| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
5. ආදිත්‌තවග්‌ගො
5. Ādittavaggo
1. ආදිත්‌තසුත්‌තවණ්‌ණනා
1. Ādittasuttavaṇṇanā
41. ආදිත්‌තවග්‌ගස්‌ස පඨමෙ ජරාය මරණෙන චාති දෙසනාසීසමෙතං, රාගාදීහි පන එකාදසහි අග්‌ගීහි ලොකො ආදිත්‌තොව. දානෙනාති දානචෙතනාය. දින්‌නං හොති සුනීහතන්‌ති දානපුඤ්‌ඤචෙතනාහි දායකස්‌සෙව හොති ඝරසාමිකස්‌ස විය නීහතභණ්‌ඩකං, තෙනෙතං වුත්‌තං. චොරා හරන්‌තීති අදින්‌නෙ භොගෙ චොරාපි හරන්‌ති රාජානොපි, අග්‌ගිපි ඩහති, ඨපිතට්‌ඨානෙපි නස්‌සන්‌ති. අන්‌තෙනාති මරණෙන. සරීරං සපරිග්‌ගහන්‌ති සරීරඤ්‌චෙව චොරාදීනං වසෙන අවිනට්‌ඨභොගෙ ච. සග්‌ගමුපෙතීති වෙස්‌සන්‌තරමහාරාජාදයො විය සග්‌ගෙ නිබ්‌බත්‌තතීති. පඨමං.
41. Ādittavaggassa paṭhame jarāya maraṇena cāti desanāsīsametaṃ, rāgādīhi pana ekādasahi aggīhi loko ādittova. Dānenāti dānacetanāya. Dinnaṃ hoti sunīhatanti dānapuññacetanāhi dāyakasseva hoti gharasāmikassa viya nīhatabhaṇḍakaṃ, tenetaṃ vuttaṃ. Corā harantīti adinne bhoge corāpi haranti rājānopi, aggipi ḍahati, ṭhapitaṭṭhānepi nassanti. Antenāti maraṇena. Sarīraṃ sapariggahanti sarīrañceva corādīnaṃ vasena avinaṭṭhabhoge ca. Saggamupetīti vessantaramahārājādayo viya sagge nibbattatīti. Paṭhamaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 1. ආදිත්‌තසුත්‌තං • 1. Ādittasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. ආදිත්‌තසුත්‌තවණ්‌ණනා • 1. Ādittasuttavaṇṇanā
