| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၃-၃၂. အနာသဝာဒိသုတ္တံ
3-32. Anāsavādisuttaṃ
၃၇၉-၄၀၈. ‘‘အနာသဝဉ္စ ဝော, ဘိက္ခဝေ, ဒေသေသ္သာမိ အနာသဝဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, အနာသဝံ။ပေ.။ သစ္စဉ္စ ဝော, ဘိက္ခဝေ, ဒေသေသ္သာမိ သစ္စဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, သစ္စံ။ပေ.။ ပာရဉ္စ ဝော, ဘိက္ခဝေ, ဒေသေသ္သာမိ ပာရဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, ပာရံ။ပေ.။ နိပုဏဉ္စ ဝော, ဘိက္ခဝေ, ဒေသေသ္သာမိ နိပုဏဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, နိပုဏံ။ပေ.။ သုဒုဒ္ဒသဉ္စ ဝော, ဘိက္ခဝေ, ဒေသေသ္သာမိ သုဒုဒ္ဒသဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, သုဒုဒ္ဒသံ။ပေ.။ အဇဇ္ဇရဉ္စ ဝော, ဘိက္ခဝေ, ဒေသေသ္သာမိ အဇဇ္ဇရဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, အဇဇ္ဇရံ။ပေ.။ ဓုဝဉ္စ ဝော, ဘိက္ခဝေ, ဒေသေသ္သာမိ ဓုဝဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, ဓုဝံ။ပေ.။ အပလောကိတဉ္စ ဝော, ဘိက္ခဝေ, ဒေသေသ္သာမိ အပလောကိတဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, အပလောကိတံ။ပေ.။ အနိဒသ္သနဉ္စ ဝော, ဘိက္ခဝေ, ဒေသေသ္သာမိ အနိဒသ္သနဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, အနိဒသ္သနံ။ပေ.။ နိပ္ပပဉ္စဉ္စ ဝော, ဘိက္ခဝေ, ဒေသေသ္သာမိ နိပ္ပပဉ္စဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, နိပ္ပပဉ္စံ။ပေ.။?
379-408. ‘‘Anāsavañca vo, bhikkhave, desessāmi anāsavagāmiñca maggaṃ. Taṃ suṇātha. Katamañca, bhikkhave, anāsavaṃ…pe… saccañca vo, bhikkhave, desessāmi saccagāmiñca maggaṃ. Taṃ suṇātha. Katamañca, bhikkhave, saccaṃ…pe… pārañca vo, bhikkhave, desessāmi pāragāmiñca maggaṃ. Taṃ suṇātha. Katamañca, bhikkhave, pāraṃ…pe… nipuṇañca vo, bhikkhave, desessāmi nipuṇagāmiñca maggaṃ. Taṃ suṇātha. Katamañca, bhikkhave, nipuṇaṃ…pe… sududdasañca vo, bhikkhave, desessāmi sududdasagāmiñca maggaṃ. Taṃ suṇātha. Katamañca, bhikkhave, sududdasaṃ…pe… ajajjarañca vo, bhikkhave, desessāmi ajajjaragāmiñca maggaṃ. Taṃ suṇātha. Katamañca, bhikkhave, ajajjaraṃ…pe… dhuvañca vo, bhikkhave, desessāmi dhuvagāmiñca maggaṃ. Taṃ suṇātha. Katamañca, bhikkhave, dhuvaṃ…pe… apalokitañca vo, bhikkhave, desessāmi apalokitagāmiñca maggaṃ. Taṃ suṇātha. Katamañca, bhikkhave, apalokitaṃ…pe… anidassanañca vo, bhikkhave, desessāmi anidassanagāmiñca maggaṃ. Taṃ suṇātha. Katamañca, bhikkhave, anidassanaṃ…pe… nippapañcañca vo, bhikkhave, desessāmi nippapañcagāmiñca maggaṃ. Taṃ suṇātha. Katamañca, bhikkhave, nippapañcaṃ…pe…?
‘‘သန္တဉ္စ ဝော, ဘိက္ခဝေ, ဒေသေသ္သာမိ သန္တဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, သန္တံ။ပေ.။ အမတဉ္စ ဝော, ဘိက္ခဝေ, ဒေသေသ္သာမိ အမတဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, အမတံ။ပေ.။ ပဏီတဉ္စ ဝော, ဘိက္ခဝေ, ဒေသေသ္သာမိ ပဏီတဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, ပဏီတံ။ပေ.။ သိဝဉ္စ ဝော, ဘိက္ခဝေ , ဒေသေသ္သာမိ သိဝဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, သိဝံ။ပေ.။ ခေမဉ္စ ဝော, ဘိက္ခဝေ, ဒေသေသ္သာမိ ခေမဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, ခေမံ။ပေ.။ တဏ္ဟာက္ခယဉ္စ ဝော, ဘိက္ခဝေ, ဒေသေသ္သာမိ တဏ္ဟာက္ခယဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, တဏ္ဟာက္ခယံ။ပေ.။?
‘‘Santañca vo, bhikkhave, desessāmi santagāmiñca maggaṃ. Taṃ suṇātha. Katamañca, bhikkhave, santaṃ…pe… amatañca vo, bhikkhave, desessāmi amatagāmiñca maggaṃ. Taṃ suṇātha. Katamañca, bhikkhave, amataṃ…pe… paṇītañca vo, bhikkhave, desessāmi paṇītagāmiñca maggaṃ. Taṃ suṇātha. Katamañca, bhikkhave, paṇītaṃ…pe… sivañca vo, bhikkhave , desessāmi sivagāmiñca maggaṃ. Taṃ suṇātha. Katamañca, bhikkhave, sivaṃ…pe… khemañca vo, bhikkhave, desessāmi khemagāmiñca maggaṃ. Taṃ suṇātha. Katamañca, bhikkhave, khemaṃ…pe… taṇhākkhayañca vo, bhikkhave, desessāmi taṇhākkhayagāmiñca maggaṃ. Taṃ suṇātha. Katamañca, bhikkhave, taṇhākkhayaṃ…pe…?
‘‘အစ္ဆရိယဉ္စ ဝော, ဘိက္ခဝေ, ဒေသေသ္သာမိ အစ္ဆရိယဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, အစ္ဆရိယံ။ပေ.။ အဗ္ဘုတဉ္စ ဝော, ဘိက္ခဝေ, ဒေသေသ္သာမိ အဗ္ဘုတဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, အဗ္ဘုတံ။ပေ.။ အနီတိကဉ္စ ဝော, ဘိက္ခဝေ, ဒေသေသ္သာမိ အနီတိကဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, အနီတိကံ။ပေ.။ အနီတိကဓမ္မဉ္စ ဝော, ဘိက္ခဝေ, ဒေသေသ္သာမိ အနီတိကဓမ္မဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, အနီတိကဓမ္မံ။ပေ.။ နိဗ္ဗာနဉ္စ ဝော, ဘိက္ခဝေ, ဒေသေသ္သာမိ နိဗ္ဗာနဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, နိဗ္ဗာနံ။ပေ.။ အဗ္ယာပဇ္ဈဉ္စ 1 ဝော, ဘိက္ခဝေ, ဒေသေသ္သာမိ အဗ္ယာပဇ္ဈဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, အဗ္ယာပဇ္ဈံ။ပေ.။ ဝိရာဂဉ္စ ဝော, ဘိက္ခဝေ, ဒေသေသ္သာမိ ဝိရာဂဂာမိဉ္စ မဂ္ဂံ။ တံ သုဏာထ။ ကတမော စ, ဘိက္ခဝေ, ဝိရာဂော။ပေ.။?
‘‘Acchariyañca vo, bhikkhave, desessāmi acchariyagāmiñca maggaṃ. Taṃ suṇātha. Katamañca, bhikkhave, acchariyaṃ…pe… abbhutañca vo, bhikkhave, desessāmi abbhutagāmiñca maggaṃ. Taṃ suṇātha. Katamañca, bhikkhave, abbhutaṃ…pe… anītikañca vo, bhikkhave, desessāmi anītikagāmiñca maggaṃ. Taṃ suṇātha. Katamañca, bhikkhave, anītikaṃ…pe… anītikadhammañca vo, bhikkhave, desessāmi anītikadhammagāmiñca maggaṃ. Taṃ suṇātha. Katamañca, bhikkhave, anītikadhammaṃ…pe… nibbānañca vo, bhikkhave, desessāmi nibbānagāmiñca maggaṃ. Taṃ suṇātha. Katamañca, bhikkhave, nibbānaṃ…pe… abyāpajjhañca 2 vo, bhikkhave, desessāmi abyāpajjhagāmiñca maggaṃ. Taṃ suṇātha. Katamañca, bhikkhave, abyāpajjhaṃ…pe… virāgañca vo, bhikkhave, desessāmi virāgagāmiñca maggaṃ. Taṃ suṇātha. Katamo ca, bhikkhave, virāgo…pe…?
‘‘သုဒ္ဓိဉ္စ ဝော, ဘိက္ခဝေ, ဒေသေသ္သာမိ သုဒ္ဓိဂာမိဉ္စ မဂ္ဂံ။ တံ သုဏာထ။ ကတမာ စ, ဘိက္ခဝေ, သုဒ္ဓိ။ပေ.။ မုတ္တိဉ္စ ဝော, ဘိက္ခဝေ, ဒေသေသ္သာမိ မုတ္တိဂာမိဉ္စ မဂ္ဂံ။ တံ သုဏာထ။ ကတမာ စ, ဘိက္ခဝေ, မုတ္တိ။ပေ.။ အနာလယဉ္စ ဝော, ဘိက္ခဝေ, ဒေသေသ္သာမိ အနာလယဂာမိဉ္စ မဂ္ဂံ။ တံ သုဏာထ။ ကတမော စ, ဘိက္ခဝေ, အနာလယော။ပေ.။ ဒီပဉ္စ ဝော, ဘိက္ခဝေ, ဒေသေသ္သာမိ ဒီပဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, ဒီပံ။ပေ.။ လေဏဉ္စ ဝော, ဘိက္ခဝေ, ဒေသေသ္သာမိ လေဏဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, လေဏံ။ပေ.။ တာဏဉ္စ ဝော, ဘိက္ခဝေ, ဒေသေသ္သာမိ တာဏဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, တာဏံ။ပေ.။ သရဏဉ္စ ဝော, ဘိက္ခဝေ, ဒေသေသ္သာမိ သရဏဂာမိဉ္စ မဂ္ဂံ။ တံ သုဏာထ။ ကတမဉ္စ, ဘိက္ခဝေ, သရဏံ။ပေ.။အနုသာသနီ’’တိ? ဗာတ္တိံသတိမံ။
‘‘Suddhiñca vo, bhikkhave, desessāmi suddhigāmiñca maggaṃ. Taṃ suṇātha. Katamā ca, bhikkhave, suddhi…pe… muttiñca vo, bhikkhave, desessāmi muttigāmiñca maggaṃ. Taṃ suṇātha. Katamā ca, bhikkhave, mutti…pe… anālayañca vo, bhikkhave, desessāmi anālayagāmiñca maggaṃ. Taṃ suṇātha. Katamo ca, bhikkhave, anālayo…pe… dīpañca vo, bhikkhave, desessāmi dīpagāmiñca maggaṃ. Taṃ suṇātha. Katamañca, bhikkhave, dīpaṃ…pe… leṇañca vo, bhikkhave, desessāmi leṇagāmiñca maggaṃ. Taṃ suṇātha. Katamañca, bhikkhave, leṇaṃ…pe… tāṇañca vo, bhikkhave, desessāmi tāṇagāmiñca maggaṃ. Taṃ suṇātha. Katamañca, bhikkhave, tāṇaṃ…pe… saraṇañca vo, bhikkhave, desessāmi saraṇagāmiñca maggaṃ. Taṃ suṇātha. Katamañca, bhikkhave, saraṇaṃ…pe…anusāsanī’’ti? Bāttiṃsatimaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၃၃. အသင္ခတသုတ္တာဒိဝဏ္ဏနာ • 1-33. Asaṅkhatasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂၃-၃၃. အသင္ခတသုတ္တာဒိဝဏ္ဏနာ • 23-33. Asaṅkhatasuttādivaṇṇanā
