| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
9. කුතූහලසාලාසුත්‌තවණ්‌ණනා
9. Kutūhalasālāsuttavaṇṇanā
418. නවමෙ කුතූහලසාලායන්‌ති කුතූහලසාලා නාම පච්‌චෙකසාලා නත්‌ථි, යත්‌ථ පන නානාතිත්‌ථියා සමණබ්‍රාහ්‌මණා නානාවිධං කථං පවත්‌තෙන්‌ති, සා බහූනං ‘‘අයං කිං වදති, අයං කිං වදතී’’ති කුතූහලුප්‌පවත්‌තිට්‌ඨානතො කුතූහලසාලාති වුච්‌චති. දූරම්‌පි ගච්‌ඡතීති යාව ආභස්‌සරබ්‍රහ්‌මලොකා ගච්‌ඡති. ඉමඤ්‌ච කායං නික්‌ඛිපතීති චුතිචිත්‌තෙන නික්‌ඛිපති. අනුපපන්‌නො හොතීති චුතික්‌ඛණෙයෙව පටිසන්‌ධිචිත්‌තස්‌ස අනුප්‌පන්‌නත්‌තා අනුපපන්‌නො හොති.
418. Navame kutūhalasālāyanti kutūhalasālā nāma paccekasālā natthi, yattha pana nānātitthiyā samaṇabrāhmaṇā nānāvidhaṃ kathaṃ pavattenti, sā bahūnaṃ ‘‘ayaṃ kiṃ vadati, ayaṃ kiṃ vadatī’’ti kutūhaluppavattiṭṭhānato kutūhalasālāti vuccati. Dūrampi gacchatīti yāva ābhassarabrahmalokā gacchati. Imañca kāyaṃ nikkhipatīti cuticittena nikkhipati. Anupapanno hotīti cutikkhaṇeyeva paṭisandhicittassa anuppannattā anupapanno hoti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 9. කුතූහලසාලාසුත්‌තං • 9. Kutūhalasālāsuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 9. කුතූහලසාලාසුත්‌තවණ්‌ණනා • 9. Kutūhalasālāsuttavaṇṇanā
