| Library / Tipiṭaka / තිපිටක • Tipiṭaka / උදානපාළි • Udānapāḷi |
5. බ්‍රාහ්‌මණසුත්‌තං
5. Brāhmaṇasuttaṃ
5. එවං මෙ සුතං – එකං සමයං භගවා සාවත්‌ථියං විහරති ජෙතවනෙ අනාථපිණ්‌ඩිකස්‌ස ආරාමෙ. තෙන ඛො පන සමයෙන ආයස්‌මා ච සාරිපුත්‌තො ආයස්‌මා ච මහාමොග්‌ගල්‌ලානො ආයස්‌මා ච මහාකස්‌සපො ආයස්‌මා ච මහාකච්‌චානො 1 ආයස්‌මා ච මහාකොට්‌ඨිකො ආයස්‌මා ච මහාකප්‌පිනො ආයස්‌මා ච මහාචුන්‌දො ආයස්‌මා ච අනුරුද්‌ධො ආයස්‌මා ච රෙවතො ආයස්‌මා ච නන්‌දො 2 යෙන භගවා තෙනුපසඞ්‌කමිංසු .
5. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā ca sāriputto āyasmā ca mahāmoggallāno āyasmā ca mahākassapo āyasmā ca mahākaccāno 3 āyasmā ca mahākoṭṭhiko āyasmā ca mahākappino āyasmā ca mahācundo āyasmā ca anuruddho āyasmā ca revato āyasmā ca nando 4 yena bhagavā tenupasaṅkamiṃsu .
අද්‌දසා ඛො භගවා තෙ ආයස්‌මන්‌තෙ දූරතොව ආගච්‌ඡන්‌තෙ; දිස්‌වාන භික්‌ඛූ ආමන්‌තෙසි – ‘‘එතෙ, භික්‌ඛවෙ, බ්‍රාහ්‌මණා ආගච්‌ඡන්‌ති; එතෙ, භික්‌ඛවෙ, බ්‍රාහ්‌මණා ආගච්‌ඡන්‌තී’’ති. එවං වුත්‌තෙ , අඤ්‌ඤතරො බ්‍රාහ්‌මණජාතිකො භික්‌ඛු භගවන්‌තං එතදවොච – ‘‘කිත්‌තාවතා නු ඛො, භන්‌තෙ, බ්‍රාහ්‌මණො හොති, කතමෙ ච පන බ්‍රාහ්‌මණකරණා ධම්‌මා’’ති?
Addasā kho bhagavā te āyasmante dūratova āgacchante; disvāna bhikkhū āmantesi – ‘‘ete, bhikkhave, brāhmaṇā āgacchanti; ete, bhikkhave, brāhmaṇā āgacchantī’’ti. Evaṃ vutte , aññataro brāhmaṇajātiko bhikkhu bhagavantaṃ etadavoca – ‘‘kittāvatā nu kho, bhante, brāhmaṇo hoti, katame ca pana brāhmaṇakaraṇā dhammā’’ti?
අථ ඛො භගවා එතමත්‌ථං විදිත්‌වා තායං වෙලායං ඉමං උදානං උදානෙසි –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘බාහිත්‌වා පාපකෙ ධම්‌මෙ, යෙ චරන්‌ති සදා සතා;
‘‘Bāhitvā pāpake dhamme, ye caranti sadā satā;
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / උදාන-අට්‌ඨකථා • Udāna-aṭṭhakathā / 5. බ්‍රාහ්‌මණසුත්‌තවණ්‌ණනා • 5. Brāhmaṇasuttavaṇṇanā
