Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၁. အရဏသုတ္တံ
11. Araṇasuttaṃ
၈၁.
81.
‘‘ကေသူဓ အရဏာ လောကေ၊ ကေသံ ဝုသိတံ န နသ္သတိ။
‘‘Kesūdha araṇā loke, kesaṃ vusitaṃ na nassati;
ကေဓ ဣစ္ဆံ ပရိဇာနန္တိ၊ ကေသံ ဘောဇိသ္သိယံ သဒာ။
Kedha icchaṃ parijānanti, kesaṃ bhojissiyaṃ sadā.
‘‘ကိံသု မာတာ ပိတာ ဘာတာ၊ ဝန္ဒန္တိ နံ ပတိဋ္ဌိတံ။
‘‘Kiṃsu mātā pitā bhātā, vandanti naṃ patiṭṭhitaṃ;
ကိံသု ဣဓ ဇာတိဟီနံ၊ အဘိဝာဒေန္တိ ခတ္တိယာ’’တိ။
Kiṃsu idha jātihīnaṃ, abhivādenti khattiyā’’ti.
‘‘သမဏီဓ အရဏာ လောကေ၊ သမဏာနံ ဝုသိတံ န နသ္သတိ။
‘‘Samaṇīdha araṇā loke, samaṇānaṃ vusitaṃ na nassati;
သမဏာ ဣစ္ဆံ ပရိဇာနန္တိ၊ သမဏာနံ ဘောဇိသ္သိယံ သဒာ။
Samaṇā icchaṃ parijānanti, samaṇānaṃ bhojissiyaṃ sadā.
‘‘သမဏံ မာတာ ပိတာ ဘာတာ၊ ဝန္ဒန္တိ နံ ပတိဋ္ဌိတံ။
‘‘Samaṇaṃ mātā pitā bhātā, vandanti naṃ patiṭṭhitaṃ;
သမဏီဓ ဇာတိဟီနံ၊ အဘိဝာဒေန္တိ ခတ္တိယာ’’တိ။
Samaṇīdha jātihīnaṃ, abhivādenti khattiyā’’ti.
ဆေတ္ဝာဝဂ္ဂော အဋ္ဌမော။
Chetvāvaggo aṭṭhamo.
တသ္သုဒ္ဒာနံ –
Tassuddānaṃ –
ဆေတ္ဝာ ရထဉ္စ စိတ္တဉ္စ၊ ဝုဋ္ဌိ ဘီတာ နဇီရတိ။
Chetvā rathañca cittañca, vuṭṭhi bhītā najīrati;
ဣသ္သရံ ကာမံ ပာထေယ္ယံ၊ ပဇ္ဇောတော အရဏေန စာတိ။
Issaraṃ kāmaṃ pātheyyaṃ, pajjoto araṇena cāti.
ဒေဝတာသံယုတ္တံ သမတ္တံ။
Devatāsaṃyuttaṃ samattaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၁. အရဏသုတ္တဝဏ္ဏနာ • 11. Araṇasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၁. အရဏသုတ္တဝဏ္ဏနာ • 11. Araṇasuttavaṇṇanā