| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၀. ဒုတိယဒုက္ခုပ္ပာဒသုတ္တံ
10. Dutiyadukkhuppādasuttaṃ
၂၂. ‘‘ယော, ဘိက္ခဝေ, ရူပာနံ ဥပ္ပာဒော ဌိတိ အဘိနိဗ္ဗတ္တိ ပာတုဘာဝော, ဒုက္ခသ္သေသော ဥပ္ပာဒော, ရောဂာနံ ဌိတိ, ဇရာမရဏသ္သ ပာတုဘာဝော။ ယော သဒ္ဒာနံ။ပေ.။ ယော ဂန္ဓာနံ။ ယော ရသာနံ။ ယော ဖောဋ္ဌဗ္ဗာနံ။ ယော ဓမ္မာနံ ဥပ္ပာဒော ဌိတိ အဘိနိဗ္ဗတ္တိ ပာတုဘာဝော, ဒုက္ခသ္သေသော ဥပ္ပာဒော, ရောဂာနံ ဌိတိ, ဇရာမရဏသ္သ ပာတုဘာဝော။
22. ‘‘Yo, bhikkhave, rūpānaṃ uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo saddānaṃ…pe… yo gandhānaṃ… yo rasānaṃ… yo phoṭṭhabbānaṃ… yo dhammānaṃ uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo.
‘‘ယော စ ခော, ဘိက္ခဝေ, ရူပာနံ နိရောဓော ဝူပသမော အတ္ထင္ဂမော, ဒုက္ခသ္သေသော နိရောဓော, ရောဂာနံ ဝူပသမော, ဇရာမရဏသ္သ အတ္ထင္ဂမော။ ယော သဒ္ဒာနံ။ပေ.။ ယော ဂန္ဓာနံ။ ယော ရသာနံ။ ယော ဖောဋ္ဌဗ္ဗာနံ။ ယော ဓမ္မာနံ နိရောဓော ဝူပသမော အတ္ထင္ဂမော, ဒုက္ခသ္သေသော နိရောဓော, ရောဂာနံ ဝူပသမော, ဇရာမရဏသ္သ အတ္ထင္ဂမော’’တိ။ ဒသမံ။
‘‘Yo ca kho, bhikkhave, rūpānaṃ nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo. Yo saddānaṃ…pe… yo gandhānaṃ… yo rasānaṃ… yo phoṭṭhabbānaṃ… yo dhammānaṃ nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo’’ti. Dasamaṃ.
ယမကဝဂ္ဂော ဒုတိယော။
Yamakavaggo dutiyo.
တသ္သုဒ္ဒာနံ –
Tassuddānaṃ –
သမ္ဗောဓေန ဒုဝေ ဝုတ္တာ၊ အသ္သာဒေန အပရေ ဒုဝေ။
Sambodhena duve vuttā, assādena apare duve;
နော စေတေန ဒုဝေ ဝုတ္တာ၊ အဘိနန္ဒေန အပရေ ဒုဝေ။
No cetena duve vuttā, abhinandena apare duve;
ဥပ္ပာဒေန ဒုဝေ ဝုတ္တာ၊ ဝဂ္ဂော တေန ပဝုစ္စတီတိ။
Uppādena duve vuttā, vaggo tena pavuccatīti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇-၁၀. ပဌမာဘိနန္ဒသုတ္တာဒိဝဏ္ဏနာ • 7-10. Paṭhamābhinandasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇-၁၀. ပဌမာဘိနန္ဒသုတ္တာဒိဝဏ္ဏနာ • 7-10. Paṭhamābhinandasuttādivaṇṇanā
