| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
9. රතනවග්‌ගො
9. Ratanavaggo
1. අන්‌තෙපුරසික්‌ඛාපදවණ්‌ණනා
1. Antepurasikkhāpadavaṇṇanā
494-7. යථා භගවන්‌තං පයිරුපාසති, එවමාකාරෙන නාරහතායං පුරිසො පාපො හොතුං, න හොති පාපොති අත්‌ථො, කාරණත්‌ථං වා. තන්‌ති නිපාතමත්‌තං, යතොති වා අත්‌ථො. හත්‌ථිසම්‌මද්‌දන්‌ති සඞ්‌ඝාටසම්‌මද්‌දො, අක්‌කමනං චුණ්‌ණතාති අත්‌ථො.
494-7. Yathā bhagavantaṃ payirupāsati, evamākārena nārahatāyaṃ puriso pāpo hotuṃ, na hoti pāpoti attho, kāraṇatthaṃ vā. Tanti nipātamattaṃ, yatoti vā attho. Hatthisammaddanti saṅghāṭasammaddo, akkamanaṃ cuṇṇatāti attho.
498. රතනං නාම අග්‌ගමහෙසී, තථාපි ඉධ අඤ්‌ඤාපි දෙවිගොත්‌තා න රක්‌ඛති, අනාපත්‌තිවාරෙ ‘‘න මහෙසී හොතී’’ති වචනාභාවතො. සචෙ ඛත්‌තියොව හොති, නාභිසිත්‌තො. අභිසිත්‌තොයෙව හොති, න ඛත්‌තියො රක්‌ඛතීති ආචරියො. අනාපත්‌තිවාරෙ මාතිකාට්‌ඨකථායං අඞ්‌ගභාවෙන ච වුත්‌තත්‌තා අභිසිත්‌තභාවොවපමාණං. සෙසං උක්‌කට්‌ඨපරිච්‌ඡෙදොති එකෙ.
498.Ratanaṃ nāma aggamahesī, tathāpi idha aññāpi devigottā na rakkhati, anāpattivāre ‘‘na mahesī hotī’’ti vacanābhāvato. Sace khattiyova hoti, nābhisitto. Abhisittoyeva hoti, na khattiyo rakkhatīti ācariyo. Anāpattivāre mātikāṭṭhakathāyaṃ aṅgabhāvena ca vuttattā abhisittabhāvovapamāṇaṃ. Sesaṃ ukkaṭṭhaparicchedoti eke.
500-501. ‘‘න සයනිඝරෙ සයනිඝරසඤ්‌ඤී’’ති තිකච්‌ඡෙදොපි එත්‌ථ ලබ්‌භති. න සයනිඝරං නාම අපරික්‌ඛිත්‌තරුක්‌ඛමූලාදි.
500-501. ‘‘Na sayanighare sayanigharasaññī’’ti tikacchedopi ettha labbhati. Na sayanigharaṃ nāma aparikkhittarukkhamūlādi.
අන්‌තෙපුරසික්‌ඛාපදවණ්‌ණනා නිට්‌ඨිතා.
Antepurasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 9. රතනවග්‌ගො • 9. Ratanavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 1. අන්‌තෙපුරසික්‌ඛාපදවණ්‌ණනා • 1. Antepurasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 1. අන්‌තෙපුරසික්‌ඛාපදවණ්‌ණනා • 1. Antepurasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 1. අන්‌තෙපුරසික්‌ඛාපද-අත්‌ථයොජනා • 1. Antepurasikkhāpada-atthayojanā
