| Library / Tipiṭaka / තිපිටක • Tipiṭaka / ඉතිවුත්‌තකපාළි • Itivuttakapāḷi |
7. ධම්‌මානුධම්‌මපටිපන්‌නසුත්‌තං
7. Dhammānudhammapaṭipannasuttaṃ
86. වුත්‌තඤ්‌හෙතං භගවතා, වුත්‌තමරහතාති මෙ සුතං –
86. Vuttañhetaṃ bhagavatā, vuttamarahatāti me sutaṃ –
‘‘ධම්‌මානුධම්‌මපටිපන්‌නස්‌ස භික්‌ඛුනො අයමනුධම්‌මො හොති වෙය්‍යාකරණාය – ධම්‌මානුධම්‌මපටිපන්‌නොයන්‌ති භාසමානො ධම්‌මඤ්‌ඤෙව භාසති නො අධම්‌මං, විතක්‌කයමානො වා ධම්‌මවිතක්‌කඤ්‌ඤෙව විතක්‌කෙති නො අධම්‌මවිතක්‌කං, තදුභයං වා පන අභිනිවෙජ්‌ජෙත්‌වා උපෙක්‌ඛකො විහරති සතො සම්‌පජානො’’ති. එතමත්‌ථං භගවා අවොච. තත්‌ථෙතං ඉති වුච්‌චති –
‘‘Dhammānudhammapaṭipannassa bhikkhuno ayamanudhammo hoti veyyākaraṇāya – dhammānudhammapaṭipannoyanti bhāsamāno dhammaññeva bhāsati no adhammaṃ, vitakkayamāno vā dhammavitakkaññeva vitakketi no adhammavitakkaṃ, tadubhayaṃ vā pana abhinivejjetvā upekkhako viharati sato sampajāno’’ti. Etamatthaṃ bhagavā avoca. Tatthetaṃ iti vuccati –
‘‘ධම්‌මාරාමො ධම්‌මරතො, ධම්‌මං අනුවිචින්‌තයං;
‘‘Dhammārāmo dhammarato, dhammaṃ anuvicintayaṃ;
ධම්‌මං අනුස්‌සරං භික්‌ඛු, සද්‌ධම්‌මා න පරිහායති.
Dhammaṃ anussaraṃ bhikkhu, saddhammā na parihāyati.
‘‘චරං වා යදි වා තිට්‌ඨං, නිසින්‌නො උද වා සයං;
‘‘Caraṃ vā yadi vā tiṭṭhaṃ, nisinno uda vā sayaṃ;
අජ්‌ඣත්‌තං සමයං චිත්‌තං, සන්‌තිමෙවාධිගච්‌ඡතී’’ති.
Ajjhattaṃ samayaṃ cittaṃ, santimevādhigacchatī’’ti.
අයම්‌පි අත්‌ථො වුත්‌තො භගවතා, ඉති මෙ සුතන්‌ති. සත්‌තමං.
Ayampi attho vutto bhagavatā, iti me sutanti. Sattamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ඉතිවුත්‌තක-අට්‌ඨකථා • Itivuttaka-aṭṭhakathā / 7. ධම්‌මානුධම්‌මපටිපන්‌නසුත්‌තවණ්‌ණනා • 7. Dhammānudhammapaṭipannasuttavaṇṇanā
