| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
7. යූථිකාපුප්‌ඵියත්‌ථෙරඅපදානවණ්‌ණනා
7. Yūthikāpupphiyattheraapadānavaṇṇanā
චන්‌දභාගානදීතීරෙතිආදිකං ආයස්‌මතො යූථිකාපුප්‌ඵියත්‌ථෙරස්‌ස අපදානං. අයම්‌පි ආයස්‌මා පුරිමමුනින්‌දෙසු කතාධිකාරො අනෙකෙසු ච ජාතිසතෙසු විවට්‌ටූපනිස්‌සයානි පුඤ්‌ඤානි උපචිනන්‌තො ඵුස්‌සස්‌සෙව භගවතො කාලෙ සුද්‌දකුලෙ නිබ්‌බත්‌තො වුද්‌ධිප්‌පත්‌තො චන්‌දභාගාය නදියා තීරෙ කෙනචිදෙව කරණීයෙන අනුසොතං චරමානො ඵුස්‌සං භගවන්‌තං න්‌හායිතුකාමං අග්‌ගික්‌ඛන්‌ධං විය ජලමානං දිස්‌වා සොමනස්‌සජාතො තත්‌ථ ජාතං යූථිකාපුප්‌ඵං ඔචිනිත්‌වා භගවන්‌තං පූජෙසි. භගවා තස්‌ස අනුමොදනමකාසි.
Candabhāgānadītīretiādikaṃ āyasmato yūthikāpupphiyattherassa apadānaṃ. Ayampi āyasmā purimamunindesu katādhikāro anekesu ca jātisatesu vivaṭṭūpanissayāni puññāni upacinanto phussasseva bhagavato kāle suddakule nibbatto vuddhippatto candabhāgāya nadiyā tīre kenacideva karaṇīyena anusotaṃ caramāno phussaṃ bhagavantaṃ nhāyitukāmaṃ aggikkhandhaṃ viya jalamānaṃ disvā somanassajāto tattha jātaṃ yūthikāpupphaṃ ocinitvā bhagavantaṃ pūjesi. Bhagavā tassa anumodanamakāsi.
33. සො තත්‌ථ තෙන පුඤ්‌ඤකොට්‌ඨාසෙන දෙවමනුස්‌සෙසු සංසරන්‌තො උභයසම්‌පත්‌තියො අනුභවිත්‌වා ඉමස්‌මිං බුද්‌ධුප්‌පාදෙ කුලගෙහෙ නිබ්‌බත්‌තො වුද්‌ධිප්‌පත්‌තො භගවතො ධම්‌මදෙසනං සුත්‌වා පසන්‌නමානසො පබ්‌බජිත්‌වා වත්‌තපටිපත්‌තියා සාසනං සොභෙන්‌තො නචිරස්‌සෙව අරහා හුත්‌වා අත්‌තනො පුබ්‌බකම්‌මං සරිත්‌වා සොමනස්‌සජාතො පුබ්‌බචරිතාපදානං පකාසෙන්‌තො චන්‌දභාගානදීතීරෙතිආදිමාහ. තං සබ්‌බං උත්‌තානත්‌ථමෙවාති.
33. So tattha tena puññakoṭṭhāsena devamanussesu saṃsaranto ubhayasampattiyo anubhavitvā imasmiṃ buddhuppāde kulagehe nibbatto vuddhippatto bhagavato dhammadesanaṃ sutvā pasannamānaso pabbajitvā vattapaṭipattiyā sāsanaṃ sobhento nacirasseva arahā hutvā attano pubbakammaṃ saritvā somanassajāto pubbacaritāpadānaṃ pakāsento candabhāgānadītīretiādimāha. Taṃ sabbaṃ uttānatthamevāti.
යූථිකාපුප්‌ඵියත්‌ථෙරඅපදානවණ්‌ණනා සමත්‌තා.
Yūthikāpupphiyattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 7. යූථිකපුප්‌ඵියත්‌ථෙරඅපදානං • 7. Yūthikapupphiyattheraapadānaṃ
