| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
3. අන්‌නසුත්‌තවණ්‌ණනා
3. Annasuttavaṇṇanā
43. පත්‌ථෙන්‌තීති පිහෙන්‌ති. යත්‌ථස්‌ස උපගමනං ලොකෙ පාකටතරං අහොසි, තෙ උදාහරණවසෙන දස්‌සෙන්‌තො ‘‘චිත්‌තගහපතිසීවලිත්‌ථෙරාදිකෙ වියා’’ති ආහ. අන්‌නන්‌ති අන්‌නසඤ්‌ඤිතො චතුබ්‌බිධොපි පච්‌චයො. සබ්‌බෙපි දායකෙ එකජ්‌ඣං ගහෙත්‌වා සාමඤ්‌ඤතො එකවසෙන ‘‘දායකමෙවා’’ති වුත්‌තං, යථා චාහ ‘‘කො නාම සො යක්‌ඛො, යං අන්‌නං නාභිනන්‌දතී’’ති? තත්‌ථ යක්‌ඛොති සත්‌තො. සාමඤ්‌ඤජොතනා ච නාම යස්‌මා පුථුඅත්‌ථවිසයා, තස්‌මා ‘‘යෙ නං දදන්‌ති සද්‌ධාය, විප්‌පසන්‌නෙන චෙතසා. තමෙව අන්‌නං භජතී’’ති වුත්‌තං. තත්‌ථ ම-කාරො පදසන්‌ධිකරො, තෙ එවාති අත්‌ථො. දායකං අපරිච්‌චජනමෙව අනුගච්‌ඡති චක්‌කං විය කුබ්‌බරං.
43.Patthentīti pihenti. Yatthassa upagamanaṃ loke pākaṭataraṃ ahosi, te udāharaṇavasena dassento ‘‘cittagahapatisīvalittherādike viyā’’ti āha. Annanti annasaññito catubbidhopi paccayo. Sabbepi dāyake ekajjhaṃ gahetvā sāmaññato ekavasena ‘‘dāyakamevā’’ti vuttaṃ, yathā cāha ‘‘ko nāma so yakkho, yaṃ annaṃ nābhinandatī’’ti? Tattha yakkhoti satto. Sāmaññajotanā ca nāma yasmā puthuatthavisayā, tasmā ‘‘ye naṃ dadanti saddhāya, vippasannena cetasā. Tameva annaṃ bhajatī’’ti vuttaṃ. Tattha ma-kāro padasandhikaro, te evāti attho. Dāyakaṃ apariccajanameva anugacchati cakkaṃ viya kubbaraṃ.
අන්‌නසුත්‌තවණ්‌ණනා නිට්‌ඨිතා.
Annasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 3. අන්‌නසුත්‌තං • 3. Annasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. අන්‌නසුත්‌තවණ්‌ණනා • 3. Annasuttavaṇṇanā
