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact