Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၂. မစ္ဆရိသုတ္တံ
2. Maccharisuttaṃ
၃၂. ဧကံ သမယံ ဘဂဝာ သာဝတ္ထိယံ ဝိဟရတိ ဇေတဝနေ အနာထပိဏ္ဍိကသ္သ အာရာမေ။ အထ ခော သမ္ဗဟုလာ သတုလ္လပကာယိကာ ဒေဝတာယော အဘိက္ကန္တာယ ရတ္တိယာ အဘိက္ကန္တဝဏ္ဏာ ကေဝလကပ္ပံ ဇေတဝနံ ဩဘာသေတ္ဝာ ယေန ဘဂဝာ တေနုပသင္ကမိံသု; ဥပသင္ကမိတ္ဝာ ဘဂဝန္တံ အဘိဝာဒေတ္ဝာ ဧကမန္တံ အဋ္ဌံသု။ ဧကမန္တံ ဌိတာ ခော ဧကာ ဒေဝတာ ဘဂဝတော သန္တိကေ ဣမံ ဂာထံ အဘာသိ –
32. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho sambahulā satullapakāyikā devatāyo abhikkantāya rattiyā abhikkantavaṇṇā kevalakappaṃ jetavanaṃ obhāsetvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho ekā devatā bhagavato santike imaṃ gāthaṃ abhāsi –
ပုညံ အာကင္ခမာနေန၊ ဒေယ္ယံ ဟောတိ ဝိဇာနတာ’’တိ။
Puññaṃ ākaṅkhamānena, deyyaṃ hoti vijānatā’’ti.
အထ ခော အပရာ ဒေဝတာ ဘဂဝတော သန္တိကေ ဣမာ ဂာထာယော အဘာသိ –
Atha kho aparā devatā bhagavato santike imā gāthāyo abhāsi –
‘‘ယသ္သေဝ ဘီတော န ဒဒာတိ မစ္ဆရီ၊ တဒေဝာဒဒတော ဘယံ။
‘‘Yasseva bhīto na dadāti maccharī, tadevādadato bhayaṃ;
ဇိဃစ္ဆာ စ ပိပာသာ စ၊ ယသ္သ ဘာယတိ မစ္ဆရီ။
Jighacchā ca pipāsā ca, yassa bhāyati maccharī;
တမေဝ ဗာလံ ဖုသတိ၊ အသ္မိံ လောကေ ပရမ္ဟိ စ။
Tameva bālaṃ phusati, asmiṃ loke paramhi ca.
‘‘တသ္မာ ဝိနေယ္ယ မစ္ဆေရံ၊ ဒဇ္ဇာ ဒာနံ မလာဘိဘူ။
‘‘Tasmā vineyya maccheraṃ, dajjā dānaṃ malābhibhū;
ပုညာနိ ပရလောကသ္မိံ၊ ပတိဋ္ဌာ ဟောန္တိ ပာဏိန’’န္တိ။
Puññāni paralokasmiṃ, patiṭṭhā honti pāṇina’’nti.
အထ ခော အပရာ ဒေဝတာ ဘဂဝတော သန္တိကေ ဣမာ ဂာထာယော အဘာသိ –
Atha kho aparā devatā bhagavato santike imā gāthāyo abhāsi –
‘‘တေ မတေသု န မီယန္တိ၊ ပန္ထာနံဝ သဟဗ္ဗဇံ။
‘‘Te matesu na mīyanti, panthānaṃva sahabbajaṃ;
အပ္ပသ္မိံ ယေ ပဝေစ္ဆန္တိ၊ ဧသ ဓမ္မော သနန္တနော။
Appasmiṃ ye pavecchanti, esa dhammo sanantano.
‘‘အပ္ပသ္မေကေ ပဝေစ္ဆန္တိ၊ ဗဟုနေကေ န ဒိစ္ဆရေ။
‘‘Appasmeke pavecchanti, bahuneke na dicchare;
အပ္ပသ္မာ ဒက္ခိဏာ ဒိန္နာ၊ သဟသ္သေန သမံ မိတာ’’တိ။
Appasmā dakkhiṇā dinnā, sahassena samaṃ mitā’’ti.
အထ ခော အပရာ ဒေဝတာ ဘဂဝတော သန္တိကေ ဣမာ ဂာထာယော အဘာသိ –
Atha kho aparā devatā bhagavato santike imā gāthāyo abhāsi –
‘‘ဒုဒ္ဒဒံ ဒဒမာနာနံ၊ ဒုက္ကရံ ကမ္မ ကုဗ္ဗတံ။
‘‘Duddadaṃ dadamānānaṃ, dukkaraṃ kamma kubbataṃ;
အသန္တော နိရယံ ယန္တိ၊ သန္တော သဂ္ဂပရာယနာ’’တိ။
Asanto nirayaṃ yanti, santo saggaparāyanā’’ti.
အထ ခော အပရာ ဒေဝတာ ဘဂဝတော သန္တိကေ ဧတဒဝောစ – ‘‘ကသ္သ နု ခော, ဘဂဝာ, သုဘာသိတ’’န္တိ?
Atha kho aparā devatā bhagavato santike etadavoca – ‘‘kassa nu kho, bhagavā, subhāsita’’nti?
‘‘သဗ္ဗာသံ ဝော သုဘာသိတံ ပရိယာယေန; အပိ စ မမပိ သုဏာထ –
‘‘Sabbāsaṃ vo subhāsitaṃ pariyāyena; api ca mamapi suṇātha –
‘‘ဓမ္မံ စရေ ယောပိ သမုဉ္ဇကံ စရေ၊
‘‘Dhammaṃ care yopi samuñjakaṃ care,
ဒာရဉ္စ ပောသံ ဒဒမပ္ပကသ္မိံ။
Dārañca posaṃ dadamappakasmiṃ;
သတံ သဟသ္သာနံ သဟသ္သယာဂိနံ၊
Sataṃ sahassānaṃ sahassayāginaṃ,
ကလမ္ပိ နာဂ္ဃန္တိ တထာဝိဓသ္သ တေ’’တိ။
Kalampi nāgghanti tathāvidhassa te’’ti.
အထ ခော အပရာ ဒေဝတာ ဘဂဝန္တံ ဂာထာယ အဇ္ဈဘာသိ –
Atha kho aparā devatā bhagavantaṃ gāthāya ajjhabhāsi –
‘‘ကေနေသ ယညော ဝိပုလော မဟဂ္ဂတော၊
‘‘Kenesa yañño vipulo mahaggato,
သမေန ဒိန္နသ္သ န အဂ္ဃမေတိ။
Samena dinnassa na agghameti;
ကလမ္ပိ နာဂ္ဃန္တိ တထာဝိဓသ္သ တေ’’တိ။
Kalampi nāgghanti tathāvidhassa te’’ti.
‘‘ဒဒန္တိ ဟေကေ ဝိသမေ နိဝိဋ္ဌာ၊
‘‘Dadanti heke visame niviṭṭhā,
ဆေတ္ဝာ ဝဓိတ္ဝာ အထ သောစယိတ္ဝာ။
Chetvā vadhitvā atha socayitvā;
သာ ဒက္ခိဏာ အသ္သုမုခာ သဒဏ္ဍာ၊
Sā dakkhiṇā assumukhā sadaṇḍā,
သမေန ဒိန္နသ္သ န အဂ္ဃမေတိ။
Samena dinnassa na agghameti.
‘‘ဧဝံ သတံ သဟသ္သာနံ သဟသ္သယာဂိနံ။
‘‘Evaṃ sataṃ sahassānaṃ sahassayāginaṃ;
ကလမ္ပိ နာဂ္ဃန္တိ တထာဝိဓသ္သ တေ’’တိ။
Kalampi nāgghanti tathāvidhassa te’’ti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. မစ္ဆရိသုတ္တဝဏ္ဏနာ • 2. Maccharisuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂. မစ္ဆရိသုတ္တဝဏ္ဏနာ • 2. Maccharisuttavaṇṇanā