| Library / Tipiṭaka / තිපිටක • Tipiṭaka / පටිසම්‌භිදාමග්‌ගපාළි • Paṭisambhidāmaggapāḷi |
10-12. සඤ්‌ඤොජනිකාදිදිට්‌ඨිනිද්‌දෙසො
10-12. Saññojanikādidiṭṭhiniddeso
143. සඤ්‌ඤොජනිකාය දිට්‌ඨියා කතමෙහි අට්‌ඨාරසහි ආකාරෙහි අභිනිවෙසො හොති? යා දිට්‌ඨි දිට්‌ඨිගතං දිට්‌ඨිගහනං…පෙ.… දිට්‌ඨාභිනිවෙසො දිට්‌ඨිපරාමාසො – සඤ්‌ඤොජනිකාය දිට්‌ඨියා ඉමෙහි අට්‌ඨාරසහි ආකාරෙහි අභිනිවෙසො හොති.
143. Saññojanikāya diṭṭhiyā katamehi aṭṭhārasahi ākārehi abhiniveso hoti? Yā diṭṭhi diṭṭhigataṃ diṭṭhigahanaṃ…pe… diṭṭhābhiniveso diṭṭhiparāmāso – saññojanikāya diṭṭhiyā imehi aṭṭhārasahi ākārehi abhiniveso hoti.
144. ‘‘අහ’’න්‌ති – මානවිනිබන්‌ධාය දිට්‌ඨියා කතමෙහි අට්‌ඨාරසහි ආකාරෙහි අභිනිවෙසො හොති? චක්‌ඛු අහන්‌ති – අභිනිවෙසපරාමාසො. අහන්‌ති – මානවිනිබන්‌ධා දිට්‌ඨි. දිට්‌ඨි න වත්‌ථු, වත්‌ථු න දිට්‌ඨි. අඤ්‌ඤා දිට්‌ඨි, අඤ්‌ඤං වත්‌ථු. යා ච දිට්‌ඨි යඤ්‌ච වත්‌ථු – අයං පඨමා ‘‘අහ’’න්‌ති – මානවිනිබන්‌ධා දිට්‌ඨි. මානවිනිබන්‌ධා දිට්‌ඨි මිච්‌ඡාදිට්‌ඨි…පෙ.… ඉමානි සඤ්‌ඤොජනානි, න ච දිට්‌ඨියො.
144. ‘‘Aha’’nti – mānavinibandhāya diṭṭhiyā katamehi aṭṭhārasahi ākārehi abhiniveso hoti? Cakkhu ahanti – abhinivesaparāmāso. Ahanti – mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘aha’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo.
සොතං අහන්‌ති…පෙ.… ඝානං අහන්‌ති…පෙ.… ජිව්‌හා අහන්‌ති…පෙ.… කායො අහන්‌ති…පෙ.… මනො අහන්‌ති…පෙ.… රූපා අහන්‌ති…පෙ.… ධම්‌මා අහන්‌ති… චක්‌ඛුවිඤ්‌ඤාණං අහන්‌ති…පෙ.… මනොවිඤ්‌ඤාණං අහන්‌ති – අභිනිවෙසපරාමාසො. අහන්‌ති – මානවිනිබන්‌ධා දිට්‌ඨි. දිට්‌ඨි න වත්‌ථු, වත්‌ථු න දිට්‌ඨි. අඤ්‌ඤා දිට්‌ඨි, අඤ්‌ඤං වත්‌ථු. යා ච දිට්‌ඨි යඤ්‌ච වත්‌ථු – අයං අට්‌ඨාරසමී ‘‘අහ’’න්‌ති – මානවිනිබන්‌ධා දිට්‌ඨි. මානවිනිබන්‌ධා දිට්‌ඨි මිච්‌ඡාදිට්‌ඨි…පෙ.… ඉමානි සඤ්‌ඤොජනානි, න ච දිට්‌ඨියො. ‘‘අහ’’න්‌ති – මානවිනිබන්‌ධාය දිට්‌ඨියා ඉමෙහි අට්‌ඨාරසහි ආකාරෙහි අභිනිවෙසො හොති.
Sotaṃ ahanti…pe… ghānaṃ ahanti…pe… jivhā ahanti…pe… kāyo ahanti…pe… mano ahanti…pe… rūpā ahanti…pe… dhammā ahanti… cakkhuviññāṇaṃ ahanti…pe… manoviññāṇaṃ ahanti – abhinivesaparāmāso. Ahanti – mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ aṭṭhārasamī ‘‘aha’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo. ‘‘Aha’’nti – mānavinibandhāya diṭṭhiyā imehi aṭṭhārasahi ākārehi abhiniveso hoti.
145. ‘‘මම’’න්‌ති – මානවිනිබන්‌ධාය දිට්‌ඨියා කතමෙහි අට්‌ඨාරසහි ආකාරෙහි අභිනිවෙසො හොති? චක්‌ඛු මමන්‌ති – අභිනිවෙසපරාමාසො. මමන්‌ති – මානවිනිබන්‌ධා දිට්‌ඨි. දිට්‌ඨි න වත්‌ථු, වත්‌ථු න දිට්‌ඨි. අඤ්‌ඤා දිට්‌ඨි, අඤ්‌ඤං වත්‌ථු. යා ච දිට්‌ඨි යඤ්‌ච වත්‌ථු – අයං පඨමා ‘‘මම’’න්‌ති – මානවිනිබන්‌ධා දිට්‌ඨි. මානවිනිබන්‌ධා දිට්‌ඨි මිච්‌ඡාදිට්‌ඨි…පෙ.… ඉමානි සඤ්‌ඤොජනානි, න ච දිට්‌ඨියො.
145. ‘‘Mama’’nti – mānavinibandhāya diṭṭhiyā katamehi aṭṭhārasahi ākārehi abhiniveso hoti? Cakkhu mamanti – abhinivesaparāmāso. Mamanti – mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘mama’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo.
සොතං මමන්‌ති…පෙ.… ඝානං මමන්‌ති…පෙ.… ජිව්‌හා මමන්‌ති…පෙ.… කායො මමන්‌ති…පෙ.… මනො මමන්‌ති…පෙ.… රූපා මමන්‌ති…පෙ.… ධම්‌මා මමන්‌ති…පෙ.… චක්‌ඛුවිඤ්‌ඤාණං මමන්‌ති…පෙ.… මනොවිඤ්‌ඤාණං මමන්‌ති අභිනිවෙසපරාමාසො. මමන්‌ති මානවිනිබන්‌ධා දිට්‌ඨි. දිට්‌ඨි න වත්‌ථු, වත්‌ථු න දිට්‌ඨි. අඤ්‌ඤා දිට්‌ඨි, අඤ්‌ඤං වත්‌ථු. යා ච දිට්‌ඨි යඤ්‌ච වත්‌ථු – අයං අට්‌ඨාරසමී ‘‘මම’’න්‌ති – මානවිනිබන්‌ධා දිට්‌ඨි. මානවිනිබන්‌ධා දිට්‌ඨි මිච්‌ඡාදිට්‌ඨි…පෙ.… ඉමානි සඤ්‌ඤොජනානි, න ච දිට්‌ඨියො. ‘‘මම’’න්‌ති – මානවිනිබන්‌ධාය දිට්‌ඨියා ඉමෙහි අට්‌ඨාරසහි ආකාරෙහි අභිනිවෙසො හොති.
Sotaṃ mamanti…pe… ghānaṃ mamanti…pe… jivhā mamanti…pe… kāyo mamanti…pe… mano mamanti…pe… rūpā mamanti…pe… dhammā mamanti…pe… cakkhuviññāṇaṃ mamanti…pe… manoviññāṇaṃ mamanti abhinivesaparāmāso. Mamanti mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ aṭṭhārasamī ‘‘mama’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo. ‘‘Mama’’nti – mānavinibandhāya diṭṭhiyā imehi aṭṭhārasahi ākārehi abhiniveso hoti.
සඤ්‌ඤොජනිකාදිදිට්‌ඨිනිද්‌දෙසො ද්‌වාදසමො.
Saññojanikādidiṭṭhiniddeso dvādasamo.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / පටිසම්‌භිදාමග්‌ග-අට්‌ඨකථා • Paṭisambhidāmagga-aṭṭhakathā / 10-12. සඤ්‌ඤොජනිකාදිදිට්‌ඨිනිද්‌දෙසවණ්‌ණනා • 10-12. Saññojanikādidiṭṭhiniddesavaṇṇanā
