| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၁. အရဏသုတ္တဝဏ္ဏနာ
11. Araṇasuttavaṇṇanā
၈၁. ဧကာဒသမေ အရဏာတိ နိက္ကိလေသာ။ ဝုသိတန္တိ ဝုသိတဝာသော။ ဘောဇိသ္သိယန္တိ အဒာသဘာဝော။ သမဏာတိ ခီဏာသဝသမဏာ။ တေ ဟိ ဧကန္တေန အရဏာ နာမ။ ဝုသိတံ န နသ္သတီတိ တေသံ အရိယမဂ္ဂဝာသော န နသ္သတိ။ ပရိဇာနန္တီတိ ပုထုဇ္ဇနကလ္ယာဏကတော ပဋ္ဌာယ သေခာ လောကိယလောကုတ္တရာယ ပရိညာယ ပရိဇာနန္တိ။ ဘောဇိသ္သိယန္တိ ခီဏာသဝသမဏာနံယေဝ နိစ္စံ ဘုဇိသ္သဘာဝော နာမ။ ဝန္ဒန္တီတိ ပဗ္ဗဇိတဒိဝသတော ပဋ္ဌာယ ဝန္ဒန္တိ။ ပတိဋ္ဌိတန္တိ သီလေ ပတိဋ္ဌိတံ ။ သမဏီဓာတိ သမဏံ ဣဓ။ ဇာတိဟီနန္တိ အပိ စဏ္ဍာလကုလာ ပဗ္ဗဇိတံ။ ခတ္တိယာတိ န ကေဝလံ ခတ္တိယာဝ, ဒေဝာပိ သီလသမ္ပန္နံ သမဏံ ဝန္ဒန္တိယေဝာတိ။ ဧကာဒသမံ။
81. Ekādasame araṇāti nikkilesā. Vusitanti vusitavāso. Bhojissiyanti adāsabhāvo. Samaṇāti khīṇāsavasamaṇā. Te hi ekantena araṇā nāma. Vusitaṃ na nassatīti tesaṃ ariyamaggavāso na nassati. Parijānantīti puthujjanakalyāṇakato paṭṭhāya sekhā lokiyalokuttarāya pariññāya parijānanti. Bhojissiyanti khīṇāsavasamaṇānaṃyeva niccaṃ bhujissabhāvo nāma. Vandantīti pabbajitadivasato paṭṭhāya vandanti. Patiṭṭhitanti sīle patiṭṭhitaṃ . Samaṇīdhāti samaṇaṃ idha. Jātihīnanti api caṇḍālakulā pabbajitaṃ. Khattiyāti na kevalaṃ khattiyāva, devāpi sīlasampannaṃ samaṇaṃ vandantiyevāti. Ekādasamaṃ.
ဆေတ္ဝာဝဂ္ဂော အဋ္ဌမော။
Chetvāvaggo aṭṭhamo.
ဣတိ သာရတ္ထပ္ပကာသိနိယာ
Iti sāratthappakāsiniyā
သံယုတ္တနိကာယ-အဋ္ဌကထာယ
Saṃyuttanikāya-aṭṭhakathāya
ဒေဝတာသံယုတ္တဝဏ္ဏနာ နိဋ္ဌိတာ။
Devatāsaṃyuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၁. အရဏသုတ္တံ • 11. Araṇasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၁. အရဏသုတ္တဝဏ္ဏနာ • 11. Araṇasuttavaṇṇanā
