Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၇. ဒသင္ဂသုတ္တံ
7. Dasaṅgasuttaṃ
၁၁၃. သာဝတ္ထိယံ ဝိဟရတိ။ပေ.။ ‘‘ဓာတုသောဝ, ဘိက္ခဝေ, သတ္တာ သံသန္ဒန္တိ သမေန္တိ။ မိစ္ဆာဒိဋ္ဌိကာ မိစ္ဆာဒိဋ္ဌိကေဟိ သဒ္ဓိံ သံသန္ဒန္တိ သမေန္တိ; မိစ္ဆာသင္ကပ္ပာ။ပေ.။ မိစ္ဆာဝာစာ။ မိစ္ဆာကမ္မန္တာ။ မိစ္ဆာအာဇီဝာ။ မိစ္ဆာဝာယာမာ။ မိစ္ဆာသတိနော ။ မိစ္ဆာသမာဓိနော မိစ္ဆာသမာဓီဟိ သဒ္ဓိံ သံသန္ဒန္တိ သမေန္တိ; မိစ္ဆာဉာဏိနော မိစ္ဆာဉာဏီဟိ သဒ္ဓိံ သံသန္ဒန္တိ သမေန္တိ; မိစ္ဆာဝိမုတ္တိနော မိစ္ဆာဝိမုတ္တီဟိ သဒ္ဓိံ သံသန္ဒန္တိ သမေန္တိ’’။
113. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Micchādiṭṭhikā micchādiṭṭhikehi saddhiṃ saṃsandanti samenti; micchāsaṅkappā…pe… micchāvācā… micchākammantā… micchāājīvā… micchāvāyāmā… micchāsatino … micchāsamādhino micchāsamādhīhi saddhiṃ saṃsandanti samenti; micchāñāṇino micchāñāṇīhi saddhiṃ saṃsandanti samenti; micchāvimuttino micchāvimuttīhi saddhiṃ saṃsandanti samenti’’.
‘‘သမ္မာဒိဋ္ဌိကာ သမ္မာဒိဋ္ဌိကေဟိ သဒ္ဓိံ သံသန္ဒန္တိ သမေန္တိ; သမ္မာသင္ကပ္ပာ။ပေ.။ သမ္မာဝာစာ။ သမ္မာကမ္မန္တာ။ သမ္မာအာဇီဝာ။ သမ္မာဝာယာမာ။ သမ္မာသတိနော။ သမ္မာသမာဓိနော။ သမ္မာဉာဏိနော သမ္မာဉာဏီဟိ သဒ္ဓိံ သံသန္ဒန္တိ သမေန္တိ; သမ္မာဝိမုတ္တိနော သမ္မာဝိမုတ္တီဟိ သဒ္ဓိံ သံသန္ဒန္တိ သမေန္တီ’’တိ။ သတ္တမံ။
‘‘Sammādiṭṭhikā sammādiṭṭhikehi saddhiṃ saṃsandanti samenti; sammāsaṅkappā…pe… sammāvācā… sammākammantā… sammāājīvā… sammāvāyāmā… sammāsatino… sammāsamādhino… sammāñāṇino sammāñāṇīhi saddhiṃ saṃsandanti samenti; sammāvimuttino sammāvimuttīhi saddhiṃ saṃsandanti samentī’’ti. Sattamaṃ.
သတ္တန္နံ သုတ္တန္တာနံ ဥဒ္ဒာနံ –
Sattannaṃ suttantānaṃ uddānaṃ –
အသမာဟိတံ ဒုသ္သီလံ၊ ပဉ္စ သိက္ခာပဒာနိ စ။
Asamāhitaṃ dussīlaṃ, pañca sikkhāpadāni ca;
သတ္တ ကမ္မပထာ ဝုတ္တာ၊ ဒသကမ္မပထေန စ။
Satta kammapathā vuttā, dasakammapathena ca;
ဆဋ္ဌံ အဋ္ဌင္ဂိကော ဝုတ္တော၊ ဒသင္ဂေန စ သတ္တမံ။
Chaṭṭhaṃ aṭṭhaṅgiko vutto, dasaṅgena ca sattamaṃ.
ကမ္မပထဝဂ္ဂော တတိယော။
Kammapathavaggo tatiyo.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ဒသင္ဂသုတ္တဝဏ္ဏနာ • 7. Dasaṅgasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. ဒသင္ဂသုတ္တဝဏ္ဏနာ • 7. Dasaṅgasuttavaṇṇanā