| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၅. ကုမ္ဘသုတ္တံ
5. Kumbhasuttaṃ
၁၅၃. ‘‘သေယ္ယထာပိ , ဘိက္ခဝေ, ကုမ္ဘော နိက္ကုဇ္ဇော ဝမတေဝ ဥဒကံ, နော ပစ္စာဝမတိ; ဧဝမေဝ ခော, ဘိက္ခဝေ, ဘိက္ခု အရိယံ အဋ္ဌင္ဂိကံ မဂ္ဂံ ဘာဝေန္တော အရိယံ အဋ္ဌင္ဂိကံ မဂ္ဂံ ဗဟုလီကရောန္တော ဝမတေဝ ပာပကေ အကုသလေ ဓမ္မေ, နော ပစ္စာဝမတိ။ ကထဉ္စ, ဘိက္ခဝေ, ဘိက္ခု အရိယံ အဋ္ဌင္ဂိကံ မဂ္ဂံ ဘာဝေန္တော အရိယံ အဋ္ဌင္ဂိကံ မဂ္ဂံ ဗဟုလီကရောန္တော ဝမတေဝ ပာပကေ အကုသလေ ဓမ္မေ, နော ပစ္စာဝမတိ? ဣဓ, ဘိက္ခဝေ, ဘိက္ခု သမ္မာဒိဋ္ဌိံ ဘာဝေတိ ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ။ပေ.။ သမ္မာသမာဓိံ ဘာဝေတိ ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ။ပေ.။ ဧဝံ ခော, ဘိက္ခဝေ, ဘိက္ခု အရိယံ အဋ္ဌင္ဂိကံ မဂ္ဂံ ဘာဝေန္တော အရိယံ အဋ္ဌင္ဂိကံ မဂ္ဂံ ဗဟုလီကရောန္တော ဝမတေဝ ပာပကေ အကုသလေ ဓမ္မေ, နော ပစ္စာဝမတီ’’တိ။ ပဉ္စမံ။
153. ‘‘Seyyathāpi , bhikkhave, kumbho nikkujjo vamateva udakaṃ, no paccāvamati; evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vamateva pāpake akusale dhamme, no paccāvamati. Kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vamateva pāpake akusale dhamme, no paccāvamati? Idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vamateva pāpake akusale dhamme, no paccāvamatī’’ti. Pañcamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ကုမ္ဘသုတ္တဝဏ္ဏနာ • 5. Kumbhasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. ကုမ္ဘသုတ္တဝဏ္ဏနာ • 5. Kumbhasuttavaṇṇanā
