| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
3. මිත්‌තසුත්‌තවණ්‌ණනා
3. Mittasuttavaṇṇanā
53. තතියෙ සත්‌ථොති සද්‌ධිංචරො, ජඞ්‌ඝසත්‌ථො වා සකටසත්‌ථො වා. මිත්‌තන්‌ති රොගෙ උප්‌පන්‌නෙ පාටඞ්‌කියා වා අඤ්‌ඤෙන වා යානෙන හරිත්‌වා ඛෙමන්‌තසම්‌පාපනෙන මිත්‌තං. සකෙ ඝරෙති අත්‌තනො ගෙහෙ . තථාරූපෙ රොගෙ ජාතෙ පුත්‌තභරියාදයො ජිගුච්‌ඡන්‌ති, මාතා පන අසුචිම්‌පි චන්‌දනං විය මඤ්‌ඤති. තස්‌මා සා සකෙ ඝරෙ මිත්‌තං. සහායො අත්‌ථජාතස්‌සාති උප්‌පන්‌නකිච්‌චස්‌ස යො තං කිච්‌චං වහති නිත්‌ථරති, සො කිච්‌චෙසු සහ අයනභාවෙන සහායො මිත්‌තං, සුරාපානාදිසහායා පන න මිත්‌තා. සම්‌පරායිකන්‌ති සම්‌පරායහිතං. තතියං.
53. Tatiye satthoti saddhiṃcaro, jaṅghasattho vā sakaṭasattho vā. Mittanti roge uppanne pāṭaṅkiyā vā aññena vā yānena haritvā khemantasampāpanena mittaṃ. Sake ghareti attano gehe . Tathārūpe roge jāte puttabhariyādayo jigucchanti, mātā pana asucimpi candanaṃ viya maññati. Tasmā sā sake ghare mittaṃ. Sahāyo atthajātassāti uppannakiccassa yo taṃ kiccaṃ vahati nittharati, so kiccesu saha ayanabhāvena sahāyo mittaṃ, surāpānādisahāyā pana na mittā. Samparāyikanti samparāyahitaṃ. Tatiyaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 3. මිත්‌තසුත්‌තං • 3. Mittasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3. මිත්‌තසුත්‌තවණ්‌ණනා • 3. Mittasuttavaṇṇanā
