| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၄. အဘယသုတ္တဝဏ္ဏနာ
4. Abhayasuttavaṇṇanā
၁၈၄. စတုတ္ထေ ကိစ္ဆာဇီဝိတကာရဏဋ္ဌေန ရောဂောဝ ရောဂာတင္ကော နာမ။ ဖုဋ္ဌသ္သာတိ တေန ရောဂာတင္ကေန သမန္နာဂတသ္သ။ ဥရတ္တာဠိံ ကန္ဒတီတိ ဥရံ တာဠေတ္ဝာ ရောဒတိ။ အကတကလ္ယာဏောတိအာဒီသု ကလ္ယာဏံ ဝုစ္စတိ ပုညကမ္မံ , တံ အကတံ ဧတေနာတိ အကတကလ္ယာဏော။ သေသပဒေသုပိ ဧသေဝ နယော။ ပုညကမ္မမေဝ ဟိ ကောသလ္လသမ္ဘူတတ္တာ ကုသလံ, ဘီတသ္သ ပရိတ္တာယကတ္တာ ဘီရုတ္တာဏန္တိ ဝုစ္စတိ။ ကတပာပောတိအာဒီသု ပာပံ ဝုစ္စတိ လာမကံ အကုသလကမ္မံ။ လုဒ္ဒန္တိ ကက္ခဠကမ္မံ။ ကိဗ္ဗိသန္တိ သမလံ အပရိသုဒ္ဓကမ္မံ။ ကင္ခီ ဟောတီတိ ဗုဒ္ဓဓမ္မသင္ဃဂုဏေသု စေဝ သိက္ခာယ စ ပုဗ္ဗန္တေ စ အပရန္တေ စ ပုဗ္ဗန္တာပရန္တေ စ ပဋိစ္စသမုပ္ပာဒေ စာတိ အဋ္ဌသု ဌာနေသု ကင္ခာယ သမန္နာဂတော ဟောတိ။ ဝိစိကိစ္ဆီတိ ဝိစိကိစ္ဆာယ သမန္နာဂတော သာသနသဒ္ဓမ္မေ န နိဋ္ဌံ ဂတော, ဥဂ္ဂဟပရိပုစ္ဆာဝသေန နိဋ္ဌံ ဂန္တုံ န သက္ကောတိ။ ဣမိနာ နယေန သဗ္ဗတ္ထ အတ္ထော ဝေဒိတဗ္ဗော။
184. Catutthe kicchājīvitakāraṇaṭṭhena rogova rogātaṅko nāma. Phuṭṭhassāti tena rogātaṅkena samannāgatassa. Urattāḷiṃ kandatīti uraṃ tāḷetvā rodati. Akatakalyāṇotiādīsu kalyāṇaṃ vuccati puññakammaṃ , taṃ akataṃ etenāti akatakalyāṇo. Sesapadesupi eseva nayo. Puññakammameva hi kosallasambhūtattā kusalaṃ, bhītassa parittāyakattā bhīruttāṇanti vuccati. Katapāpotiādīsu pāpaṃ vuccati lāmakaṃ akusalakammaṃ. Luddanti kakkhaḷakammaṃ. Kibbisanti samalaṃ aparisuddhakammaṃ. Kaṅkhī hotīti buddhadhammasaṅghaguṇesu ceva sikkhāya ca pubbante ca aparante ca pubbantāparante ca paṭiccasamuppāde cāti aṭṭhasu ṭhānesu kaṅkhāya samannāgato hoti. Vicikicchīti vicikicchāya samannāgato sāsanasaddhamme na niṭṭhaṃ gato, uggahaparipucchāvasena niṭṭhaṃ gantuṃ na sakkoti. Iminā nayena sabbattha attho veditabbo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၄. အဘယသုတ္တံ • 4. Abhayasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၄. အဘယသုတ္တဝဏ္ဏနာ • 4. Abhayasuttavaṇṇanā
