| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၀. ဂန္ဓဗ္ဗကာယသံယုတ္တဝဏ္ဏနာ
10. Gandhabbakāyasaṃyuttavaṇṇanā
၄၃၈-၅၄၉. ဂန္ဓဗ္ဗကာယသံယုတ္တေ မူလဂန္ဓေ အဓိဝတ္ထာတိ ယသ္သ ရုက္ခသ္သ မူလေ ဂန္ဓော အတ္ထိ, တံ နိသ္သာယ နိဗ္ဗတ္တာ။ သော ဟိ သကလောပိ ရုက္ခော တေသံ ဥပကပ္ပတိ။ သေသပဒေသုပိ ဧသေဝ နယော။ ဂန္ဓဂန္ဓေတိ မူလာဒိဂန္ဓာနံ ဂန္ဓေ။ ယသ္သ ဟိ ရုက္ခသ္သ သဗ္ဗေသမ္ပိ မူလာဒီနံ ဂန္ဓော အတ္ထိ, သော ဣဓ ဂန္ဓော နာမ။ တသ္သ ဂန္ဓသ္သ ဂန္ဓေ, တသ္မိံ အဓိဝတ္ထာ။ ဣဓ မူလာဒီနိ သဗ္ဗာနိ တေသံယေဝ ဥပကပ္ပန္တိ။ သော ဒာတာ ဟောတိ မူလဂန္ဓာနန္တိ သော ကာဠာနုသာရိကာဒီနံ မူလဂန္ဓာနံ ဒာတာ ဟောတိ။ ဧဝံ သဗ္ဗပဒေသု အတ္ထော ဝေဒိတဗ္ဗော။ ဧဝဉ္ဟိ သရိက္ခဒာနမ္ပိ ဒတ္ဝာ ပတ္ထနံ ဌပေန္တိ, အသရိက္ခဒာနမ္ပိ။ တံ ဒသ္သေတုံ သော အန္နံ ဒေတီတိအာဒိ ဒသဝိဓံ ဒာနဝတ္ထု ဝုတ္တံ။ သေသံ သဗ္ဗတ္ထ ဥတ္တာနမေဝာတိ။
438-549. Gandhabbakāyasaṃyutte mūlagandhe adhivatthāti yassa rukkhassa mūle gandho atthi, taṃ nissāya nibbattā. So hi sakalopi rukkho tesaṃ upakappati. Sesapadesupi eseva nayo. Gandhagandheti mūlādigandhānaṃ gandhe. Yassa hi rukkhassa sabbesampi mūlādīnaṃ gandho atthi, so idha gandho nāma. Tassa gandhassa gandhe, tasmiṃ adhivatthā. Idha mūlādīni sabbāni tesaṃyeva upakappanti. So dātā hoti mūlagandhānanti so kāḷānusārikādīnaṃ mūlagandhānaṃ dātā hoti. Evaṃ sabbapadesu attho veditabbo. Evañhi sarikkhadānampi datvā patthanaṃ ṭhapenti, asarikkhadānampi. Taṃ dassetuṃ so annaṃ detītiādi dasavidhaṃ dānavatthu vuttaṃ. Sesaṃ sabbattha uttānamevāti.
ဂန္ဓဗ္ဗကာယသံယုတ္တဝဏ္ဏနာ နိဋ္ဌိတာ။
Gandhabbakāyasaṃyuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၁. သုဒ္ဓိကသုတ္တံ • 1. Suddhikasuttaṃ
၂. သုစရိတသုတ္တံ • 2. Sucaritasuttaṃ
၃. မူလဂန္ဓဒာတာသုတ္တံ • 3. Mūlagandhadātāsuttaṃ
၄-၁၂. သာရဂန္ဓာဒိဒာတာသုတ္တနဝကံ • 4-12. Sāragandhādidātāsuttanavakaṃ
၁၃-၂၂. မူလဂန္ဓဒာနူပကာရသုတ္တဒသကံ • 13-22. Mūlagandhadānūpakārasuttadasakaṃ
၂၃-၁၁၂. သာရဂန္ဓာဒိဒာနူပကာရသုတ္တနဝုတိကံ • 23-112. Sāragandhādidānūpakārasuttanavutikaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၀. ဂန္ဓဗ္ဗကာယသံယုတ္တဝဏ္ဏနာ • 10. Gandhabbakāyasaṃyuttavaṇṇanā
