| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
4. එකමූලසුත්‌තවණ්‌ණනා
4. Ekamūlasuttavaṇṇanā
44. චතුත්‌ථෙ එකමූලන්‌ති අවිජ්‌ජා තණ්‌හාය මූලං, තණ්‌හා අවිජ්‌ජාය. ඉධ පන තණ්‌හා අධිප්‌පෙතා. ද්‌වීහි සස්‌සතුච්‌ඡෙදදිට්‌ඨීහි ආවට්‌ටතීති ද්‌විරාවට්‌ටා. සා ච රාගාදීහි තීහි මලෙහි තිමලා. තත්‍රාස්‌සා මොහො සහජාතකොටියා මලං හොති, රාගදොසා උපනිස්‌සයකොටියා. පඤ්‌ච පන කාමගුණා අස්‌සා පත්‌ථරණට්‌ඨානා, තෙසු සා පත්‌ථරතීති පඤ්‌චපත්‌ථරා. සා ච අපූරණීයට්‌ඨෙන සමුද්‌දො. අජ්‌ඣත්‌තිකබාහිරෙසු පනෙසා ද්‌වාදසායතනෙසු ආවට්‌ටති පරිවට්‌ටතීති ද්‌වාදසාවට්‌ටා. අපතිට්‌ඨට්‌ඨෙන පන පාතාලොති වුච්‌චතීති. එකමූලං…පෙ.… පාතාලං, අතරි ඉසි, උත්‌තරි සමතික්‌කමීති අත්‌ථො. චතුත්‌ථං.
44. Catutthe ekamūlanti avijjā taṇhāya mūlaṃ, taṇhā avijjāya. Idha pana taṇhā adhippetā. Dvīhi sassatucchedadiṭṭhīhi āvaṭṭatīti dvirāvaṭṭā. Sā ca rāgādīhi tīhi malehi timalā. Tatrāssā moho sahajātakoṭiyā malaṃ hoti, rāgadosā upanissayakoṭiyā. Pañca pana kāmaguṇā assā pattharaṇaṭṭhānā, tesu sā pattharatīti pañcapattharā. Sā ca apūraṇīyaṭṭhena samuddo. Ajjhattikabāhiresu panesā dvādasāyatanesu āvaṭṭati parivaṭṭatīti dvādasāvaṭṭā. Apatiṭṭhaṭṭhena pana pātāloti vuccatīti. Ekamūlaṃ…pe… pātālaṃ, atari isi, uttari samatikkamīti attho. Catutthaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 4. එකමූලසුත්‌තං • 4. Ekamūlasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. එකමූලසුත්‌තවණ්‌ණනා • 4. Ekamūlasuttavaṇṇanā
