Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೬. ಧಮ್ಮಚರಿಯಸುತ್ತಂ
6. Dhammacariyasuttaṃ
೨೭೬.
276.
ಧಮ್ಮಚರಿಯಂ ಬ್ರಹ್ಮಚರಿಯಂ, ಏತದಾಹು ವಸುತ್ತಮಂ।
Dhammacariyaṃ brahmacariyaṃ, etadāhu vasuttamaṃ;
ಪಬ್ಬಜಿತೋಪಿ ಚೇ ಹೋತಿ, ಅಗಾರಾ ಅನಗಾರಿಯಂ॥
Pabbajitopi ce hoti, agārā anagāriyaṃ.
೨೭೭.
277.
ಸೋ ಚೇ ಮುಖರಜಾತಿಕೋ, ವಿಹೇಸಾಭಿರತೋ ಮಗೋ।
So ce mukharajātiko, vihesābhirato mago;
ಜೀವಿತಂ ತಸ್ಸ ಪಾಪಿಯೋ, ರಜಂ ವಡ್ಢೇತಿ ಅತ್ತನೋ॥
Jīvitaṃ tassa pāpiyo, rajaṃ vaḍḍheti attano.
೨೭೮.
278.
ಕಲಹಾಭಿರತೋ ಭಿಕ್ಖು, ಮೋಹಧಮ್ಮೇನ ಆವುತೋ।
Kalahābhirato bhikkhu, mohadhammena āvuto;
ಅಕ್ಖಾತಮ್ಪಿ ನ ಜಾನಾತಿ, ಧಮ್ಮಂ ಬುದ್ಧೇನ ದೇಸಿತಂ॥
Akkhātampi na jānāti, dhammaṃ buddhena desitaṃ.
೨೭೯.
279.
ವಿಹೇಸಂ ಭಾವಿತತ್ತಾನಂ, ಅವಿಜ್ಜಾಯ ಪುರಕ್ಖತೋ।
Vihesaṃ bhāvitattānaṃ, avijjāya purakkhato;
ಸಂಕಿಲೇಸಂ ನ ಜಾನಾತಿ, ಮಗ್ಗಂ ನಿರಯಗಾಮಿನಂ॥
Saṃkilesaṃ na jānāti, maggaṃ nirayagāminaṃ.
೨೮೦.
280.
ವಿನಿಪಾತಂ ಸಮಾಪನ್ನೋ, ಗಬ್ಭಾ ಗಬ್ಭಂ ತಮಾ ತಮಂ।
Vinipātaṃ samāpanno, gabbhā gabbhaṃ tamā tamaṃ;
ಸ ವೇ ತಾದಿಸಕೋ ಭಿಕ್ಖು, ಪೇಚ್ಚ ದುಕ್ಖಂ ನಿಗಚ್ಛತಿ॥
Sa ve tādisako bhikkhu, pecca dukkhaṃ nigacchati.
೨೮೧.
281.
ಗೂಥಕೂಪೋ ಯಥಾ ಅಸ್ಸ, ಸಮ್ಪುಣ್ಣೋ ಗಣವಸ್ಸಿಕೋ।
Gūthakūpo yathā assa, sampuṇṇo gaṇavassiko;
ಯೋ ಚ ಏವರೂಪೋ ಅಸ್ಸ, ದುಬ್ಬಿಸೋಧೋ ಹಿ ಸಾಙ್ಗಣೋ॥
Yo ca evarūpo assa, dubbisodho hi sāṅgaṇo.
೨೮೨.
282.
ಯಂ ಏವರೂಪಂ ಜಾನಾಥ, ಭಿಕ್ಖವೋ ಗೇಹನಿಸ್ಸಿತಂ।
Yaṃ evarūpaṃ jānātha, bhikkhavo gehanissitaṃ;
ಪಾಪಿಚ್ಛಂ ಪಾಪಸಙ್ಕಪ್ಪಂ, ಪಾಪಆಚಾರಗೋಚರಂ॥
Pāpicchaṃ pāpasaṅkappaṃ, pāpaācāragocaraṃ.
೨೮೩.
283.
೨೮೪.
284.
ನಿದ್ಧಮಿತ್ವಾನ ಪಾಪಿಚ್ಛೇ, ಪಾಪಆಚಾರಗೋಚರೇ॥
Niddhamitvāna pāpicche, pāpaācāragocare.
೨೮೫.
285.
ಸುದ್ಧಾ ಸುದ್ಧೇಹಿ ಸಂವಾಸಂ, ಕಪ್ಪಯವ್ಹೋ ಪತಿಸ್ಸತಾ।
Suddhā suddhehi saṃvāsaṃ, kappayavho patissatā;
ತತೋ ಸಮಗ್ಗಾ ನಿಪಕಾ, ದುಕ್ಖಸ್ಸನ್ತಂ ಕರಿಸ್ಸಥಾತಿ॥
Tato samaggā nipakā, dukkhassantaṃ karissathāti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೬. ಕಪಿಲಸುತ್ತ-(ಧಮ್ಮಚರಿಯಸುತ್ತ)-ವಣ್ಣನಾ • 6. Kapilasutta-(dhammacariyasutta)-vaṇṇanā